1 Ha upéramo apurahéita che ahayhuetévape che ahayhuetéva purahéi, pe ivíña rehegua. Che ahayhuetéva oguerekovaʼekue peteĩ víña, peteĩ yvyty ijyvy porãitereívape.

2 Ha omongora, ha omopotĩ itágui ha oñotỹ ipype parral jeiporavopyrégui, ha omopuʼã imbytépe peteĩ tórre, ha avei ojapo peteĩ parral ñamiha; ha ohaʼarõ omeʼẽ úva, ha omeʼẽ úva kaʼaguy.

3 Ha koʼág̃a, O Jerusalén-pe peikóva ha Judá-pegua kuimbaʼe, pehusga, ajerureʼasy peẽme, che ha che víña apytépe.

4 Mbaʼe piko ikatútaraʼe ojejapove che víñare che ndajapoimavaʼekue? Upévare, ahaʼarõvo omeʼẽ úva, úva kaʼaguy omeʼẽ.

5 Ha koʼág̃a haʼéta peẽme; mbaʼépa ajapótava che víñare—Aipeʼáta chugui imongoraha, ha ojeʼupáta; aitýta itápia, ha oñepyrũmbáta hese;

6 Ahejáta kokueréicha; noñehakãʼomoʼãi ni ndojejoʼomoʼãi; ha katu ipype okakuaáta ñoatĩ ha javorái; ha umi araípe haʼéta ani hag̃ua oñohẽ ama hiʼarikuéra.

7 Pe Señor de los Ejércitos víña haʼe Israel róga, ha kuimbaʼe Judá-pegua haʼe iñemitỹngue poravopyre. Ha haʼe ohaʼarõkuri hustísia, ha péina ápe tekojojaʼỹ; tekojoja, ha péina ápe, jerureʼasy.

8 Ái umi ombyatýva ogakuéra ojoykére, ndaiporivéi peve tenda, opyta hag̃ua haʼeñorei yvy mbytépe.

9 Che apysápe, heʼíkuri pe Señor de los Ejércitos: Añetehápe, heta ogakuéra opytáta nandi, ha tuicha ha iporãva tavakuéra opytáta avaveʼỹre.

10 Heẽ, dies hectárea parralty peteĩ víno ryru omyenyhẽta; ha peteĩ vosa trígo raʼỹigui peteĩ vosa trígonte osẽta.

11 Ái umi opuʼã voíva pyharevekue, okaʼuve hag̃ua; ha okaʼúva pyhare peve, omyendy peve chupekuéra upe víno.

12 Arpa, mbaraka, tambor ryapu, mimby, ha víno oĩ ivanketekuérape; ha ndojapói hikuái Ñandejára rembiapo, ni ndohechakuaái hikuái ipo rembiapokuéra.

13 Upévare, che tavayguakuéra oho ñeñapytĩmbýpe, ndoguerekóigui kuaapy; ha omano ñembyahýigui ikuimbaʼe jehecharamóva, ha ijatyguasu ikã yʼuhéigui.

14 Upévare, pe añaretã oñembopuku, ha oipeʼa ijuru ndaikatuvéi peve; ha iverapy, ha ijatyguasu ha ijalgasara, ha umi hese ovyaʼáva, oguejýta ipype.

15 Ha yvypóra iñañáva oñemoñakãitýta, ha pe kuimbaʼe ipuʼakapáva oñemotindýta, ha pe ijejapóva resa oñemotindýta.

16 Ha pe Señor de los Ejércitos katu oñemombaʼeguasúta huísiope, ha pe Tupã Imarangatúva oñemomarangatúta hustísiape.

17 Upéramo umi ovecha raʼy hoʼúta kapiʼipe jepiguáicha, ha umi ikyráva tenda nandi hoʼúta umi upepeguaʼỹva.

18 Ái umi oguerotyryrýva tembiapovai itasã vyrorei sãme, ha pe angaipa haʼeramoguáicha karreta sã;

19 Umi heʼíva: Tojapuráke; pyaʼe tojapo hembiapo, ikatu hag̃uáicha jahecha; ha toñemoag̃ui ha tou pe Israel-pegua Imarangatúva ñemoñeʼẽ, roikuaa hag̃ua.

20 Ái umi heʼíva ivaíva iporãha, ha iporãva ivaiha, omoĩva pytũ tesaperangue, ha tesape pytũrangue; omoĩva iróva heʼẽvaramo, ha pe heʼẽva iróvaramo.

21 Ái umi oikuaapáva hesa renondépe, ha ojeroviáva ijupe g̃uarã.

22 Ái umi ikatupyrýva víno omboyʼu hag̃ua, ha kuimbaʼe imbaretéva likor ombojeheʼa hag̃ua;

23 Ohustifikáva iñañávape mbaʼerepýre, ha oipeʼa hekojojávagui hekojoja.

24 Upévare, pe tata ohapyháicha javorái, ha pe tatarendy ombokusugueháicha kapiʼi, hapo itujupáta, ha ipotykuéra opareíta yvytimbóicha; omboykégui pe Señor de los Ejércitos léi, ha nohenduséigui pe Israel-pegua Imarangatúva ñeʼẽ.

25 Upévare, Ñandejára pochy hendy itavayguakuérare, ha oipyso hese ipo, ha ojopy chupe; ha oryrýi yvytykuéra, ha heʼõnguekuéra oñembyaipáta tapekuéra mbytépe. Upevére neʼĩra opa iñekoʼõi, ha katu oipyso gueteri hína ipo.

26 Ha omopuʼãta aoveve tetãnguéra mombyryguápe, ha oturuñeʼẽta chupekuéra yvy paha guive; ha péina ápe, ou pyaʼetereíta hikuái; ha ijapytepekuéra ndaiporimoʼãi ikaneʼõva ni oñepysangáva.

27 Avave ndokevymoʼãvéima ni ndokemoʼãvéima; ni ndojejoramoʼãi ilómo jokuaha, ni noñemondohomoʼãi isapatu sã.

28 Ha huʼykuéra haimbéta, ha opa ijyvyrapã imbaretéta; ha ikavaju akãhoʼiha hatãitereíta, ikarretakuéra rruéda yvytujeréicha, ha ikororõ leõicha.

29 Okororõta hikuái leõ raʼýicha, heẽ, okororõta, ha ojeitýta hikuái upe hiʼupy ári, ha ogueraháta chupe hikuái kyhyjeʼỹme, ha ndaiporimoʼãi oipeʼáva chugui.

30 Ha upe árape okororõta hesekuéra pe yguasu ryapúicha; ha omaʼẽramo hikuái yvýre, péina ápe, pytũ ha vyʼaʼỹ, ha tesape iñipytũta ijyvagakuérape.