មេរៀនទី ២៥
ព្រះយេស៊ូវគ្រីស្ទ នឹងយាងមកវិញនៅថ្ងៃណាមួយ
សេចក្ដីផ្ដើម
ព្យាការីជាច្រើនរាប់ជំនាន់បានព្យាករណ៍ថា ព្រះយេស៊ូវគ្រីស្ទ នឹងត្រឡប់មកកាន់ផែនដីវិញនៅថ្ងៃណាមួយ ។ អេសាយ បានកត់ត្រាថា « នោះសិរីល្អនៃព្រះយេហូវ៉ានឹងសម្ដែងមក គ្រប់មនុស្សទាំងឡាយនឹងបានឃើញព្រមគ្នា » ( អេសាយ ៤០:៥ ) ។ ការព្យាករណ៍ទាំងនេះ ជួយពួកសាវករបស់ព្រះយេស៊ូវគ្រីស្ទឲ្យរៀបចំខ្លួនពួកលោក និងអ្នកដទៃសម្រាប់ហេតុការណ៍ដ៏ពិសេសនេះ និងមានសេចក្ដីសង្ឃឹម ដោយដឹងថា ព្រះវរបិតាសួគ៌ទាយពីអនាគត ហើយរៀបចំពិភពលោកនេះសម្រាប់ការត្រឡប់ដ៏រុងរឿងនៃបុត្រារបស់ទ្រង់ ។
ការអានពីសាវតា
-
ដាល្លិន អេក អូក « Preparation for the Second Coming » Ensign ឬ លីអាហូណា ខែ ឧសភា ឆ្នាំ ២០០៤ ទំព័រ ៧–១០ ។
យោបល់សម្រាប់ការបង្រៀន
ព្រះអង្គសង្គ្រោះ នឹងយាងមកដោយព្រះចេស្ដា និងសិរីល្អ
សូមអញ្ជើញឲ្យសិស្សសញ្ជឹងគិតពីសំណួរខាងក្រោម ហើយសង្ខេបចម្លើយរបស់ពួកគេនៅលើក្ដារខៀន ៖
-
តើអ្នកគិតដូចម្ដេច នៅពេលគេនិយាយអំពីការយាងមកជាលើកទីពីរ ?
-
តើអ្នកជឿថា ការយាងមកជាលើកទីពីរនឹងកើតឡើងដូចម្តេចទៅ ?
សូមប្រាប់ឲ្យសិស្សម្នាក់អាន គោលលទ្ធិ និងសេចក្ដីសញ្ញា ២៩:១១ ឮៗ ។ បន្ទាប់មក សូមសួរសិស្ស ៖
-
តើអ្នកបានរៀនអ្វីខ្លះពីវគ្គនេះ អំពីការយាងមកជាលើកទីពីរ ? ( នៅពេលសិស្សឆ្លើយ សូមបញ្ជាក់នូវសេចក្ដីពិតខាងក្រោមនេះ ៖ នៅពេលព្រះអង្គសង្គ្រោះយាងមកម្ដងទៀត នោះទ្រង់នឹងយាងមកដោយព្រះចេស្ដា និងសិរីល្អជាមួយនឹងពួកពលបរិវារទាំងឡាយនៃស្ថានសួគ៌ ) ។ សូមសរសេរសេចក្ដីពិតនេះនៅលើក្ដារខៀន ) ។
