មេរៀនទី ៦
គំរូ ស្រមោល និងនិមិត្តរូបទាំងឡាយអំពីព្រះយេស៊ូវគ្រីស្ទ
សេចក្ដីផ្ដើម
ព្យាការីសម័យទំនើបជាច្រើនបានប្រកាសថា ព្រះយេស៊ូវគ្រីស្ទ « បានចាត់តាំងឲ្យមានបុណ្យសាក្រាម៉ង់ឡើង ដើម្បីទុកជាការរំឭកចាំអំពីការបូជាដ៏មហិមារបស់ទ្រង់ » ( « ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » Ensign ឬ លីអាហូណា ខែ មេសា ឆ្នាំ ២០០០ ទំព័រ ២ ) ។ បន្ថែមទៅលើពិធីបរិសុទ្ធនៃពិធីសាក្រាម៉ង់ ព្រះគម្ពីរបានប្រាប់យើងអំពីព្រឹត្តិការណ៍ កាលៈទេសៈ កម្មវត្ថុ និងប្រជាជនជាច្រើន ដែលត្រូវបានបញ្ចូលដោយមានបំណងដើម្បីរំឭកយើង និងណែនាំយើងអំពីបេសកកម្ម និងការបម្រើរបស់ព្រះយេស៊ូវគ្រីស្ទ ។ មេរៀននេះ នឹងជួយសិស្សឲ្យពិចារណាអំពីគំរូ ស្រមោល និងនិមិត្តរូបខ្លះ ដែលចង្អុលយើងឲ្យទៅរកព្រះអង្គសង្គ្រោះ ។
ការអានពីសាវតា
-
រ័សុល អិម ណិលសុន « In This Holy Land » Tambuli, ខែ កុម្ភៈ ឆ្នាំ ១៩៩១ ទំព័រ ១០–១៩ ។
-
« Enrichment Section C: Symbolism and Typology in the Old Testament » Old Testament Student Manual: Genesis–2 Samuel, 3rd ed. (Church Educational System manual,ឆ្នាំ ២០០៣ ), ទំព័រ ១១១–១៥ ។
យោបល់សម្រាប់ការបង្រៀន
នីហ្វៃទី២ ១១:១៤; ម៉ូសេ៦:៦៣
និមិត្តរូបក្នុងព្រះគម្ពីរអំពីព្រះគ្រីស្ទ
សូមបង្ហាញរូបភាពបីបួននៃសញ្ញាល្បីល្បាញ ឬនិមិត្តរូបដូចខាងក្រោមនេះ ៖
ក្រោយពីសិស្សរកឃើញនូវអត្ថន័យនៃសញ្ញានីមួយៗហើយ សូមសួរពួកគេរកឧទាហរណ៍នៃសញ្ញា ឬនិមិត្តរូបផ្សេងទៀតដែលគេស្គាល់យ៉ាងងាយស្រួល ។
សូមចែកសិស្សទៅជាគូៗ ។ សូមអញ្ជើញដៃគូសិស្សនីមួយៗឲ្យសិក្សា និងប្រៀបធៀប នីហ្វៃទី ២ ១១:៤ និង ម៉ូសេ ៦:៦៣ ។ សូមឲ្យពួកគេពិភាក្សាពីអ្វីដែលវគ្គទាំងនេះមានជារួម និងអ្វីដែលវាបង្រៀនអំពីព្រះយេស៊ូវគ្រីស្ទ និងពីគោលបំណងនៃការបង្កបង្កើតរបស់ព្រះ ។ ក្រោយពីដៃគូទាំងឡាយបានពិភាក្សាអំពីការរកឃើញរបស់គេហើយ សូមសួរសិស្សក្នុងថ្នាក់ថា ៖
-
តើអ្នកនឹងនិយាយពីសេចក្ដីពិតដ៏សំខាន់មួយ ដែលបានកត់ត្រានៅក្នុងវគ្គគម្ពីរទាំងនេះយ៉ាងដូចម្ដេច ? ( សិស្សគួររកឃើញនូវការពិតដូចខាងក្រោមនេះ ៖ អ្វីៗទាំងអស់ត្រូវបានបង្កបង្កើតឡើងដើម្បីថ្លែងទីបន្ទាល់អំពីព្រះយេស៊ូវគ្រីស្ទ ) ។
-
តើមានឧទាហរណ៍ណាខ្លះអំពីអ្វីៗដែលត្រូវបាន « ព្រះទ្រង់បានប្រទាន » ដែលជា « គំរូអំពី » ( នីហ្វៃទី ២ ១១:៤ ) ឬជានិមិត្តរូបអំពី ព្រះយេស៊ូវគ្រីស្ទ ?
