u-Eksodusi 11–12; 14–15

IPhasika

Ukuvikelwa yiNkosi

UMose ekhuleka

UFaro wayengawakhululi ama-Israyeli, ngakho-ke iNkosi yatshela uMose ukuthi wayezothumela inhlupheko yokugcina. Izibulo emindenini yonke emhlabeni waseGibithe lalizofa, ngisho izibulo lezilwane.

u-Eksodusi 11:1; 4–10

UMose ekhuluma nabantu

INkosi yathembisa ukuthi uma ama-Israyeli elandela imiyalelo Yakhe, inhlupheko yayizobadlula futhi ingabalimazi.

u-Eksodusi 12:3; 13, 23

Indoda ipenda uhlaka lomnyango, abantwana bebuka

INkosi yatshela umndeni wakwa-Israyeli ngamunye ukuba unikele ngemvana futhi bapende igazi lemvana kuhlaka lomnyango yabo.

u-Eksodusi 12:4–7

Umndeni udla isidlo sasebusuku

INkosi yatshela ama-Israyeli ukuba apheke bese edla inyama ngokushesha. Ngesikhathi bedla, kwakumele kube wukuthi sebegqokile futhi sebelungele ukushiya amakhaya abo. INkosi yathi uma ama-Israyeli enza lokhu, izibulo labo lalizosinda ezinhlushweni.

u-Eksodusi 12:8–11

Indodana kaFaro ishonile

Njengoba iNkosi yayixwayisile, inhlupheko yafika. Onke amazibulo eGibithe afa, ngisho nendodana kaFaro endala. Kepha inhlupheko yadlula ikhaya ngalinye elalinegazi lemvana kuhlaka lomnyango. Amazibulo ama-Israyeli asinda ngoba alalela iNkosi.

u-Eksodusi 12:12–13, 29–30

uFaro odangele etshela uMose no-Aroni ukuthi bahambe

Ngesikhathi uFaro ebona ukuthi indodana yakhe yayisifile ngenxa yalenhlupheko, watshela uMose no-Aroni ukuba bathatha wonke ama-Israyeli bashiye iGibithe.

u-Eksodusi 12:31–33

uFaro odiniwe ethumele ibutho

Ama-Israyeli ahamba, kepha uFaro wayediniwe. Waqoqa ibutho nezinqola zakhe bahuba ama-Israyeli.

u-Eksodusi 12:37–41; 14:5–8

ibutho lihuba ama-Israyeli

Ama-Israyeli aphumula oLwandle oluBomvu. Maduze uFaro nebutho lakhe babafica. Ngesikhathi ama-Israyeli ebona amaGibithe eza, esaba. Kepha uMose watshela ama-Israyeli ukuthi iNkosi yayizobavikela.

u-Eksodusi 14:9–14

UMose ephakamisa induku, uLwandle oluBomvu luhlukana

Ngesikhathi amaGibithe esondela, iNkosi yatshela uMose ukuba aphakamise induku. UMose wenza njalo, iNkosi yahlukanisa ulwandle. Ama-Israyeli eqa ulwandle emhlabeni owomileyo. Babalekela uFaro nenbutho lakhe.

u-Eksodusi 14:15–16; 21–22

uLwandle oluBomvu luwela ebuthweni laseGibithe

Ibutho lamaGibithe lajahha ama-Israyeli. Ngesikhathi wonke ama-Israyeli esephephile kwelinye icala lolwandla, iNkosi yayekelela amanzi ehla. Ibutho lamaGibithe laminza olwandle.

u-Eksodusi 14:23–30

Ama-Israyeli edansa

Ama-Israyeli ayekhululekile ekugcineni. Acula amaculo, adansa, futhi abonga iNkosi. Akhumbula njalo iPhasika njengesikhathi lapho iNkosi yasindisa izimpilo zabo futhi yabahola bashiya iGibithe.

u-Eksodusi 14:31; 15:1–22