Kapitulo 62
Pablo Mituman sa Espiritu Santo
Ang Espiritu Santo misugo kang Apostol Pablo sa pag-adto sa Jerusalem. Ang Espiritu Santo miingon nga si Pablo mabilanggo. Si Pablo wala mahadlok. Nahigugma siya sa Manluluwas ug mibuhat unsay gisulti sa Espiritu Santo nga iyang buhaton.
Nanamilit si Pablo sa iyang mga higala. Siya miingon nga siya dili na gayud makakita kanila pag-usab. Siya misulti kanila sa pagpuyo sa ebanghelyo ug sa pagsunod sa mga sugo sa Dios. Si Pablo mipasidaan kanila sa dili pagpaminaw sa mga tawo nga mosulay sa pagtudlo kanila og mga butang nga dili tinuod.
Si Pablo misulti kanila sa paghigugma ug sa pag-amuma sa usag usa. Siya miluhod ug nag-ampo uban kanila. Ang tanan mihilak. Sila mihatud kaniya ngadto sa sakayan ug mitan-aw kang Pablo nga mibiya paingon sa Jerusalem.