“UDaniyeli nePhupho leNkosi,” Izindaba zeTestamente eliDala (2022)
“UDaniyeli nePhupho leNkosi,” Izindaba zeTestamente eliDala
UDaniyeli 2
UDaniyeli nePhupho leNkosi
Umyalezo ongaqondakali wenkosi ovela kuNkulunkulu
Inkosi yaseBabele yaba nephupho elayiphazamisa. Yayifuna ukuba abaphristi namadoda ayo ahlakaniphileyo ayitshele ukuthi iphupho layo lalisho ukuthini.
Inkosi yayingeke ibatshele iphupho. Yathi uma abaphristi namadoda ahlakaniphileyo enamandla ngempela, babengamtshela ukuthi lalithini iphupho nokuthi lalisho ukuthini.
Abaphristi namadoda ahlakaniphileyo ayitshela inkosi ukuthi babengakwazi ukulichaza iphupho layo uma yayingeke ibatshele ukuthi lalithini. Bathi ayikho indoda eyayingakwenza lokho. Inkosi yathukuthela futhi yathi izobulala wonke amadoda ahlakaniphileyo ombuso, kubalwa noDaniyeli nabangani bakhe.
Ngesikhathi unogada wenkosi efika ukuzothatha uDaniyeli nabangani bakhe, uDaniyeli wacela isikhashana ukuze atshele inkosi ukuthi iphupho layo lalisho ukuthini. UDaniyeli wayazi ukuthi uNkulunkulu uyazi futhi ubona konke, ngisho namaphupho. UDaniyeli wacela abangani bakhe ukuba bakhuleke naye.
UNkulunkulu wambonisa uDaniyeli iphupho lenkosi embonweni futhi wafundisa uDaniyeli ukuthi lalisho ukuthini. UDaniyeli wambonga uNkulunkulu ngokuphendula imikhuleko yakhe neyabangani bakhe kanye nokusindisa impilo yakhe. Wase ehamba eyotshela inkosi incazelo yephupho.
UDaniyeli wathi iphupho lenkosi lalingumfanekiso womdondoshiya owashatshalaliswa yitshe elaqheshulwa entabeni. Lomfanekiso wawumele imibuso yasemhlabeni. Itshe elaqheshulwa entabeni lalimele umbuso kaNkulunkulu oyogcwala umhlaba. Inkosi yayazi ukuthi uDaniyeli wayekhuluma iqiniso.