Kapitulo 46
Ang Ikaduhang Pag-anhi
Si Jesus misulti kanila nga sa dili pa ang Iyang Ikaduhang Pag-anhi, ang dili tinuod nga mga propeta moangkon nga mao ang Kristo. Daghang mga tawo ang mosunod kanila. Apan kon ang Iyang mga sumusunod mosunod sa Iyang mga pulong, dili sila mailad sa dili tinuod nga mga propeta. Sila maluwas.
Si Jesus miingon usab nga sa dili pa Siya moanhi pag-usab, adunay daghang mga gubat, mga kagutom, makalilisang nga mga sakit, ug mga linog. Daghang mga tawo ang mohunong sa pagtabang sa uban ug mahimong dautan.
Ang ebanghelyo isangyaw ngadto sa tibuok kalibutan, apan daghang mga tawo ang dili maminaw.
Ang adlaw mongitngit, ug ang buwan dili na mohatag og kahayag, ug ang kabitoonan mangatagak gikan sa langit.
Sa panahon nga si Jesukristo moanhi pag-usab, ang mga tawo makakita Kaniya nga manaog gikan sa kapanganuran uban sa gahum ug dakong himaya. Iyang ipadala ang Iyang mga anghel aron sa pagpundok sa mga matarung.
Kita makaandam sa Ikaduhang Pag-anhi pinaagi sa pagbuhat unsa ang matarung. Kon atong makit-an ang mga timailhan nga gisaad ni Jesus, atong masayran nga ang pag-anhi sa Manluluwas hapit na. Walay usa nga nasayud sa tukmang panahon kanus-a si Jesus moanhi pag-usab. Kon kita andam, kita mahimong makauban Kaniya.