1 Ha péina ápe, Ñandejára, pe Señor de los Ejércitos, oipeʼa Jerusalén, ha Judá-gui, pytyvõ ha meʼẽha, opa mbujape meʼẽha, ha opa pytyvõ y rehegua—

2 Pe kuimbaʼe ipuʼakapáva ha yvypóra oñorairõkuaáva, pe hue, ha proféta, pe iñakãguapýva, ha itujámava;

3 Upe tendota cincuenta rehegua, ha yvypóra ojehecharamóva, ha oñemoñeʼẽkuaáva, ha opa mbaʼe ojapokuaáva, ha pe iñeʼẽkuaaitéva.

4 Ha amoĩta chupekuéra mitã iprincipe-rã, ha mitã tavy michĩ oisãmbyhýta chupekuéra.

5 Ha tavayguakuéra ojejopýta, peteĩva ambuéva rehe, ha opavave ijykereguáre. Pe mitã ijorgullósota itujáva rehe, ha pe kuimbaʼe chapĩ kuimbaʼe ojehecharamóva rehe.

6 Kuimbaʼe ojagarra vove ijoykeʼýpe itúva rogagua apytégui, ha heʼívo chupe: Nde niko nde aopuku, tahaʼéna oresãmbyhyhára, ha ani reheja ko ñehundi ou nde poguýpe—

7 Ha upéva pe árape haʼe oñeʼẽmeʼẽta, heʼívo: Che ndahaʼemoʼãi mongueraha, che rógape ndaipóri mbujape ni ñamondevaʼerã; anína chemoĩ aisãmbyhy hag̃ua ko tavayguakuérape.

8 Jerusalén niko oñehundi, ha Judá hoʼa, ikũ ha hembiapokuéra oñemoĩgui Ñandejárare, ombopochy hag̃ua hesa verapy.

9 Hovakuéra otestifika hesekuéra, ha omombeʼu iñangaipakuéra haʼeha Sodoma-peguáicha, ha ndaikatúi omokañy hikuái. Ái hiʼangakuéragui, oguerúgui hikuái ivaíva ijupe g̃uarã.

10 Peje umi hekojojávape oho porãtaha chupekuéra; hoʼútagui hikuái hembiapokuéragui hiʼa.

11 Ái umi iñañáva, omanótagui hikuái; pe ipopeguakuéra ñemyengovia oútagui hiʼarikuéra.

12 Ha che tavayguakuéra, mitãnguéra haʼe ijopyhára; ha kuña oisãmbyhy chupekuéra. O che tavayguakuéra, umi neisambyhýva nembojavy ha ohundi nde guatahakuéra rape.

13 Ñandejára oñemboʼy olitiga hag̃ua, oñemboʼy ohusga hag̃ua tavayguakuérape.

14 Ñandejára oikéta huísio reheve pe itavayguakuéra ymaguare ndive ha ipríncipe-kuéra ndive; nde reʼupágui nde rógape upe víña ha umi imboriahúva rembiʼu.

15 Mbaʼe piko rejapose? Rejopy che tavayguakuérape, ha remonguʼi umi imboriahúva rova, heʼi pe Señor Dios de los Ejércitos.

16 Ha avei, Ñandejára heʼi: Sión membykuñakuéra oñembotuicha haguére, ha oiko haguére ajúra puʼã ha tesa otiʼỹme, ha oguata hikuái ojerokyramoguáicha, ha ojapo tintineo ipýpe—

17 Upévare Ñandejára oipyʼajopýta Sión membykuñakuérape akã mbyte kuru reheve, ha Ñandejára ohechaukáta ijopivokuéra.

18 Upe árape Ñandejára oipeʼáta ijeguakakuéra tintineo mbarete, ha kygua vera, ha namichãi;

19 Mboʼykuéra, ha pyapy rehegua, ha umi ajúra ahoʼiha;

20 Akãhoja, tetyma jeguaka, tokadokuéra, mbaʼe ryakuãʼasýva ha namichãi;

21 Kuãirũ ha tĩ namichãi;

22 Ao porã ñemonde, ha ahoja, ha akã ahoʼiha, ha akãrague myapopẽha;

23 Itangecha, ha líno hechapyrãva, ha akã rehegua ahoja, ha ñuvãha.

24 Ha ojehúta, tyakuãʼasyrangue, oĩta tyakuãvai; kuʼa jokuaharangue vakapi; ha akãrague apopẽrangue, akã perõ; ha ao jeguarangue, silísio; ha kaigue porãrangue.

25 Ne kuimbaʼekuéra hoʼáta kysepukúpe ha umi ipuʼakapáva ñorairõguasúpe.

26 Ha hokẽnguéra ojaheʼóta ha oñembyaohũta, ha haʼe haʼeñoreíta, ha oguapýta yvýpe.