សូមពន្យល់ដល់សិស្សថា មានទិដ្ឋភាពជាច្រើននៃការយាងមកលើកទីពីរនៃព្រះយេស៊ូវគ្រីស្ទ ដែលអាចត្រូវបានសិក្សានៅក្នុងព្រះគម្ពីរ ដូចជាទីសម្គាល់ដែលនឹងមកមុនការយាងមករបស់ទ្រង់ និងការបំផ្លាញនៃពួកទុច្ចរិតនៅពេលទ្រង់យាងមក ។ មេរៀននេះ នឹងផ្ដោតជាពិសេសលើព្រះអង្គសង្គ្រោះ ការយាងមករបស់ទ្រង់ដោយព្រះចេស្ដា និងសិរីល្អ និងរបៀបដែលយើងអាចរៀបចំសម្រាប់ហេតុការណ៍ដ៏អស្ចារ្យនោះ ។ សូមចែកឲ្យសិស្សម្នាក់ៗនូវច្បាប់ចម្លងមួយនៃតារាង « ការព្យាករណ៍នៃការយាងមកលើកទីពីរ » ។ សូមអញ្ជើញឲ្យសិស្សធ្វើការជាគូ ហើយចាត់ឲ្យដៃគូនីមួយៗសិក្សាវគ្គព្រះគម្ពីរពីរ ឬបីជួរ ( សូមប្រាកដថា ជួរនីមួយៗត្រូវបានចាត់ឲ្យសិស្សអាន ) ។ សូមអញ្ជើញឲ្យដៃគូនីមួយៗសរសេរនៅក្នុងតារាងនេះ នូវអ្វីដែលវគ្គព្រះគម្ពីររបស់គេបង្រៀនអំពីការយាងមកជាលើកទីពីររបស់ព្រះយេស៊ូវគ្រីស្ទ ។ ក្រោយពីទុកពេលគ្រប់គ្រាន់ហើយ សូមប្រាប់ឲ្យសិស្សរៀបរាប់ពីអ្វីដែលពួកគេបានរកឃើញ ។
ការយាងមកលើកទីពីររបស់ព្រះយេស៊ូវគ្រីស្ទ
|
ការព្យាករណ៍អំពីការយាងមកជាលើកទីពីរ |
អ្វីដែលយើងរៀនអំពីការយាងមកជាលើកទីពីរ |
|---|---|
|
គោលលទ្ធិ និង សេចក្តីសញ្ញា ៤៩:៦-៧ ; យ៉ូសែប ស្ម៊ីធ—ម៉ាថាយ ១:៤០ | |
|
សាការី ១៣:៦; ; ១៤:៤; គោលលទ្ធិ និងសេចក្ដីសញ្ញា ៤៥:៤៨, ៥១–៥៣ | |
|
អេសាយ ៦៣:២; វិវរណៈ ១៩:១១–១៣; គោលលទ្ធិ និង សេចក្តីសញ្ញា១៣៣:៤៦–៤៨ | |
សូមតាមដាន ដោយការសួរសំណួរខាងក្រោម ៖
-
ដោយផ្អែកលើអ្វីដែលអ្នកបានសិក្សា តើព្រះចេស្ដា និងសិរីល្អរបស់ព្រះយេស៊ូវគ្រីស្ទនឹងត្រូវបានសម្ដែងពេលទ្រង់យាងមកដោយរបៀបណា ?
-
តើការព្យាករណ៍ណាមួយអំពីការយាងមកលើកទីពីរដែលអ្នកចាប់អារម្មណ៍ជាងគេ? ហេតុអ្វី ?
