1 Ha koʼág̃a añeʼẽ ndéve, José, che raʼy ipahaguéva. Nde nereñoivaʼekue che jeikoʼasy aja taveʼỹme; heẽ, nde sy ndeguerekovaʼekue che vyʼaʼỹ tuicha árape.

2 Ha Ñandejára tokonsagra avei ndéve g̃uarã kóva ko yvy, haʼéva peteĩ yvy iporãitéva, nde jehejapyrerã ha ne ñemoñare jehejapyrerã nde joykeʼykuéra ndive, peime porã hag̃ua tapiaite, peneñeʼẽrendúramo Israel-pegua Imarangatúva rembiapoukapykuérare.

3 Ha koʼág̃a, José, che raʼy ipahaguéva, agueruvaʼekue pe taveʼỹ jeikoʼasýgui, Ñandejára tanderovasa tapiaite peve, ne ñemoñarekuéra noñehundipamoʼãigui akoiete peve.

4 Ha péina ápe, nde haʼe che lomoguiguare; ha che haʼe José ñemoñare ojeguerahavaʼekue ñeñapytĩmbýpe Egipto-pe. Ha tuicha umi konvénio Ñandejára ojapovaʼekue José ndive.

5 Upévare, José añetehápe ohecha koʼã ñande ára. Ha ohupyty Ñandejáragui ñeʼẽmeʼẽ, pe ilomoguiguare Tupã Ñandejára omopuʼãtaha peteĩ yvyra rakã hekojojáva Israel rógape g̃uarã; ndahaʼéi pe Mesías, ha katu peteĩ yvyra rakã oñehakãʼovaʼekue, upevére, oikóta hese manduʼa Ñandejára konveniokuérape upe Mesías ojehechaukataha chupekuéra ára pahápe, pe espíritu puʼaka reheve, oguenohẽ hag̃ua chupekuéra tatatĩ ypytũgui tesakãme—heẽ, pe tatatĩ ypytũ kañy ha ñeñapytĩmbýgui tekosãsome.

6 Ha José niko añetehápe otestifika, heʼívo: Ñandejára che Tupã omopuʼãta peteĩ techapahára, haʼétava peteĩ techapahára ojeiporavopyréva umi che lomoguiguarépe g̃uarã.

7 Heẽ, José añetehápe heʼivaʼekue: Péicha heʼi chéve Ñandejára: Amopuʼãta peteĩ techapahára ojeiporavopyréva ne lomoguiguarégui; ha ojehayhuetereíta chupe umi ne lomoguiguare apytépe. Ha chupe ameʼẽta tembiapoukapy ojapo hag̃ua peteĩ tembiapo umi ne lomoguiguarépe g̃uarã, ijoykeʼykuéra, haʼétava mbaʼe hepyetéva chupekuéra g̃uarã, jepe oikuaauka hag̃ua chupekuéra umi konvénio che ajapovaʼekue nde rukuéra ndive.

8 Ha ameʼẽta chupe tembiapoukapy ani hag̃ua ojapo mbaʼeve ambue tembiapo, ndahaʼéiramo pe tembiapo che ajerurétava chupe. Ha ambotuicháta chupe che resa renondépe, haʼe ojapótagui che rembiapo.

9 Ha tuicháta Moiséicha, haʼevaʼekue amopuʼãtaha peẽme, omosãso hag̃ua che tavayguakuérape, O Israel róga.

10 Ha amopuʼãta Moisés-pe, amosãso hag̃ua nde tavayguakuérape Egipto retãgui.

11 Ha katu ne lomoguiguarégui amopuʼãta peteĩ techapahára; ha chupe ameʼẽta puʼaka ogueraha hag̃ua che ñeʼẽ umi ne lómo ñemoñarépe—ha ndahaʼéi ogueraha hag̃ua che ñeʼẽ añónte, heʼi Ñandejára, ha katu okonvense hag̃ua chupekuéra che ñeʼẽgui, oñemyasãimava ijapytepekuéra.

12 Upévare, pe ne lomoguiguare ohaíta; ha pe Judá lomoguiguare ohaíta; ha pe ne lomoguiguare rupi ojehaíva, ha avei pe Judá lomoguiguare rupi ojehaíva, okakuaáta oñondive, omoapañuãi hag̃ua umi doctrina añeteʼỹva ha ombopaha hag̃ua umi joavy, ha omoĩ hag̃ua pyʼaguapy umi ne lomoguiguare apytépe, ha ojegueru hag̃ua chupekuéra oikuaa hag̃ua ituvakuéragui umi ára pahápe, ha avei oikuaa hag̃ua hikuái che konveniokuéragui, heʼi Ñandejára.

