Mga Tawo nga Angay Mahibaloan

Agripa

usa ka hari nga Romano kinsa mimando diha sa Israel. Si Pablo misulti ni Agripa mahitungod ni Jesukristo.

Ana

usa ka matinud-anon nga biyuda kinsa nakakita kang Jesus sa dihang Siya usa pa ka bata ug mitudlo sa mga tawo nga si Jesus mao ang Anak sa Dios ug ang Manunubos

Ananias

usa ka disipulo ni Jesukristo nga mipuyo sa Damasco. Siya mipanalangin ni Pablo ug miatiman kaniya human nga si Pablo nabuta atol sa usa ka panan-awon.

Caifas

ang halangdon nga pari nga Judeo kinsa miapil sa paghukom ni Jesus panahon sa Iyang paghusay

Dios

mahimong nagpasabut ngadto sa Langitnong Amahan o ni Jesukristo

Elisabet

ang inahan ni Juan Bautista

Eliseo

usa ka propeta sa Daang Tugon

Espiritu Santo

usa sa tulo ka mga sakop sa Dios nga Kapangulohan. Siya mitabang ni Jesukristo ug sa Langitnong Amahan. Siya adunay gahum sa pagtabang sa mga tawo nga masayud sa kamatuoran. Siya usa ka espiritu ug walay lawas nga adunay unod ug bukog.

Esteban

usa ka matarung nga pangulo sa Simbahan ni Jesukristo. Ang mga Pariseo mipatay kaniya.

Gabriel

ang anghel nga mibisita ni Maria ug miingon kaniya nga siya ang mahimong inahan ni Jesus. Si Gabriel mipakita usab ni Zacarias ug miingon kaniya nga siya makabaton og usa ka anak nga lalaki kinsa mao si Juan Bautista.

Herodes

usa ka dautan nga hari kinsa mimando sa Jerusalem sa dihang si Jesus natawo. Iyang gipapatay ang tanan nga gagmay nga mga bata sa Bethlehem sa panghinaut nga mapatay ang bata nga si Jesus.

Isaias

usa ka propeta sa Daang Tugon kinsa misulat mahitungod kang Jesus

Jairo

usa ka pangulo sa mga Judeo didto sa Capernaum. Gibuhi og balik ni Jesus ang iyang anak nga babaye.

Jesukristo

ang Anak sa Dios ug ang Manluluwas sa kalibutan. Siya miantus ug namatay alang sa atong mga sala.

Jose

Bana ni Maria. Giatiman og maayo ni Jose si Jesus ug si Maria.

Joseph Smith

Sa dihang si Joseph Smith usa pa ka bata nga lalaki, ang Langitnong Amahan ug si Jesukristo mipakita kaniya. Sila misulti kaniya nga dili moapil bisan hain nga simbahan nianang higayona sa yuta tungod kay kining tanan nahisalaag gikan sa kamatuoran. Pinaagi ni Joseph Smith, ang tinuod nga Simbahan ni Jesukristo gipahiuli sa yuta.

Juan

usa sa Napulog Duha ka mga Apostoles. Usa siya sa mga magtatambag ni Pedro human sa kamatayon ni Jesus.

Juan Bautista

ang propeta kinsa mibunyag ni Jesus. Siya mao ang anak nga lalaki ni Zacarias ug Elisabet.

Judas Iscariote

usa sa mga Apostoles ni Jesus. Si Judas mitugyan kang Jesus ngadto sa dautang mga tawo alang sa 30 ka piraso nga pilak.

Langitnong Amahan

ang Amahan sa atong espiritu nga mga lawas. Kita mag-ampo ngadto Kaniya.

Lazaro

usa ka tawo nga gibuhi og balik ni Jesus

Manluluwas

Si Jesukristo mao ang Manluluwas. Siya miantus ug namatay alang sa atong mga sala. Tungod Kaniya, mapasaylo kita sa atong mga sala, kon kita maghinulsol, ug kita mabuhi sa kahangturan.

Maria

ang inahan ni Jesus

Maria Magdalena

Higala ni Jesus ug ang unang tawo nga nakakita ni Jesus human sa Iyang Pagkabanhaw

Maria ug Marta

ang igsoon nga mga babaye ni Lazaro ug mga higala ni Jesus

Matias

usa ka disipulo ni Jesus nga gitawag aron ipuli ni Judas Iscariote isip usa sa Napulog Duha ka mga Apostoles

Mesiyas

laing pangalan ni Jesukristo

Mga Judeo

Mga Israelite kinsa kabahin sa gingharian sa Juda. Si Jesus usa ka Judeo.

Mga Romano

ang mga tawo kinsa nagmando sa dapit nga gipuy-an ni Jesus atol sa Iyang kinabuhi sa yuta

Mga Samarianhon

usa ka grupo sa mga tawo kinsa mipuyo sa dapit nga gipuy-an ni Jesus. Ang mga Judeo ug ang mga Samarianhon sa kasagaran dili gusto sa usag usa.

Moises

usa ka propeta sa Daang Tugon

Nicodemo

usa ka pangulo sa mga Judeo nga mituo nga si Jesus mao ang Manluluwas. Si Jesus mitudlo kang Nicodemo mahitungod sa bunyag.

Pablo

usa ka tawo nga dili gusto sa mga disipulo ni Jesus hangtud nga iyang nakita si Jesus sa usa ka panan-awon ug nakabig. Siya mialagad dayon sa Dios ug nahimong usa sa mga Apostoles. Nailhan usab siya nga Saulo.

Pariseo

mga pangulo sa mga Judeo. Kadaghanan kanila nasilag kang Jesus ug sa Iyang mga disipulo.

Pedro

usa sa mga Napulog Duha ka mga Apostoles ni Jesus ug Presidente sa Simbahan human sa kamatayon ni Jesus

Poncio Pilato

ang Romano nga gobernador sa Jerusalem. Ang mga Judeo misulti kang Pilato nga si Jesus ilansang sa krus, ug si Pilato mitugot nga patyon si Jesus.

Santiago

usa sa Napulog Duha ka mga Apostoles ni Jesus. Usa siya sa mga magtatambag ni Pedro human sa kamatayon ni Jesus.

Satanas

usa ka espiritu nga anak nga lalaki sa Langitnong Amahan. Wala siya mosunod sa Langitnong Amahan, mao nga gipapahawa siya sa langit. Siya nahimong yawa. Si Satanas naningkamot sa pagtintal sa mga tawo sa pagbuhat og sayop.

Saulo

tan-awa sa Pablo

Silas

usa ka misyonaryo ug higala ni Pablo

Simeon

usa ka matarung nga tawo kinsa nakakita sa bata nga si Jesus diha sa templo sa Jerusalem

Simon

usa ka tawo sa Samaria. Siya misulay sa pagpalit sa priesthood gikan ni Pedro ug ni Juan. Sila mitudlo kaniya nga ang tawo dili makapalit sa priesthood.

Tabita

usa ka buotan nga babaye nga gibuhi og balik ni Pedro

Zacarias

ang amahan ni Juan Bautista