សូមប្រាប់សិស្សថា ព្រះគម្ពីរទាំងអស់រួមមាននូវគំរូ ស្រមោល និមិត្តរូបទាំងឡាយ និងភាពដូចគ្នានានាអំពីព្រះយេស៊ូវគ្រីស្ទ ។ សូមពន្យល់ថា គំរូ ស្រមោល និមិត្តរូបទាំងឡាយ និងភាពដូចគ្នានានា គឺជាតំណាងនៃភាពពិតដ៏អស្ចារ្យ ។ ឧទាហរណ៍ លីអាហូណាត្រូវបានរៀបរាប់នៅក្នុងព្រះគម្ពីរមរមនថាជា តំណាងមួយនៃព្រះបន្ទូលនៃព្រះគ្រីស្ទ ។ នៅក្នុងផ្នែកនៃមេរៀននេះ យើងនឹងផ្ដោតទៅលើគំរូ និងនិមិត្តរូបដែលមាននៅក្នុងព្រះគម្ពីរសញ្ញាចាស់ ។ និមិត្តរូបទាំងនេះភាគច្រើន គឺនៅក្នុងទម្រង់ជាមនុស្ស វត្ថុ ហេតុការណ៍ និងកាលៈទេសៈនានា ( វាអាចជួយច្រើន បើអ្នកសរសេរប្រភេទទាំងនេះនៅលើក្ដារខៀន ) ។ សូមចម្លងបញ្ជីខាងក្រោមនៃសេចក្ដីយោងពីព្រះគម្ពីរដាក់លើក្ដារខៀន ឬ រៀបចំវាជាក្រដាសចែកឲ្យសិស្ស ៖
គំរូ ស្រមោល និងនិមិត្តរូបទាំងឡាយអំពីព្រះយេស៊ូវគ្រីស្ទ
|
គំរូ ស្រមោល និងនិមិត្តរូបទាំងឡាយអំពីព្រះគ្រីស្ទ នៅក្នុងព្រះគម្ពីរសញ្ញាចាស់ |
ការបំពេញនៅក្នុងជីវិតរបស់ព្រះគ្រីស្ទ |
|---|---|
សូមចាត់តាំងសិស្សម្នាក់ ឬច្រើននាក់ឲ្យសិក្សាវគ្គនៃព្រះគម្ពីរនីមួយៗ ហើយរៀបចំពន្យល់ពីនិមិត្តរូបនៃព្រះគម្ពីរសញ្ញាចាស់ និងរបៀបដែលវាចង្អុលទៅរកព្រះយេស៊ូវគ្រីស្ទ ។ ក្រោយពីមានពេលគ្រប់គ្រាន់ហើយ សូមឲ្យសិស្សរាយការណ៍ពីអ្វីដេលពួកគេបានរកឃើញ ។
ប្រសិនបើសល់ពេល សូមពិចារណាពីការពិភាក្សានូវនិមិត្តរូបខ្លះអំពីព្រះគ្រីស្ទ ដែលបានរកឃើញដោយអែលឌើរ រ័សុល អិម ណិលសុន នៃកូរ៉ុមនៃពួកសាវកដប់ពីរនាក់ នៅក្នុងអត្ថបទរបស់លោក « In This Holy Land » ( Tambuli, ខែ កុម្ភៈ ឆ្នាំ ១៩៩១ ទំព័រ ១០-១៩ ) ។
សូមឲ្យពួកគេពិភាក្សាគ្នា ជាថ្នាក់ នូវសំណួរដូចខាងក្រោម ៖
-
តើអ្នកគិតថា ហេតុអ្វីបានជាអ្វីៗទាំងអស់ត្រូវបានបង្កើតឡើង ដើម្បីធ្វើជាតំណាង ឬជាសញ្ញាដល់ព្រះអង្គសង្គ្រោះ ?
