1 Nefi

Buki di Mormon

Kontenido
Introdukshon i Testigunan
1 Nefi
2 Nefi
Yakob
Enos
Yarom
Omni
Palabranan di Mormon
Mosias

1 Nefi

Kapítulo 1
Nefi ta kuminsá e registro di su pueblo—Lehi ta mira den vishon un pilá di kandela i ta lesa for di un buki di profesia—E ta alabá Dios, predisí e binida di e Mesias, i ta profetisá e destrukshon di Herusalèm—E ta wòrdu persiguí pa e hudiunan. Aproksimadamente 600 pK.
Kapítulo 2
Lehi ta hiba su famia den desierto na e laman Kòrá—Nan ta bandoná nan propiedat—Lehi ta ofresé sakrifisio na Señor i ta siña su yunan hòmber pa warda e mandamentunan—Laman i Lemuel ta murmurá kontra di nan tata—Nefi ta obediente i ta hasi orashon den fe; Señor ta papia kuné, i e ta wòrdu skohé pa goberná riba su rumannan. Aproksimadamente 600 pK.
Kapítulo 3
Lehi su yunan ta regresá na Herusalèm pa optené e planchanan di bròns—Laban ta ninga di entregá e planchanan—Nefi ta urgi i enkurashá su rumannan—Laban ta hòrta nan propiedatnan i ta intentá na mata nan—Laman i Lemuel ta dal Nefi i Sam i ta wòrdu di skual dor di un angel. Aproksimadamente 600–592 pK.
Kapítulo 4
Nefi ta mata Laban pa mandato di Señor i despues ta haña e planchanan di bròns pa medio di taktika—Zoram ta skohe pa uni na e famia di Lehi den e desierto. Aproksimadamente 600–592 pK.
Kapítulo 5
Saria ta keha kontra Lehi—Ámbos ta regosihá pa e regreso di nan yunan—Nan ta ofresé sakrifisionan—E planchanan di bròns ta kontené registronan di Moises i e profetanan—E planchanan ta identifiká Lehi komo un desendiente di Jozef—Lehi ta profetisá konserniente su simia i e preservashon di e planchanan. Aproksimadamente 600–592 pK.
Kapítulo 6
Nefi ta skirbi di e kosnan di Dios—Nefi su propósito ta pa konvensé hende pa bini na e Dios di Abraham i wòrdu salbá. Aproksimadamente 600–592 pK.
Kapítulo 7
Lehi su yunan ta regresá na Herusalèm i ta invitá Ismael i su famia pa uni na nan den e hornada—Laman i otronan ta rebeldia—Nefi ta enkurashá su rumannan pa nan tin fe den Señor—Nan ta mar’é ku kabuyanan i ta plania su destrukshon—E ta wòrdu liberá pa medio di e poder di fe—Su rumannan ta pidi pordón—Lehi i esnan ku ta kompañ’é ta ofresé sakrifisio i ofrendanan kimá. Aproksimadamente 600–592 pK.
Kapítulo 8
Lehi ta wak un vishon di e palu di bida—E ta kome di su fruta i ta deseá pa su famia hasi meskos—E ta wak un bara di heru, un kaminda stret i smal, i e neblina di skuridat ku ta kubri hende—Saria, Nefi, i Sam ta kome di e fruta, pero Laman i Lemuel ta ninga. Aproksimadamente 600–592 pK.
Kapítulo 9
Nefi ta traha dos sèt di registronan—Kada un ta yamá e planchanan di Nefi—E planchanan mayor ta kontené un historia sekular; esnan menor tin di haber primordialmente ku kosnan sagrado. Aproksimadamente 600–592 pK.
Kapítulo 10
Lehi ta predisí ku e hudiunan lo wòrdu hibá koutiverio na Babilonia—E ta konta di e binida, entre e hudiunan, di e Mesias, un Salbador, un Redentor—Lehi ta konta tambe di e binida di esun ku lo batisá e Lamchi di Dios—Lehi ta konta di e morto i resurekshon di e Mesias—E ta kompará e plamamentu i rekohementu di Israel ku un palu di oleifi—Nefi ta papia di e Yu di Dios, di e don di e Spiritu Santu, i di e nesesidat pa rektitut. Aproksimadamente 600–592 pK.
Kapítulo 11
Nefi ta wak e Spiritu di Señor i ta mustr’é den vishon e palu di bida—E ta mira e mama di e Yu di Dios i ta siña di e kondesendensia di Dios—E ta mira e boutismo, ministerio, i krusifikshon di e Lamchi di Dios—E ta wak tambe e yamada i ministerio di e Diesdos Apòstelnan di e Lamchi. Aproksimadamente 600–592 pK.
