Kapitulo 23
Ang Tawo Nga Dili Makalakaw
Usa ka adlaw niana si Jesus nagtudlo sa usa ka grupo diha sa usa ka balay.
Pipila ka mga tawo nagyayong sa ilang higala nga naghigda sa higdaanan aron makakita kang Jesus. Ang higala dili makalakaw. Ang mga lalaki dili makapasulod kaniya ngadto sa balay tungod sa panon sa mga katawhan.
Ang mga lalaki midala sa ilang higala ngadto sa ibabaw sa atup. Ilang gilungagan ang atup ug gitunton ang ilang higala ngadto sa sulod sa balay.
Pagkakita Niya sa hilabihan ka hugot nga pagtuo niini nga mga lalaki, si Jesus miingon sa masakiton nga tawo nga ang iyang mga sala gipasaylo. Siya misulti kaniya sa paghipos sa iyang higdaanan ug sa pagpauli sa balay. Ang tawo mitindog. Siya naayo. Iyang gihipos ang iyang higdaanan ug mipauli sa balay. Siya mapasalamaton kaayo sa Dios.