-
តើអ្វីជាតម្លៃនៃការបន្ដស្វែងរកឥតដាច់ ដើម្បីរកឲ្យឃើញនូវអស់ទាំងអ្វីៗទាំងអស់ធ្វើទីបន្ទាល់អំពីព្រះយេស៊ូវគ្រីស្ទ ? ( សូមប្រាកដថាសិស្សយល់ពីគោលការណ៍ខាងក្រោមនេះ ៖ យើងអាចរៀនបន្ថែមទៀតអំពីព្រះយេស៊ូវគ្រីស្ទ នៅពេលយើងទទួលស្គាល់ពីនិមិត្តរូប គំរូ និងនិមិត្តដែលថ្លែងទីបន្ទាល់អំពីទ្រង់ ។ )
-
តើអ្វីៗដែលតំណាងឲ្យព្រះអង្គសង្គ្រោះ បានបង្កើនជំនឿរបស់អ្នកលើទ្រង់ដោយរបៀបណា ?
-
តើអ្នកអាចធ្វើអ្វីខ្លះ ដើម្បីស្គាល់ព្រះគ្រីស្ទតាមនិមិត្តរូបនានា ដែលយើងបានទទួល ?
នីហ្វៃទី ២ ១១:២–៦
និមិត្តរូប និងការស្រមៃអំពីព្រះគ្រីស្ទនៅក្នុងសេចក្ដីសញ្ញា និងពិធីបរិសុទ្ធនៃដំណឹងល្អ
សូមពន្យល់ថា ផ្នែកនៃមេរៀននេះ នឹងផ្ដោតលើចំណែកខុសគ្នានៃដំណឹងល្អរបស់ព្រះយេស៊ូវគ្រីស្ទ ដែលរួមមាននិមិត្តរូប និងការស្រមៃអំពីព្រះគ្រីស្ទ ។ សូមអញ្ជើញឲ្យសិស្សស្រាវជ្រាវ នីហ្វៃទី ២ ១១:២–៦ដោយរកមើលអ្វីៗទាំងនោះ ដែលនីហ្វៃបានត្រេកអរចំពោះ ។ អ្នកអាចផ្តល់ជាយោបល់ថា ពួកគេគួរគូសចំណាំអ្វីដែលពួកគេបានរកឃើញ ។
-
តើនីហ្វៃបានត្រេកអរនឹងអ្វី ?
សូមចង្អុលបង្ហាញឃ្លា « សេចក្ដីសញ្ញាទាំងឡាយនៃព្រះអម្ចាស់ » នៅក្នុង ខទី ៥ ។ សូមពន្យល់ថា សេចក្ដីសញ្ញា និងពិធីបរិសុទ្ធទាំងឡាយជាផ្នែកដ៏ចាំបាច់ក្នុងដំណឹងល្អដ៏អស់កល្បនៃព្រះយេស៊ូវគ្រីស្ទ ។ មានធាតុជាច្រើននៃសេចក្ដីសញ្ញា និងពិធីបរិសុទ្ធទាំងឡាយ ដែលជាសញ្ញា និងបង្រៀន និងដឹកនាំយើងទៅរកព្រះយេស៊ូវគ្រីស្ទ ។ សូមបង្ហាញសេចក្ដីថ្លែងការណ៍ខាងក្រោមដោយអែលឌើរ ប្រ៊ូស អរ. ម៉ាក់ខន់ឃី ( ឆ្នាំ ១៩១៥–៨៥ ) នៃកូរ៉ុមនៃពួកសាវកដប់ពីរនាក់ និងសូមឲ្យសិស្សម្នាក់អានវាឮៗ ៖
« រាល់ពិធីបរិសុទ្ធដ៏ទេវភាព ឬការធ្វើពិធីបរិសុទ្ធដែលបានតែងតាំងដោយព្រះទាំងឡាយពីស្ថានសួគ៌ រាល់ពលិកម្ម ការប្រៀបធៀប និងការប្រៀបប្រដូចនានា អ្វីទាំងអស់ដែលព្រះធ្លាប់បានប្រទានដល់ប្រជាជនរបស់ទ្រង់ —អ្វីទាំងអស់ដែលត្រូវបានតែងតាំងឡើយ និងត្រូវបានស្ថាបនាឡើង តាមរបៀបមួយដើម្បីថ្លែងទីបន្ទាល់អំពីព្រះរាជបុត្រារបស់ទ្រង់ និងជាមូលដ្ឋាននៃសេចក្ដីជំនឿរបស់ប្រជាជនដែលមានជំនឿទៅលើទ្រង់ និងទៅលើសេចក្ដីប្រោសលោះ ដែលទ្រង់ត្រូវបានតែងតាំងឲ្យធ្វើតាំងពីមុនកំណើតលោកិយមក » ( The Promised Messiah: The First Coming of Christ [ ឆ្នាំ ១៩៧៨ ] ទំព័រ ២៨ ) ។
-
តើគោលលទ្ធិ ឬ គោលការណ៍អ្វីមួយដែលត្រូវបានបង្រៀននៅក្នុងសេចក្ដីថ្លែងការណ៍នេះ ? ( ចម្លើយមួយអាចមានថា យើងនឹងឃើញនូវនិមិត្តរូបអំពីព្រះគ្រីស្ទ នៅក្នុងពិធីបរិសុទ្ធនៃដំណឹងល្អ ប្រសិនបើយើងរកមើលវា ។ )
-
តើចំណេះដឹងនេះ អាចជួយបានច្រើន នៅពេលយើងចូលរួមនៅក្នុងពិធីបរិសុទ្ធនៃដំណឹងល្អដោយរបៀបណា ?
