Ñembyaty 14
Sión ha imembykuñakuéra oñerredimi ha oñemopotĩta pe ára milenario-pe—Ñambojojavaʼerã Isaías 4 ndive. 559–545 ary rupi Cristo mboyve.
1 Upe árape, siete kuña ipojáita peteĩ kuimbaʼére, heʼívo: Ore mbujapeʼinte roʼúta, ha ore aoite romondéta; ehejamínte oréve rogueraha nde réra roipeʼa hag̃ua ore ñemotĩ.
2 Upe árape Ñandejára omoheñoipyahúva iporã ha omimbipáta, ha umi yvy omeʼẽva hechapyrãta ha iporãitereíta umi Israel-pegua okañyvaʼekuépe g̃uarã.
3 Ha ojehúta, umi ojehejavaʼekue Sión-pe ha umi opytáva Jerusalén-pe oñehenóita chupekuéra Santo, opa umi héra ojehaivaʼekue oikovéva Jerusalén apytépe.
4 Ñandejára ojohéi vove Sión membykuñakuéra mbaʼekyʼa, ha omopotĩ vove ijapytéguikuéra Jerusalén ruguy huísio espíritu ha jehapy espíritu rupive.
5 Ha ojapóta Ñandejára opa monte de Sión ha iñasambleakuéra ári peteĩ arai ha tatatĩ arakuépe, ha tata resape ha tatarendy pyharekue, opa Sión verapy ári oĩtagui peteĩ ñemoʼãha.
6 Ha oĩta peteĩ tavernákulo ñañemoʼã hag̃ua arahaku arapeguágui, ha jajeahoʼi hag̃ua, ha ñañemoʼã hag̃ua amavai ha aguasérogui.