Wóltaʼii 1Moroni éí Ether neiyiizohyę́ę ałtso ałhíyíízohgo—Ether bizázíyę́ę alkééʼ sinilgo baa nááháneʼ—Jared dineʼé dabizaad éí Babel Kin Yadiinéézdi bizaad tʼáadoo ałʼąą átʼéego ályaa da—Diyin Bóhólníihii éí kéyah bikʼihodiiniiʼgóó yidooʼishgo yee yá haadzííʼ dóó ayóó átʼáo dah yikahgo íidoolííł. Wóltaʼii 2Jared dineʼé kéyah baa deetʼánígíí yichʼįʼ dahdidoonéełgo hashtʼeʼádaʼdilnééh—Éí tʼáá íiyisíí kéyah yáʼátʼéehii átʼé ákweʼé diné Christ deidósin doo éí doodago éí nahjįʼ ábidiʼdooldįįł—Diyin Bóhólníihii Jared bínaaí yichʼįʼ yáłtiʼgo tááʼ ahééʼílkid—Jared dineʼé tsin naaʼeeł ádeiyiilaa—Diyin Bóhólníihii Jared bínaaí haitʼáo tsin naaʼeeł biyiʼ adiltłiʼ dooleełgo neiyídííłkid. Wóltaʼii 3Jared bínaaí éí Diyin Bóhólníihii tsé hastą́ʼáadah Yidoolchidgo yílázhoozh yiyiiłtsą́—Christ éí Jared bínaaí Biiʼ sizíinii ánoolninígíí yił ííshjání áyiilaa—Háiida haałtʼéego bił ééhózinígíí daaʼdiníbaal doo bichʼą́ą́h silą́ą da dooleeł—Bee éédahodoozįįłígíí éí Jared dineʼé baa haneʼ ííshjání ádoolníiłgo ndahaasyá. Wóltaʼii 4Jared bínaaí neiyiizohyę́ę éí Moroni bidáʼdiʼdííłjah biʼdooʼniid—Nihokááʼ dineʼé doo bił ííshjání ádoolnííł tʼáá hazhóʼó Jared bínaaí nahalingo daʼoosdląądgo índa—Christ éí nihokááʼ dineʼé Shizaad deiyinohdlą́ yiłní dóó Shikééʼ naazíinii bizaad ałdóʼ—Nihokááʼ dineʼé éí ádaa ńdaʼoohkąąh biʼdooʼniid, dóó nahatʼá bee yisdáʼiildéehii deinohdlą́, áko yisdádohkah. Wóltaʼii 5Táaʼgo daʼiiłtsánígíí dóó bindoonishígíí éí Naaltsoos Mormon Wolyéhígíí tʼáá aaníí átʼé daaníigo yaa dahalneʼ doo. Wóltaʼii 6Jared dineʼé bitsinaaʼeeł bił daníyolgo kéyah baa deetʼą́ąjįʼ yíkai—Éí diné Diyin Bóhólníihii bee ajoobaʼ yaa dahaniih—Orihah éí aláahdii binaatʼáanii nilį́įgo yikʼi dadiilniiʼ—Jared dóó bikʼis bizééʼ hazlį́į́ʼ. Wóltaʼii 7Orihah diyinkʼehgo akihooʼááł—Bitahgi adziilii doo yáʼátʼééhgóó chodeiyoołʼį́ dóó saad yee daʼahigą́, Shule dóó Cohor ałkʼijįʼ nilį́įgo bił hooʼaʼ—Diyin Yá Yádaałtiʼí doo yáʼáshóonii dóó diné yedaʼiiláiiʼígíí yichʼįʼ nidahałáago doo ákótʼée da daaní, éí áádóó ádaa ńdaʼooskan. Wóltaʼii 8Nahatʼá bił hazʼą́ągi saad ahideitʼááh dóó ałkʼijįʼ danilį́—Aláahdi naatʼáanii deidiyoolhééłgo Akish tʼáá nahonitʼingo łaʼ yił ałhaʼdaʼdeestʼą́—Nahonitʼingo nahatʼá éí biʼiiníziinii bibeeóʼoolʼįįł átʼé dóó éí