1 AmaKhosi 18

U-Eliya nabaPhristi bakaBali

Umphrofethi weNkosi ebhekene nabaphristi bamanga

Umfanekiso omncane kaBali

Umbuso wakwa-Israyeli waqhubeka nokuzwa ubunzima bokungabi nawo amanzi. Inkosi u-Ahabi yatshela abantu ukuba balandele unkulunkulu wamanga owayebizwa ngoBali.

1 AmaKhosi 18:1–2, 17–18

U-Eliya ekhuluma no-Ahabi

INkosi yathumela u-Eliya umphrofethi ukuba ayohlangana no-Ahabi. U-Eliya wamema bonke abantu ukuba baye phezulu entabeni. Waphonsela inkosi nabaphristi bayo inselelo ukubona ukuthi yiNkosi noma nguBali owayenguNkulunkulu weqiniso.

1 AmaKhosi 18:19–21

U-Eliya ekhuluma nabaphristi bakaBali

U-Eliya wayichaza inselelo. Yena nabaphristi bazonikela ngenkunzi kwi-altare njengomhlatshelo, kodwa babengeke bawubase bona umlilo. Esikhundleni salokho, abaphristi babezokhuleka kuBali abase umlilo. U-Eliya yena wayezokhuleka eNkosini ukuba iwubase umlilo. U-Eliya wayazi ukuthi nguNkulunkulu weqiniso kuphela ongabasa umlilo.

1 AmaKhosi 18:22–25

U-Eliya ekhuluma neqembu labantu

Abaphristi kaBali bakhuleka kunkulunkulu wabo kusuka ekuseni kwaze kwaba semini, kodwa akwenzekanga lutho. U-Eliya ezidlalela nabo wathi unkulunkulu wabo kungenzeka ukuthi usalele.

1 AmaKhosi 18:26–27

abaphristi kaBali bekhuleka phezu kwe-altare

Abaphristi bagcwala intukuthelo, bagxumela kwi-altare, bememeza kwaze kwahlwa. Babethemba ukuthi unkulunkulu wabo wayezophendula, kodwa umlilo awuzange ubekhona.

1 AmaKhosi 18:28–29

U-Eliya eguqile

Kwase kwaba yithuba lika-Eliya. Wakhela iNkosi i-altare, wagumba umsele ozungeza i-altare, futhi walungisa umhlatshelo.

1 AmaKhosi 18:30–32

U-Eliya nabantu bakha i-altare

U-Eliya wacela abantu ukuba bagcwalise imigqomo emine ngamanzi bawathele kathathu ezinkunini ze-altare. Amanzi amanzisa izinkuni kanye ne-altare. Agcwala yonke imisele.

1 AmaKhosi 18:33–37

U-Eliya ekhuleka eduze ne-altare

U-Eliya wakhuleka eNkosini ukutshengisa amandla kaNkulunkulu weqiniso. Umlilo weNkosi wehla washisa umhlatshelo, izinkuni, amatshe, kanye namanzi. Abantu bazi ukuthi uNkulunkulu ka-Eliya wayenguNkulunkulu weqiniso. U-Eliya wakhulekela ukuba isomiso siphele, iNkosi yathumela imvula.

1 AmaKhosi 18:38–41