Kapitulo 16
Ang Anak nga Lalaki sa Pangulo
Ang tawo mibiya sa iyang anak sa balay ug mibiyahe og daghang mga milya ngadto sa siyudad sa Cana. Didto iyang nakit-an si Jesus.
Ang tawo mihangyo sa Manluluwas nga mokuyog kaniya ug ayohon ang iyang anak nga lalaki. Si Jesus miingon kaniya nga ang iyang anak nga lalaki mamaayo. Ang tawo mituo kang Jesus, ug siya mipauli sa balay.
Ang iyang mga sulugoon misugat kaniya. Sila miingon kaniya nga ang iyang anak nga lalaki nagkaayo ug mabuhi . Siya nangutana kanila unsang orasa nagsugod nga naayo ang iyang anak nga lalaki. Sila misulti kaniya. Mao usab kadtong orasa nga si Jesus nag-ingon nga ang iyang anak mamaayo.
Ang tawo nasayud nga si Jesukristo ang nag-ayo sa iyang anak nga lalaki. Siya ug ang tanan niyang pamilya mituo sa Manluluwas.