Kapitulo 47
Ang Napulo ka mga Birhen
Ang napulo ka mga babaye adunay mga lampara. Lima kanila mga maalamon. Sila nagdala og lana nga ikadugang.
Ang laing lima ka mga babaye dili maalamon. Ang ilang dala nga lana mao lamang ang anaa sa ilang mga lampara.
Ang pamanhonon dugay kaayo nga miabut. Ang lana nga anaa sa mga lampara nahurot na. Ang lima ka maalamon nga mga babaye may lana pa nga ikabutang sa ilang mga lampara. Ang lima ka dili maalamon nga mga babaye kinahanglan nga molakaw aron mopalit og lana.
Samtang nanglakaw sila, ang pamanhonon miabut. Iyang gipasulod ang lima ka maalamon nga mga babaye ngadto sa kasal.
Pagbalik sa lima ka dili maalamon nga mga babaye, ang pultahan sirado na. Wala sila makaadto sa kasal.
Si Jesus sama sa pamanhonon dinhi niini nga istorya. Ang mga miyembro sa Simbahan sama sa napulo ka mga babaye. Sa panahon nga si Jesus moanhi pag-usab, ang uban nga mga miyembro andam na. Ilang gisunod ang mga sugo sa Dios. Ang uban dili pa maandam. Dili sila mahimong makauban sa Manluluwas kon Siya moanhi pag-usab.
Mateo 25:13; Doktrina ug mga Pakigsaad 45:56–57; 88:86, 92; Jesus the Christ, 576–80