Kapitulo 6

Paghalad didto sa Templo

Sa dihang pipila pa lamang ka semana ang edad ni Jesus, ang Iyang mga ginikanan midala Kaniya ngadto sa Jerusalem aron sa paghalad Kaniya didto sa templo.

Lucas 2:22

Si Simeon, usa ka matarung nga tawo kinsa nagpuyo sa Jerusalem, didto sa templo. Ang Espiritu Santo miingon kaniya nga siya makakita kang Kristo sa dili pa siya mamatay.

Lucas 2:25–26

Si Simeon nakakita sa bata nga si Jesus didto sa templo. Siya mikugos Kaniya sa iyang mga bukton ug midayeg sa Dios.

Lucas 2:27–29

Si Simeon miingon nga kana nga bata magdala og kaluwasan ngadto sa tanang mga katawhan. Si Jose ug si Maria nahibulong sa unsay iyang gisulti.

Lucas 2:30–33

Ang usa ka biyuda nga ginganlan og Ana nakakita usab kang Jesus ug nakaila kon kinsa Siya. Siya mipasalamat ug misulti sa daghang mga tawo mahitungod Kaniya.

Lucas 2:36–38