“INkosi uJosiya,” Izindaba zeTestamente eliDala (2022)
“INkosi uJosiya,” Izindaba zeTestamente eliDala
II AmaKhosi 22; II IziKronike 34–35
INkosi uJosiya
Umsebenzi wokulalela imiyalelo yeNkosi
UJosiya wayeneminyaka eyisishiyagalombili ubudala ngesikhathi enziwa iNkosi yakwaJuda. Wayeyinkosi elungile eyayithanda iNkosi. Wayefuna ukusiza abantu bakhe, ama-Israyeli, ukuba balalele iNkosi futhi bayeke ukukhonza izithixo. Ngesikhathi esekhulile, yena nabantu bakhe baqala balungisa ithempeli balenza libe lihle futhi.
II AmaKhosi 22:1–2; II IziKronike 34:3–7
Ngesikhathi abantu besebenza ethempelini, uHilikiya umpristi omkhulu wathola incwadi yomthetho, incwadi eyayiqukethe imibhalo engcwele.
Inceku yafundela uJosiya incwadi UJosiya wezwa amazwi futhi waphatheka kabi ngoba abantu bakhe babengayilaleli iNkosi. Waklebula izingubo zakhe ukukhombisa ukuthi wayephatheka kabi.
Watshela uHilikiya ukuthi abuze iNkosi ukuthi benze njani. UHilikiya nezinceku zenkosi bavakashela uHulida. Wayengumprofethikazi, umholi onokholo owayethunywe yiNkosi. Wathi iNkosi yayijabulile ngoJosiya ngoba wayesiza abantu balalele. INkosi yathembisa ukuthi iNkosi uJosiya yayizophila ngokuthula.
INkosi uJosiya yayifuna abantu bayo bagcine izithembiso zabo eNkosini. Wabacela ukuba bagubhe iPhasika ukubasiza ukuba bakhumbule ukuthi iNkosi yawakhulula kanjani ama-Israyeli kudala eGibithe.