13 Ha pe tekokangýgui haʼe oñemombaretéta, pe ára che rembiapo oñepyrũ vove opa che tavayguakuéra apytépe, romoĩjey hag̃ua, O Israel róga, heʼi Ñandejára.

14 Ha upéicha José oprofetisákuri, heʼívo: Péina ápe, Ñandejára ohovasáta upe techapahárape; ha umi oñehaʼãva ohundi chupe oñemoapañuãita; ha kóva ko ñeʼẽmeʼẽ, ahupytyvaʼekue Ñandejáragui, che lomoguiguare rehegua, oñekumplíta. Péina ápe, aikuaa porã kóva ko ñeʼẽmeʼẽ oñekumplitaha;

15 Ha oñembohérata che réraicha; ha haʼéta itúva réraicha. Ha chéichata; umi mbaʼe, Ñandejára ojapótava ipo rupi, Ñandejára puʼaka rupive oguerúta che tavayguakuérape salvasiõme.

16 Heẽ, José péicha oprofetisa: Aikuaa porã koʼãva, ha upéicha avei aikuaa porã pe Moisés ñeʼẽmeʼẽ; Ñandejára heʼígui chéve, che añongatúta ne ñemoñarépe tapiaite peve.

17 Ha Ñandejára heʼi: Amopuʼãta peteĩ Moisés-pe; ha ameʼẽta chupe puʼaka peteĩ yvyrapukúpe; ha amyakãporãta chupe ohai hag̃ua. Ha ndajoramoʼãi ikũ oñeʼẽ heta hag̃ua, nambotuichamoʼãigui chupe ñeʼẽme. Ha katu ahaíta chupe che léi, che kuã che po reheguávape; ha ambosakoʼíta peteĩ oñeʼẽtava haʼe rangue.

18 Ha avei heʼi chéve Ñandejára: Amopuʼãta ne lomoguiguarépe g̃uarã; ha ajapóta chupe g̃uarã peteĩ hese oñeʼẽvaʼerã. Ha che, péina ápe, ameʼẽta chupe ohai hag̃ua ojehaítava ne lomoguiguarére, ne lomoguiguarépe g̃uarã; ha ne lomoguiguare oñeʼẽtava oikuaaukáta.

19 Ha umi ñeʼẽ haʼe ohaítava haʼéta umi ñeʼẽ che arandúpe ahusgáva iporã og̃uahẽ hag̃ua ne lomoguiguarekuérape. Ha haʼéta ne lomoguiguare ojerure asyramoguáicha chupekuéra yvytimbo guive; aikuaágui ijeguerovia.

20 Ha yvytimbo guive ojerureʼasýta hikuái; heẽ, arrepentimiénto jepe ijoykeʼykuérape g̃uarã, jepe ohasa rire hiʼarikuéra heta ñemoñareʼaty. Ha ojehu pe ijerureʼasykuéra osẽta, jepe pe iñeʼẽnguéra hasyʼỹháicha.

21 Ha pe ijerovia rupi iñeʼẽnguéra osẽta che jurúgui ijoykeʼykuérape haʼéva ne lomoguiguare; ha pe iñeʼẽ kangykuéra che amombaretéta ijeroviápe, imanduʼa hag̃ua hikuái che konvénio ajapovaʼekuére nde rukuéra ndive.

22 Ha koʼág̃a, péina ápe, che raʼy José, péichakuri che ru oprofetisa ymaite.

23 Upévare, kóva ko konvénio rupi nde rejehovasa; ne ñemoñarekuéra noñehundimoʼãigui, ohendútagui hikuái pe kuatiañeʼẽmegua ñeʼẽ.

24 Ha opuʼãta ijapytepekuéra peteĩ ipuʼakapáva, ojapótava heta mbaʼe porã, ñeʼẽ ha tembiapópe, haʼétava peteĩ tembiporu Ñandejára pópe, tuicha jeguerovia reheve, ojapo hag̃ua techapyrã imbaretéva, ha ojapo hag̃ua umi mbaʼe tuicháva Ñandejára resa renondépe, ogueru hag̃ua heta ñemoĩjey Israel rógape, ha nde joykeʼykuéra ñemoñarépe.

25 Ha koʼág̃a, rejehovasapyréva nde, José. Péina ápe, nemitã gueteri; upévare ehendu nde joykeʼy, Nefi, ñeʼẽnguéra, ha oikóta nderehe umi ñeʼẽ che haʼe haguéicha. Nemanduʼáke nde ru omanombotáva ñeʼẽnguérare. Amén