សូមឲ្យសិស្សសិក្សា រ៉ូម ៦:៣–៦ និង នីហ្វៃទី ៣ ១៨:៧, ១១ ដោយស្ងាត់ស្ងៀម ដោយរកមើលនិមិត្តរូបដែលសំដៅទៅលើព្រះអង្គសង្គ្រោះ ។ បន្ទាប់មក សូមសួរ ៖
-
តើមានរបៀបណាខ្លះដែលសេចក្ដីសញ្ញា និងពិធីបរិសុទ្ធនៃដំណឹងល្អ បង្រៀនយើងអំពីព្រះអង្គសង្គ្រោះ ហើយជួយអ្នកឲ្យចងចាំដល់ទ្រង់នោះ ?
ដើម្បីជួយសិស្សឲ្យមានអារម្មណ៍អំពីសេចក្ដីពិត និងពីសារៈសំខាន់នៃការរៀន ដើម្បីស្គាល់ប្រភេទ និងនិមិត្តរូបអំពីព្រះគ្រីស្ទ សូមសួរសំណួរដូចខាងក្រោម ៖
-
តើនិមិត្តរូណាមួយអំពីព្រះអង្គសង្គ្រោះ ដែលមានន័យយ៉ាងខ្លាំងចំពោះអ្នក ?
-
តើអ្នកអះអាងថា អ្នកកត់ចំណាំនិមិត្តរូបនេះដោយរបៀបណា ?
-
តើការមើលឃើញពីការណ៍នេះ ជានិមិត្តរូបមួយអំពីព្រះគ្រីស្ទ បានប្រទានពរជ័យដល់ជីវិតអ្នកយ៉ាងដូចម្ដេចខ្លះ ?
សូមឲ្យសិស្សអនុវត្តគោលការណ៍នៅក្នុងមេរៀននេះ ដោយការសុំឲ្យពួកគេសរសេររបៀបដែលពួកគេអាចស្គាល់កាន់តែច្បាស់នូវគំរូ ស្រមោល និងនិមិត្តសញ្ញាទាំងឡាយអំពីព្រះអង្គសង្គ្រោះនៅក្នុងព្រះគម្ពីរ នៅក្នុងពិធីបរិសុទ្ធនៃដំណឹងល្អ និងនៅក្នុងជីវិតប្រចាំថ្ងៃរបស់ពួកគេ ។ សូមលើកទឹកចិត្តពួកគេឲ្យជ្រើសរើសថ្ងៃមួយនៅក្នុងពេលអនាគតដ៏ខ្លីខាងមុខ ដែលពួកគេនឹងរកមើលរូបភាព វត្ថុ ឬក៏ហេតុការណ៍នានាដោយពិចារណាដែលរំឭកដល់ពួកគេអំពីព្រះអង្គសង្គ្រោះ ។ សូមលើកទឹកចិត្តពួកគេឲ្យរក្សាបញ្ជីមួយអំពីអ្វីដែលពួកគេបានរកឃើញ ហើយចែកចាយវាដល់សមាជិកគ្រួសារ ឬមិត្តភក្ដិ ឬប្រហែលជាតាមរយៈប្រពន្ធ័ផ្សព្វផ្សាយសង្គម ។
ការអានរបស់សិស្ស
-
រ័សុល អិម ណិលសុន « In This Holy Land » Tambuli, ខែ កុម្ភៈ ឆ្នាំ ១៩៩១ ទំព័រ ១០–១៩ ។