1 AmaKhosi 16–18

U-Eliya umPhrofethi

Ukholo lukamama nezimangaliso zeNkosi

U-Eliya ekhuluma neNkosi u-Ahabi neNdlovukazi uIzebeli

Umbuso wakwa-Israyeli wawungenamvula, kanti namanzi ayesephela. INkosi u-Ahabi neNdlovukazi uIzebeli babengabathandi abaphrofethi beNkosi. Ngisho abanye babaphrofethi bababulala. Inkosi nendlovukazi babekhulekela kwizithixo ukuba line. Kodwa umphrofethi u-Eliya wabatshela ukuthi iNkosi yayingeke iyithumele imvula iminyaka eminingi.

1 AmaKhosi 16:29–33; 17:1; 18:13

U-Eliya ecashela amasosha

Inkosi nendlovukazi babemthukuthelele u-Eliya. INkosi yamxwayisa u-Eliya ukuba acashe ngoba impilo yakhe yayisebungozini.

1 AmaKhosi 17:2–3

U-Eliya eguqile kumfudlana

INkosi yaholela u-Eliya kumfudlana futhi yathumela izinyoni ukuba zimlethele ukudla. Kodwa ngoba imvula yayingekho, umfudlana woma, futhi u-Eliya wayengenawo amanzi.

1 AmaKhosi 17:4–7

U-Eliya ekhuluma nowesifazane

INkosi yaholela u-Eliya kowesifazane owayesedolobheni elalikude. U-Eliya wamcela amanzi nesinkwa. Kodwa wayenokulingene yena nendodana yakhe kosuku olulandelayo nje vo.

1 AmaKhosi 17:8–12

U-Eliya ekhuluma nowesifazane

U-Eliya wayazi ukuthi kwakungukudla kwakhe okuncanyana kokugcina. Wethembisa ukuthi uma wayemupha ukudla, iNkosi yayizopha umndeni wakhe ukudla kuze kubuye imvula.

1 AmaKhosi 17:13–14

U-Eliya, owesifazane, kanye nomntwana bedla

Owesifazane wamenzela isinkwa u-Eliya. Amafutha kanye nofulawa wakhe kwase kwanda! Kwabakhona ukudla kwa-Eliya nokomndeni wowesifazane izinsuku eziningi.

1 AmaKhosi 17:15–16

owesifazane ekhalela umntwana ofileyo

Ngolunye usuku indodana yowesifazane yagula yafa. Wabuza u-Eliya ukuthi kungani iNkosi ivumela lokhu ukuba kwenzeke kuye.

1 AmaKhosi 17:17–20

owesifazane esingatha umntwana

U-Eliya wayenobuphristi. Wayibusisa indodana yakhe futhi wacela iNkosi ukuba iyivumele ukuba iphile futhi. Umntwana waphefumula futhi, owesifazane wazi ukuthi u-Eliya wayengumphrofethi weNkosi.

1 AmaKhosi 17:21–24