Kapitulo 37
Ang Napulo ka mga Sanlahon
Si Jesus miadto sa usa ka gamay nga lungsod diin Iyang nakita ang napulo ka mga sanlahon. Ang mga sanlahon mao ang mga tawo kinsa masakiton. Ang ilang sakit nakapahimo kanila nga mag-antus sa hilabihan ka daghan sa mga nuka sa tibuok nilang mga lawas.
Ang mga doktor dili makaayo sa mga sanlahon. Ang mga tawo mahadlok nga mopaduol kanila. Sila dili gusto nga matakdan usab.
Ang mga sanlahon mihangyo kang Jesus nga ayohon sila. Sila nasayud nga Siya makaayo sa ilang mga nuka.
Si Jesus gusto nga sila maayo. Siya misugo kanila sa pag-adto ug sa pagpakita sa ilang kaugalingon ngadto sa mga kaparian.
Sa ilang pagpadulong ngadto sa mga kaparian, ang napulo ka mga sanlahon nangaayo. Ang ilang mga nuka nawala.
Usa sa mga sanlahon nasayud nga si Jesus mao ang miayo kanila. Siya mibalik aron sa pagpasalamat Kaniya. Si Jesus nangutana kon asa ang siyam ka mga sanlahon. Sila wala mobalik. Si Jesus miingon sa sanlahon kinsa mipasalamat Kaniya nga ang hugot nga pagtuo sa sanlahon mao ang nakapaayo kaniya.