1 Ha katu, péina ápe, ára pahápe, térã gentil-kuéra árape—heẽ, péina ápe opa gentil-kuéra retã ha avei judio-kuéra, umi oúva kóva ko yvýpe ha umi oĩva ambue yvy ári, heẽ, jepe opa tetã yvypegua ári, péina ápe, okaʼúta hikuái tembiapovai ha opáichagua tembiapokyʼápe—

2 Ha ou vove upe ára oúta chupekuéra pe Señor de los Ejércitos, arasunu ha yvyryrýi reheve, ha tyapu guasu, ha aravai, ha ama arapochy reheve, ha tatarendy oporohapýva reheve.

3 Ha opa tetã oñemoĩva Sión rehe, ha ojopýva chupe, haʼéta peteĩ kerarecha pyharepeguáicha; heẽ, haʼéta pe iñembyahýiva ikerarecháramo; ha péina ápe okaru ha katu opáy ha hiʼánga nandi; térã peteĩ ikerarecha ijyʼuhéiva; ha péina ápe hoyʼu ha opáyvo péina ápe omanombota, ha hiʼánga ivareʼa; heẽ, jepe upéichata opa tetãnguéra atyguasu oñorairõva Sión yvyty ndive.

4 Ha péina ápe, opavave peẽ pejapóva tembiapovai, pepyta ha pemombaʼeguasu, pesapukái ha pejerureʼasýtagui; heẽ, pekaʼúta ha ndahaʼemoʼãi vínogui, pevaváta ha ndahaʼemoʼãi likorgui.

5 Ha péina ápe, Ñandejára omoĩ pende ári peteĩ espíritu jeke atã rehegua. Ha péina ápe, pemboty pende resa, ha perrechasa profetakuérape; ha umi peneisãmbyhýva, ha techapaharakuérape haʼe ojahoʼi pene rembiapovaígui.

6 Ha ojehúta Tupã Ñandejára ohechaukáta peẽme peteĩ kuatiañeʼẽ ñeʼẽnguéra, ha haʼéta umi okevaʼekue ñeʼẽ.

7 Ha péina ápe pe kuatiañeʼẽ ojeselláta; ha ipype oĩta Tupã rrevelasiõ, yvóra ñepyrũmby guive ipaha peve.

8 Upévare, umi mbaʼe ojeselláva rupi, noñemeʼẽmoʼãi koʼã mbaʼe ojeselláva tavayguakuéra aña ha tembiapokyʼa árape. Upévare upe kuatiañeʼẽ oñeñongatúta chuguikuéra.

9 Ha katu upe kuatiañeʼẽ oñemeʼẽta peteĩ yvypórape, ha haʼe omeʼẽta pe kuatiañeʼẽmegua ñeʼẽ, haʼéva umi okevaʼekue yvytimbópe ñeʼẽ, ha haʼe omeʼẽta koʼã ñeʼẽ ambuépe.

10 Ha katu umi ñeʼẽ ojeselláva haʼe nomeʼẽmoʼãi, ni nomeʼẽmoʼãi pe kuatiañeʼẽ. Pe kuatiañeʼẽ ojesellátagui Tupã puʼaka rupi, ha pe rrevelasiõ ojesellavaʼekue oñeñongatúta pe kuatiañeʼẽme og̃uahẽ meve ára Ñandejára heʼi vove, ikatuneha osẽ; ha péina ápe, umíva ohechauka opa mbaʼe yvóra ojejapo ypy guive ipaha peve.

11 Ha og̃uahẽ ára pe kuatiañeʼẽ ñeʼẽnguéra ojesellavaʼekue oñemoñeʼẽta ogakuéra ruʼã guive; ha oñemoñeʼẽta Cristo puʼaka rupive; ha ojehechaukáta yvypóra raʼykuérape opa mbaʼe arakaʼeve noĩriva yvypóra raʼykuéra apytépe, ha arakaʼeve oĩtava yvy paha peve.

12 Upévare, ára oñemeʼẽ vove kuatiañeʼẽ pe yvypórape añeʼẽ haguére, oñemokañýta pe kuatiañeʼẽ yvóra reságui, ani hag̃ua ohecha mavave resa ndahaʼéirõ mbohapy testígo añónte ohechátava, Tupã puʼaka rupi, ha oñemeʼẽvape upe kuatiañeʼẽ; ha otestifikáta hikuái upe kuatiañeʼẽ ha umi mbaʼe ipype oĩva añeteguaha.

13 Ha mavave ndohechamoʼãi, ndahaʼéiva mbovymínte, Tupã rembipotáicha, omeʼẽ hag̃ua testimónio iñeʼẽgui yvypóra raʼykuérape; Tupã Ñandejára heʼígui ijeroviarekóva ñeʼẽ oñeʼẽtaha umi omanovaʼekue apyteguiguáicha.

14 Upévare, Tupã Ñandejára oguenohẽta tesakãme pe kuatiañeʼẽ ñeʼẽnguéra; ha opa testígo haʼe oipotáva jurúpe omoĩta iñeʼẽ; ha ái pe orrechasávagui Tupã ñeʼẽ.

15 Ha péina ápe, ojehúta Tupã Ñandejára heʼíta pe kuatiañeʼẽ omeʼẽvape: Ejagarra koʼã ñeʼẽ ndojeselláiva ha emeʼẽ ambuépe, ohechauka hag̃ua iñarandúvape, heʼívo: Emoñeʼẽmi kóva. Ha pe iñarandúva heʼíta: Egueru koʼápe pe kuatiañeʼẽ, ha che amoñeʼẽta.

