AbAhluleli 4–5

UDebora umProfethikazi

Umholi owasiza u-Israyeli uthembe iNkosi

UDebora umprofethikazi

UDebora wayengumprofethikazi, umholi onokholo wase-Israyeli owayeholwa yiNkosi. Abantu bakhe base beyekile ukugcina imiyalelo yeNkosi, futhi amaKhanani ayebabusa. Emuva kweminyaka engamashumi amabili, ama-Israyeli aqala akhulekele usizo lweNkosi.

AbAhluleli 4:1–5

UDebora ekhuleka

INkosi yezwa imikhuleko yabo. Yatshela uDebora ukuba ahlanganise ibutho lama-Israyeli ukulwa amaKhanani.

AbAhluleli 4:6

UDebora ekhuluma namasosha

Ibutho lamaKhanani lalinamasosha amaningi nezinqola. Lokhu kwenza ibutho lama-Israyeli lesabe, kepha hhayi uDebora. Wayazi ukuthi iNkosi yayizobasiza.

AbAhluleli 4:3, 7

UBaraki ecela uDebora ukuba eze

UBaraki wayengumholi webutho lakwa-Israyeli. Wayengafuni ukulwa. Kepha wayecabanga ukuthi uma uDebora ehamba nebutho, iNkosi yayizobavikela. UDebora wavuma ukuya. Waprofetha ukuthi owesifazane wayezohlula uSisera, umholi webutho lamaKhanani.

AbAhluleli 4: 8–9

UDeborah nebutho esicongweni sentaba

Ibutho lakwa-Israyeli lahlanganela entabeni, amaKhanani wona ahlanganela esigodini. UDebora watshela uBaraki ukuthi ehle entabeni. Wathembisa ukuthi iNkosi yayizoba nabo.

AbAhluleli 4:12–14

izinqola zikhukhulwa yisiphepho

INkosi yathumela imvula, futhi izinqola zamaKhanani zamuka namanzi. AmaKhanani amaningi agwiliza emanzini, kepha uSisera wabaleka.

AbAhluleli 4:15, 17; 5:4–5, 19–22

UJayeli umemela uSisera etendeni

Inkosazana ebizwa ngoJayeli yayihlala etendeni eduzane. Yabona uSisera ebaleka yamutshela ukuthi acashe etendeni layo. UJayeli wayazi ukuthi wayengumholi webutho lamaKhanani wase wambulala ukuze angalimazi abanye abantu.

AbAhluleli 4:15–21

UDeborah ebuka idolobha elinokuthula

Isiprofetho sikaDebora safezeka. USisera wehlulwa owesifazane oliqhawe. UDebora wacula iculo ukusiza ama-Israyeli akhumbule ukuthi iNkosi ibasindise kanjani. Ama-Israyeli agcina imiyalelo futhi aphila ngokuthula iminyaka engama-40.

AbAhluleli 5:1, 24–27, 31