1 Ha ojehu Acaz árape Jotam raʼy, Uzías raʼy, Judá-pegua rréi, Rezín, Siria-pegua rréi, ha Peca Remalías raʼy, Israel-pegua rréi, ou hikuái Jerusalén ári oñorairõ hag̃ua hendive, ha katu ndaipuʼakái hese hikuái.

2 Ha oñemomarandu David rógape, heʼívo: Siria oñemoĩporã Efraín ndive. Ha omovã ikorasõ, ha itavayguakuéra korasõ, umi yvyra kaʼaguy oñemovãháicha yvytúre.

3 Upémarõ heʼi Ñandejára Isaías-pe: Esẽ koʼág̃a ejuhu hag̃ua Acaz-pe, nde ha nde raʼy Sear-jasub, pe estánke tuichavéva ykua rape rembeʼýpe kokue joheihára rapére;

4 Ha ere chupe: Ejesareko, ha eime pyʼaguapýpe; ani ekyhyje, ha ani ikangy ne korasõ koʼã mokõi tisón kávo rendy hatatĩva rupi, Rezín ha Siria pochyvai rupi, ha Remalías raʼy rupi.

5 Siria, Efraín, ha Remalías raʼy, imanduʼavaígui nderehe, heʼívo:

6 Jajupi Judá-re ha ñamyangekói chupe, ha jajapo ipype tape ñandéve g̃uarã, ha ñamoĩ chupe rréi imbytépe, heẽ, Tabeel raʼýpe.

7 Péicha heʼi Tupã Ñandejára: Ndoikomoʼãi, ni ndojehumoʼãi upéva.

8 Síria akã niko Damasco, ha Damasco akã, Rezín; ha sesenta y cinco ary rire Efraín oñehundíta ndahaʼevéi peve tavayguakuéra.

9 Ha Efraín akã Samaria, ha Samaria akã Remalías raʼy. Nderegueroviáiramo añetehápe nderepytamoʼãi.

10 Ha avei, oñeʼẽ jey Ñandejára Acaz-pe, heʼívo:

11 Ejerure ndéve g̃uarã peteĩ techaukaha Ñandejára nde Tupãgui; ejerure yvyguy ipypukuvehápe, térã yvate ijyvatevehápe.

12 Ha katu Acaz heʼi: Ndajeruremoʼãi, ha ndaipyʼaraʼãmoʼãi Ñandejárape.

13 Ha haʼe heʼi: Pehendu koʼág̃a peẽ, O David róga, michĩ mbaʼe piko peẽme pemonguerái yvyporakuérape, pemonguerái hag̃ua avei che Tupãme.

14 Upévare, Ñandejaraite omeʼẽta peẽme peteĩ techaukaha—Péina ápe, peteĩ vírgen hyeguasúta, ha imembýta peteĩ mitãkuimbaʼe, ha ohenóita herarã Emanuel.

15 Mantéka ha eíra hoʼúta, ombotovekuaa peve ivaíva ha oiporavokuaa peve iporãva.

16 Ha pe mitã ombotovekuaa mboyve ivaíva ha oiporavo iporãva, pe yvy nde rehayhuʼỹetéva iporeʼỹta mokõivéva irréigui.

17 Ñandejára oguerúta nde ári, ha nde tavayguakuéra ári, ha nde rukuéra róga ári, ára arakaʼeve ndouivaʼekue Efraín ojei guive Judá-gui, upéva Asiria-pegua rréi.

18 Ha ojehúta upe árape Ñandejára oturuñeʼẽta mberu oĩva mombyry Egipto-pe, ha pe eiru oĩva Asiria retãme.

19 Ha oúta hikuái, ha opavave oñemoĩta umi ijyvytypaʼũ haʼeñóme, ha umi itakuápe, ha opa ñuatĩndy, ha opa kaʼavo ári

20 Upe araitépe Ñandejára ohendyvaʼóta peteĩ kyse ñapĩha ojeiporuvaʼekuépe, umi oĩva ysyry mboypýri rupive, rréi de Asiria rupi, pe akã, ha hetyma rague; ha avei oipeʼáta pe hendyva.

21 Ha ojehúta upe árape, peteĩ kuimbaʼe omongakuaáta peteĩ vakaraʼy ha mokõi ovecha.

22 Ha ojehúta, heta kamby umíva omeʼẽvare, haʼe hoʼúta kesu; mantéka ha eíra hoʼútagui opavave umi opytáva yvýpe.

23 Ha ojehúta upe árape, opa tenda, oĩhámekuri mil parralty hepýva mil ciclo de pláta, opytáta ñuatĩndy ha javorairã.

24 Huʼy ha yvyrapã reheve kuimbaʼekuéra oikéta upépe, opaite yvy haʼétagui ñuatĩndy ha javorái.

25 Ha opa yvyty ojejoʼotahápe asádape, nog̃uahẽmoʼãi hikuái okyhyjégui umi ñuatĩndy ha javoráigui; ha katu haʼéta kapiʼipe guéi karurã, ha oguata hag̃ua hiʼári mymba michĩ.