dahdaʼíldéhígíí neiyiiłchǫ́ǫ́h—Tʼáá ániid Gentile danilínígíí tʼáá bí ádeinízingo kéédahatʼį́įgo, dah deíkááhgóó, dóó adahwiisʼáágóó kéédahatʼínígíí dadoolchxǫ́ǫ́ł éí tʼáá nahonitʼingo nahatʼá átʼé éí ákohodooníłígíí tʼáá bítséedi bee bił dahóóneʼ. Wóltaʼii 9Naatʼáanii bee bá hazʼą́ éí daʼahiłchííhígíí bitah hoolzhishgo ahadeidiyiitʼaah doo, nahonitʼingo nidahaʼá, dóó naʼatseed bee—Emer éí Diyin Tʼáá Ákogi Átʼéii biYeʼ yiyiiłtsą́—Ląʼí Diyin yá yádaałtiʼí ádaa ńdaʼoohkąąh daaníigo ndaʼnitin—Dichin aghą́ dóó naʼashǫʼii báhádzidii diné ndeiłtseed. Wóltaʼii 10Aláahdi Naatʼáanii ałkééʼ dahnídinibįįhgo hoolzhish—Aláahdi Naatʼáanii łaʼ diyinkʼehgo deíkááh; łaʼ éí doo yáʼádaashǫ́ǫ da—Yáʼátʼééh oodááłjí álááh átʼéego, Diné bikʼi hojídlí dóó Diyin Bóhólníihii yinahjįʼ náás deeskai. Wóltaʼii 11Jared dineʼé anaaʼ, ałtsʼá daʼiildééh, dóó bąąhági ádaatʼéii íiyisíí yaa naakai—Diyin Yá Yádaaltiʼí Jared dineʼé ádaa ńdaʼooskango tʼéiyá náasdi doo ałtso ábidiʼdooldįįł da daaníigo yaa dahoolneʼ—Dineʼé Diyin yá yádaałtiʼí bizaad yooʼadeideezʼą́. Wóltaʼii 12Diyin yá yáłtiʼii Ether éí dineʼé Diyin God deinohdlą́ yiłní—Moroni ayóó átʼáo dóó tsʼídá baa haʼniihgo oodląʼ bee ádaʼalyaaígíí yaahalneʼ—Oodląʼ bee Jared bínaaí Christ yiyiiltsą́—Diyin Bóhólníihii nihokááʼ dineʼé achʼįʼ nahwiiʼná yaayilé áko hojoobaʼ danízin doo—Jared bínaaí oodląʼ yee Zerin Dził łahgi niiníʼá—Oodląʼ, haʼólní, dóó diyingo ayóóʼóʼóʼní éí yisdaʼadoodááłgo tsʼídá nidzin—Moroni Jesus baa níyáago yiyiiłtsą́. Wóltaʼii 13Ether éí Jerusalem Ániidígíí Americadi Joseph baʼáłchíní nideidoonił ní—Diyin bił ííshjání áyiilaaʼígíí yaa hoolneʼ, chʼíbidiʼnoolchą́ą́ʼ, Jared dineʼé nákééʼ nááháneʼ neiyiizoh, dóó Jared dineʼé abidiʼdooldįįłgo yaa hoolneʼ—Anaaʼ tʼáá ałtso kéyah bikááʼgóó bááhádzidgo hazlį́į́ʼ. Wóltaʼii 14Dineʼé bąąhági ádaatʼínígíí biniinaa kéyah hóyéeʼgo bił hooʼaʼ—Coriantumr éí Gilead, áádóó Lib, áádóó Shiz ałdóʼ yił anaaʼ áyiilaa—Kéyah bikááʼgóó daʼahijigą́ dóó ndaʼahijiltseedgo bił hooʼaʼ. Wóltaʼii 15Dimííl bilááhgóó Jared dineʼé anaaʼdi nidabiʼdiztseed—Shiz dóó Coriantumr dineʼé tʼáá átʼé ahiyiizhʼeezh ałtso ndaʼahidooltsxił biniyé—Diyin Bóhólníihii biʼIiʼ Sizį́ Diyinii doo bił dahólǫ́ǫ da silį́į́ʼ—Jared dineʼé ałtso ábiʼdisdįįd—Coriantumr tʼéiyá chʼéédzííʼ.