16 Ha koʼág̃a, pe yvóra verapy rupi ha ohupyty hag̃ua viru heʼíta hikuái péicha, ha ndahaʼemoʼãi Tupã verapyrã.

17 Ha pe yvypóra heʼíta: Ndaikatúi agueru pe kuatiañeʼẽ, ojesellágui.

18 Upémarõ heʼíta pe iñarandúva: Ndaikatúi amoñeʼẽ.

19 Upévare ojehúta, Tupã Ñandejára omeʼẽ jeýta pe kuatiañeʼẽ ha umi ñeʼẽ oguerekóva pe naiñarandúivape; ha pe yvypóra naiñarandúiva heʼíta: Nachearandúi.

20 Upémarõ Tupã Ñandejára heʼíta chupe: Umi iñarandúva nomoñeʼẽmoʼãi koʼãva, orrechasa haguére hikuái umíva, ha che ajapokuaa che rembiapo; upévare nde remoñeʼẽta umi ñeʼẽ che ameʼẽtava ndéve.

21 Ani epoko umi mbaʼe ojesellávare, ahechaukátagui umíva che haʼe vove árape; ahechaukátagui yvypóra raʼykuérape che ajapokuaaha che rembiapo.

22 Upévare, emoñeʼẽ vove umi ñeʼẽ haʼéva ndéve, ha eguereko vove umi testígo haʼevaʼekue ndéve, upe vove esella jeýta pe kuatiañeʼẽ, ha emokañýta chéve g̃uarã, che añongatu hag̃ua umi ñeʼẽ nde neremoñeʼẽivaʼekue, che arandúpe ahecha peve ikatuha ahechauka opa mbaʼe yvypóra raʼykuérape.

23 Ha péina ápe, che haʼe Tupã; ha che haʼe peteĩ Tupã ojapóva milágro; ha ahechaukáta yvórape che haʼeha peteĩchaite kuehe, ko ára, ha tapiaite peve; ha nambaʼapói yvypóra raʼykuéra apytépe ndahaʼéirõ ijerovia rupive.

24 Ha ojehu jeýta Ñandejára heʼíta chupe omoñeʼẽ hag̃ua umi ñeʼẽ oñemeʼẽtava chupe:

25 Ha péicha ko tavayguakuéra oñemoag̃ui cherehe ijurúpe, ha hembépe chemombaʼe, ha ikorasõ katu omomombyry chehegui, ha ikyhyje chehegui oñehekomboʼe chupekuéra yvyporakuéra mboʼepy rupive—

26 Upévare, che ajapóta peteĩ tembiapo techapyrã ko tavayguakuéra apytépe; heẽ, peteĩ tembiapo tuicha ha hechapyrãva; umi iñarandúva ha oikuaapáva arandu omanótagui, ha umi iñakãguapýva ñeikũmby oñemokañýta.

27 Ha ái umi oñehaʼãmbaitéva omokañy hembiapo Ñandejáragui! Ha hembiapokuéra ojejapo pytũmbýpe; ha heʼi hikuái: Máva piko ñanderecha, ha máva piko ñandekuaa? Ha heʼi avei hikuái: Añetehápe, ne ñehaʼã rembyai hag̃ua opa mbaʼevai ojehecháta alfarero tujúicha. Ha péina ápe, ahechaukáta chupekuéra, heʼi pe Señor de los Ejércitos, aikuaaha opa hembiapo. Ha heʼíta piko pe tembiapo ijapoharépe, haʼe ndachejapói? Térã heʼíta piko oñemopuʼãvaʼekue imopuʼãharére, haʼe naiñarandúi?

28 Ha péina ápe, heʼi pe Señor de los Ejércitos: Ahechaukáta yvypóra raʼykuérape koʼágui upe riremi pe Líbano-gui oikotaha ñu porã; ha ñu porã ojehechataha peteĩ kaʼaguýicha.

29 Ha upe árape umi nohendúiva ohendúta pe kuatiañeʼẽmegua ñeʼẽ, ha umi ndohecháiva resa ohecháta pytũmbýpe ha tatatĩ ypytũ guive.

30 Ha umi imarangatúva avei hetavéta, ha ivyʼakuéra haʼéta Ñandejárape; ha umi imboriahúva yvyporakuéra apytépe ovyʼáta pe Israel-pegua Imarangatúvape.

31 Ha Tupã Ñandejára oikoveháicha ohecháta hikuái pe oporomondýiva ndahaʼeiha mbaʼeve, ha oñembokusuguéta pe oñembohorýva; ha opa umi oñangarekóva tembiapovaíre oñeikytĩta.

32 Ha umi yvypórape oporomoĩvaíva peteĩ ñeʼẽre, ha oitýva ñuhã pe okẽme oporomboʼévape, ha omboykéva hekojojávape vyroreíre.

33 Upévare, péicha heʼi Ñandejára, ojoravaʼekue Abraham-pe, Jacob rógare: Jacob koʼág̃a notĩmoʼãi, ni hova ndahesaʼyjumoʼãi.

34 Ha haʼe ohecha vove itaʼyrakuérape, che pópe ajapovaʼekue, imbytetépe, haʼekuéra omomarangatúta che réra, ha omomarangatúta pe Jacob-pegua Imarangatúvape, ha okyhyjéta hikuái Israel-gua Tupãgui.

35 Ha avei umi ojavyvaʼekue espíritu-pe oúta kuaapýpe; ha umi okaguaivaʼekue oikuaáta doctrina.