1 Ha Isaí tronco-gui osẽta peteĩ vára, ha peteĩ hakã hokýta hapógui.

2 Ha hiʼári oguejýta Ñandejára Espíritu, pe espíritu arandu ha ñeikũmbykuaa rehegua, pe espíritu omeʼẽva ñemoñeʼẽ ha puʼaka, pe espíritu mbaʼekuaa ha Ñandejáragui jekyhyje rehegua;

3 Ha oñemeʼẽta chupe ñeikũmbykuaa Ñandejára kyhyjépe; ha ndohusgamoʼãi hesa ohechávare, ni ndoporojaʼomoʼãi ijapysa ohendúvare.

4 Ha katu tekojojápe ohusgáta imboriahúvape, ha oporojaʼóta hendaitépe umi ipyʼaguapýva yvy ape ári rehe; ha vára ijuruguápe oipyʼajopýta pe yvy, ha hembe pytúpe ojukáta iñañávape.

5 Ha tekojoja haʼéta ilómo jokuaha, ha jeroviapy irriñón jokuaha.

6 Ha avei oikóta pe lóvo ovecha raʼy ndive, ha pe jaguarete kavararaʼy ndive oñenóta; pe mymbaraʼy ha leõʼi ha mymbakyra oikóta oñondive, ha peteĩ mitã michĩ oisãmbyhýta chupekuéra.

7 Ha pe vaka ha óso okarúta, imymbaraʼykuéra oñenóta oñondive; ha leõ guéicha hoʼúta kapiʼi.

8 Ha pe mitã kambu oñemboharáita mbói chumbe kuára ári, ha pe oñemomboʼoramóva opoʼẽta mbói raitýpe.

9 Nombyaimoʼãi ni nohundimoʼãi hikuái opa che yvyty marangatúpe, pe yvy henyhẽtagui Ñandejára jeikuaágui, y ojahoʼiháicha yguasu.

10 Ha upe árape oĩta peteĩ Isaí rapo, oñemoĩtava aovevéramo tavayguakuérape; gentil-kuéra ohekáta chupe; ha ipytuʼu iporãitereíta.

11 Ha ojehúta upe árape Ñandejára oipyso jeýta mokõiha jave ipo ogueru jey hag̃ua itavayguakuéra rembyre opytátavape, Asiria-gui, ha Egipto-gui, ha Patros-gui, ha Cus, ha Elam-gui, ha Sinar, ha Hamat-gui, ha umi islas del mar-gui.

12 Ha haʼe omopuʼãta peteĩ aoveve tetãnguérape, ha ombyatýta Israel-gui oñemosẽvaʼekuépe, ha ombyatýta oñondive Judá-guigua isarambivaʼekuépe irundy yvy rendágui.

13 Efraín potapy avei opáta, ha Judá-pe ohayhuʼỹva oñeikytĩta; Efraín ndaipyʼarasymoʼãi Judá-re, ha Judá ndoipyʼapymoʼãi Efraín-pe.

14 Ha katu ovevéta hikuái filisteo-kuéra atiʼy ári kuarahyreike gotyo; omondáta hikuái oñondive kuarahyresẽgui; Edom ha Moab ári omoĩta hikuái ipo; ha Ammón raʼykuéra iñeʼẽrendúta hesekuéra.

15 Ha Ñandejára ohundipáta Egipto-pegua yguasu kũ; ha ijyvytu puʼakápe omonguʼéta ipo pe ysyry ári, ha oipyʼajopýta chupe siete ijyvápe ha ohejáta yvyporakuéra ohasa hiʼári yvy rupi.

16 Ha oĩta tape porã itavayguakuéra rembyre opytátavape g̃uarã, Asiria guive, oĩ haguéicha Israel-pe g̃uarã ára ojupíramoguare Egipto retãgui.