Mga Istorya sa Kasulatan
Mga Lugar nga Angay Mahibaloan

Mga Lugar nga Angay Mahibaloan

(Ang mga numero nga anaa sa parentesis mao ang mga kapitulo nga nagsulti mahitungod sa mga panghitabo nga nahitabo niini nga mga lugar.)

Mapa 1: Ang Balaan nga Yuta sa Panahon sa Bag-ong Tugon

  1. Damasco Si Pablo mipaingon ngadto niini nga siyudad sa dihang si Jesus mipakita kaniya ug misugo kaniya sa paghinulsol. (59)

  2. Cesarea Filipo Niining dapita si Jesus mipamatuod sa Iyang kamatayon ug Pagkabanhaw, ug si Pedro mipamatuod nga si Jesus mao ang Anak sa Dios. (32)

  3. Galilea Si Jesus migahin og daghang panahon niini nga rehiyon nga nagtudlo sa ebanghelyo ug nang-ayo sa mga masakiton. (19–20, 34, 36)

  4. Capernaum Si Jesus mihimo og daghang mga milagro niini nga siyudad. (23–25, 30)

  5. Dagat sa Galilea Si Jesus mitudlo sa ebanghelyo ngadto sa daghang mga tawo duol dinhi. Gipahunong ni Jesus ang unos ug milakaw sa tubig sa Dagat sa Galilea. (18, 21, 29)

  6. Cana Gihimong bino ni Jesus ang tubig sa usa ka kasal dinhi. Usa ka tawo ang mianhi dinhi aron mohangyo ni Jesus sa pag-ayo sa iyang nasakit nga anak nga lalaki. (12, 16)

  7. Nazaret Si Jesus midako dinhi niini nga siyudad. (2, 4, 9, 17)

  8. Samaria Si Jesus mitudlo sa usa ka babaye mahitungod sa buhi nga tubig didto sa usa ka atabay niining dapita. Kadaghanan sa mga Judeo nasilag sa mga tawo sa Samaria. (15, 58)

  9. Suba sa Jordan Gibunyagan ni Juan Bautista si Jesukristo dinhi niini nga suba. (10)

  10. Joppe Dinhi gibuhi og balik ni Pedro si Tabita. (60)

  11. Jerico Sa sambingay sa maayo nga Samarianhon, usa ka tawo ang hapit mamatay samtang nagbiyahe sa dalan paingon niini nga siyudad. (35)

  12. Jerusalem Si Jesus ug ang Iyang mga Apostoles migahin og daghang mga panahon sa pagtudlo dinhi niini nga siyudad. Si Jesus namatay ug nabanhaw dinhi. (6, 39–40, 44–57, 63) Tan-awa sa Mapa 2 alang sa dugang nga mga istorya nga nahitabo sa Jerusalem.

  13. Betania Si Lazarus, kinsa gibuhi og balik ni Jesus, mipuyo dinhi uban sa iyang igsoong mga babaye nga si Maria ug si Marta. (43)

  14. Bethlehem Si Jesukristo natawo dinhi. (5, 7)

Imahe
map 1

Dagat sa Mediterania

Patay nga Dagat

Damasco

Cesarea Filipo

GALILEA

Capernaum

Dagat sa Galilea

Cana

Nazaret

SAMARIA

Suba sa Jordan

Joppe

Jerico

Jerusalem

Betania

Bethlehem

Mapa 2: Ang Jerusalem sa Panahon ni Jesus

  1. Golgota Kini mao siguro ang dapit diin si Jesukristo namatay sa krus. (53)

  2. Tanaman nga Lubnganan Kini mao siguro ang dapit diin si Jesukristo gilubong, nabanhaw, ug nakigsulti ni Maria Magdalena. (53, 54)

  3. Tuburan sa Betsaida Giayo ni Jesus dinhi ang usa ka tawo atol sa Igpapahulay. (27)

  4. Templo Dinhi ang anghel nga si Gabriel misaad ni Zacarias nga siya makabaton og usa ka anak nga lalaki, nga mao si Juan Bautista. Si Jesus mitudlo dinhi niini nga templo. Iyang gipagawas usab sa templo ang mga tawo nga namaligya og mga hayop alang sa mga sakripisyo. (1, 6, 9, 11, 13, 45, 56)

  5. Tanaman sa Getsemani Si Jesukristo nag-ampo, nag-antus alang sa atong mga sala, gibudhian ni Judas Iscariote, ug gidakop dinhi niini nga tanaman. (51, 52)

  6. Bungtod sa mga Oliba Mitudlo si Jesus dinhi mahitungod sa Iyang Ikaduhang Pag-anhi. (46)

  7. Balay ni Caifas Kini mao siguro ang dapit diin ang mga pangulo sa mga Judeo mibutang kang Jesus sa husay, mipasangil Kaniya nga nakalapas sa balaod. (52)

  8. Lawak sa Taas Ang lawak diin si Jesus ug ang Iyang mga Apostoles nangaon sa Pagpalabay dinhi tingali niining dapita. Si Jesus mitudlo sa Iyang mga Apostoles mahitungod sa sakrament sa hapit na siya moadto sa Tanaman sa Getsemani. (49, 50)

Imahe
map 2

Golgota

Tanaman nga Lubnganan

Tuburan sa Betsaida

Templo

Tanaman sa Getsemani

Bungtod sa mga Oliba

Balay ni Caifas

Lawak sa Taas