Kapitulo 51

Jesus Nag-antus sa Tanaman sa Getsemani

Jesus and His Apostles go to the Garden of Gethsemane - ch.51-1

Si Jesus ug ang mga Apostoles miadto sa Tanaman sa Getsemani. Si Judas wala mokuyog kanila. Siya miadto aron pagsulti sa mga pangulo sa mga Judeo kon asa si Jesus.

Mateo 26:36; Marcos 14:43; Juan 18:2–3

Jesus asks Peter, James and John to go with Him into the garden and wait there - ch.51-2

Ang Manluluwas mihangyo ni Pedro, Santiago, ug Juan nga mokuyog Kaniya ngadto sa tanaman. Siya mihangyo kanila sa paghulat samtang Siya milakaw aron mag-ampo.

Mateo 26:36–39; Marcos 14:33–35

Jesus prays in Gethsemane - ch.51-3

Si Jesus nasayud nga Siya kinahanglang mag-antus alang sa mga sala sa tanang katawhan. Siya dili gusto nga mag-antus, apan Iyang gipili nga mosunod sa Langitnong Amahan.

Mateo 26:39–44

Jesus sees Peter, James, and John sleeping and asks them to stay awake - ch.51-4

Si Pedro, Santiago, ug Juan nakatulog samtang si Jesus nag-ampo. Si Jesus miabut ug nakita sila nga nangatulog. Siya mihangyo kanila sa pagmata.

Mateo 26:40–41

Jesus finds Peter, James, and John sleeping again - ch.51-5

Milakaw na usab Siya aron mag-ampo. Si Pedro, Santiago, ug Juan gusto nga magmata, apan gikapoy kaayo sila. Nakatulog na usab sila. Nakita na usab sila ni Jesus nga nangatulog. Siya milakaw ug nag-ampo sa ikatulong higayon.

Mateo 26:42–44

Jesus suffers for the sins of all people - ch.51-6

Samtang si Jesus nag-ampo, Siya misugod sa pagpangurog tungod sa kasakit. Usa ka anghel ang miabut aron sa paglig-on Kaniya. Hilabihan ang Iyang pag-antus nga Siya gisingot og dugo. Siya nag-antus alang sa tanan natong mga sala aron kita mapasaylo kon kita maghinulsol.

Lucas 22:41–44; Doktrina ug mga Pakigsaad 19:16–19

Jesus wakes up Peter, James, and John and tells them He will be betrayed - ch.51-7

Gipukaw ni Jesus si Pedro, Santiago, ug Juan. Siya misulti kanila nga Siya budhian ug patyon. Si Jesus miingon nga ang dautang mga tawo moabut aron sa pagdakop Kaniya.

Mateo 26:45–46