Kapítulo 12
Nefi ta wak den vishon e tera di promesa; e rektitut, maldat, i kaida di su habitantenan; e binida di e Lamchi di Dios entre nan; kon e Diesdos Disípulonan i e Diesdos Apòstelnan lo husga Israel: i e estado repugnante i sushi di esnan ku ta degenerá den inkredulidat. Aproksimadamente 600–592 pK.
Kapítulo 13
Nefi ta wak den vishon e iglesia di e diabel establesé entre e gentilnan, e diskubrimentu i kolonisashon di Amérika, e pèrdida di hopi partinan kla i presioso di e Beibel, e estado ku ta resultá for di e apostasia di e gentilnan, e restourashon di e evangelio, e binida di e Skrituranan di delaster dianan, i e edifikashon di Sion. Aproksimadamente 600–592 pK.
Kapítulo 14
Un angel ta konta Nefi di e bendishonnan i maldishonnan ku lo kai riba e gentilnan—Tin solamente dos iglesia; e Iglesia di e Lamchi di Dios i e iglesia di e diabel—E Santunan di Dios den tur nashon ta wòrdu persiguí dor di e iglesia grandi i abominabel—E Apòstel Huan lo skirbi konserniente e fin di e mundu. Aproksimadamente 600–592 pK.
Kapítulo 15
Lehi su simia lo risibí e evangelio for di e gentilnan den e delaster dianan—E rekohementu di Israel ta di kompará ku un palu di oleifi kual su takinan natural lo wòrdu transplantá atrobe—Nefi ta interpretá e vishon di e palu di bida i ta papia di e hustisia di Dios ku ta dividí esnan maligno for di esnan rekto. Aproksimadamente 600–592 pK.
Kapítulo 16
E malbado ta haña e bèrdat di ta duru— Lehi su yunan hòmber ta kasa ku e yunan muhé di Ismael—E Liahona ta guia nan rumbo den e desierto—Mensahenan di Señor ta wòrdu skirbí riba e Liahona di momentu pa momentu—Ismael ta muri; su famia ta murmurá pa motibu di aflikshonnan.
Kapítulo 17
Ta manda Nefi konstruí un barku—Su rumannan ta oponé—E ta urgi nan dor di bolbe konta e historia di e trato di Dios ku Israel—Nefi ta yená ku e poder di Dios—Su rumannan ta wòrdu prohibí pa mishi kuné, pa nan no marchitá manera un kaña seku. Aproksimadamente 592-591 pK.
Kapítulo 18
Ta terminá e barku—Ta menshoná nasementunan di Yakob i Jozef—E grupo ta embarká pa e tera primintí—E yunan hòmber di Ismael i nan kasánan ta tuma parti den festividat mundano i rebelion—Nefi ta wòrdu mará, i e barku ta wòrdu mandá patras pa un tempestat teribel; Nefi ta wòrdu librá, i pa medio di su orashon e tormenta ta pasa—E pueblo ta yega na e tera primintí. Aproksimadamente 591–589 pK.
Kapítulo 19
Nefi ta traha planchanan di mineral i registrá e historia di su pueblo—E Dios di Israel lo bini seisshen aña for di e tempu ku Lehi a sali Herusalèm—Nefi ta konta di Su sufrimentunan i krusifikshon—E hudiunan lo wòrdu despresiá i plamá te na e delaster dianan, ora ku nan lo regresá serka Señor. Aproksimadamente 588–570 pK.
Kapítulo 20
Señor ta revelá Su propósitonan na Israel—Israel a wòrdu skohí den e fòrnu di aflikshon i mester sali for di Babilonia—Kompará ku Isaías 48. Aproksimadamente 588–570 pK.
Kapítulo 21
E Mesias lo ta un lus pa e gentilnan i lo libra e prezunan—Israel lo wòrdu reuní ku poder den e delaster dianan—Reinan lo ta nan tatanan di kriansa—Kompará ku Isaias 49. Aproksimadamente 588–570 pK.
Kapítulo 22
Israel lo wòrdu plamá riba henter e superfisie di e tera—E gentilnan lo kuida i nutri Israel ku e evangelio den e delaster dianan—Israel lo wòrdu rekohé i salbá, i e malbadonan lo kima manera bagas—E reino di e diabel lo wòrdu destruí, i Satanas lo wòrdu mará. Aproksimadamente 588–570 pK.