1 I awor ami, Nefi, no ta duna e genealogia di mi tatanan den e parti aki di mi registro; tampoko na ningun momentu lo mi duna esaki despues riba e planchanan aki kual ami ta skirbiendo; pasobra e ta duná den e registro kual a wòrdu tené pa mi tata; pues, mi no ta skirbié den e obra aki.

2 Pasobra ta sufisiente p’ami bisa ku nos ta desendiente di Jozef.

3 I e no ta parse mi importante ku ami ta partikular den duna un relato kompletu di tur e kosnan di mi tata, pasobra nan no por wòrdu skirbí riba e planchanan aki, pasobra mi ta deseá e espasio pa mi por skirbi e kosnan di Dios.

4 Pasobra e plenitut di mi intenshon ta ku mi por konvensé hende pa bini na e Dios di Abraham, i e Dios di Isak, i e Dios di Yakob, i wòrdu salbá.

5 Pues, e kosnan kual ta plasentero pa e mundu mi no ta skirbi, pero e kosnan kual ta plasentero pa Dios i pa esnan kende no ta di e mundu aki.

6 Pues, ami lo duna mandamentu na mi desendiente, ku nan lo no okupá e planchanan aki ku kosnan kual no ta di balor pa e yunan di hende.