Ñembyaty 22
Milenio árape mayma yvypóra omomorãta Ñandejárape—Haʼe oikóta ijapytepekuéra—Ñambojojavaʼerã Isaías 12 rehe. 559–545 ary rupi Cristo mboyve.
1 Ha upe árape eréta: O Ñandejára, che romomorãta; jepe ndepochýkuri chendive nde pochy ojei, ha chemoangapyhy.
2 Péina ápe, Tupã haʼe che salvasiõ; che ajeroviáta, ha ndakyhyjemoʼãi; Jehová Ñandejára haʼégui che mbarete ha che purahéi; ha haʼe avei salvasiõ chéve g̃uarã.
3 Upévare, vyʼápe peguenohẽta y umi salvasiõ ykuágui.
4 Ha upe árape pejéta: Pemomorã Ñandejárape, pehenoiʼasy héra, pemombeʼu hembiapo tavayguakuéra apytépe, peje héra oñemopuʼãha.
5 Pepurahéi Ñandejárape; haʼe ojapógui mbaʼe techapyrãva; ha koʼãva opa tetãme ojeikuaa.
6 Emomorã ha epurahéi, nde reikóva Sión-pe; tuichágui pe Israel-pegua Imarangatúva nde apytépe.