( កំណត់ចំណាំ ៖ មុនពេលបន្ដទៅមុខ អ្នកអាចបើកត្រឡប់ទៅរកតារាងវិញ ហើយសូមសួរសិស្សថា មានតម្លៃអ្វីនៅក្នុងការសិក្សាព្រះគម្ពីរនៅក្នុងសម័យនេះ—ដោយរកមើលទំនាក់ទំនង គំរូ និងផ្ទៃរឿង ) ។
គោលលទ្ធិ និង សេចក្ដីសញ្ញា ១:១២; ៣៤:៥-៦; ៣៩:២០; ៨៨:៨១–៨៦, ៩២; ១៣៣:៤–៥, ១០
ព្យាការីរៀបចំយើងសម្រាប់ការយាងមកលើកទីពីររបស់ព្រះយេស៊ូវគ្រីស្ទ
សូមចង្អុលបង្ហាញសេចក្ដីថ្លែងការណ៍ខាងក្រោមនេះដោយអែលឌើរ ស្ទើរលីង ដបុលយូ ស៊ីល ( ឆ្នាំ ១៩០៣–១៩៩៤ ) នៃក្រុមចិតសិបនាក់ ហើយសូមប្រាប់ឲ្យសិស្សម្នាក់អានវាឮៗ ៖
« ការយាងមកលើកទីពីររបស់ព្រះគ្រីស្ទ ត្រូវបានលើកឡើងច្រើនជាង ១៥០០ ដងនៅក្នុងព្រះគម្ពីរសញ្ញាចាស់ និងច្រើនជាង ៣០០ ដងនៅក្នុងព្រះគម្ពីរសញ្ញាថ្មី ។ ប្រសិនបើព្រះបានគិតពីប្រធានបទនេះថាវាសំខាន់ខ្លាំងនោះ ទ្រង់បា្រកដជាចង់ឲ្យយើងធ្វើអ្វីមួយសម្រាប់វាហើយ » ( នៅក្នុងរបាយការណ៍សន្និសីទ ខែ មេសា ឆ្នាំ ១៩៦៦ ទំព័រ ១៩ ) ។
-
តើអ្នកគិតថា ហេតុអ្វីបានជាវាសំខាន់ដែលព្រះគម្ពីរបញ្ចូលនូវការព្យាករណ៍ជាច្រើនដែលទាក់ទងទៅនឹងការយាងមកលើកទីពីរ ?
សូមចង្អុលបង្ហាញវគ្គព្រះគម្ពីរខាងក្រោមនេះ ឬសរសេរវានៅលើក្ដារខៀន ។ សូមអញ្ជើញឲ្យសិស្សប្រៀបធៀបវគ្គទាំងនេះដោយស្ងាត់ស្ងៀម ដោយរកមើលរបៀបខុសគ្នាពីរដែលយើងត្រូវធ្វើដើម្បីរៀបចំខ្លួនសម្រាប់ការយាងមកជាលើកទីពីរ ។
ក្រោយពីទុកពេលគ្រប់គ្រាន់ហើយ សូមពិភាក្សាសំណួរខាងក្រោមនេះខ្លះ ឬទាំងអស់ ៖
-
តើអ្នកនឹងសង្ខេបសេចក្ដីពិតទាំងឡាយដែលបានបង្រៀននៅក្នុងវគ្គទាំងនេះទៅជាប្រយោគតែមួយដោយរបៀបណា ? ( សូមប្រាកដថា សិស្សចង្អុលបង្ហាញអ្វីមួយដែលមានដូចខាងក្រោមនេះ ៖ ការព្យាករណ៍ទាំងឡាយអំពីការយាងមកលើកទីពីរនៃព្រះយេស៊ូវគ្រីស្ទ ត្រូវបានប្រទាន និងកត់ត្រានៅក្នុងព្រះគម្ពីរ ដើម្បីឲ្យយើងអាចរៀបចំខ្លួនយើង និងអ្នកផ្សេងទៀតសម្រាប់ថ្ងៃនោះ ) ។
-
ហេតុអ្វីបានយើងមិនគ្រាន់តែខ្លួនយើង ប៉ុន្តែត្រូវតែរៀបចំអ្នកដទៃ សម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ?
-
តើមានរបៀបណាខ្លះ ដែលយើងអាចជួយអ្នកដទៃឲ្យរៀបចំសម្រាប់ការយាងត្រឡប់មកវិញរបស់ព្រះអម្ចាស់ ?
-
តើអ្នកគិតថាការជួយអ្នកដទៃរៀបចំសម្រាប់ការយាងមកលើកទីពីរនឹងជួយអ្នកឲ្យរៀបចំខ្លួនអ្នកបានប្រសើរដោយរបៀបណា ?
សូមប្រាប់ឲ្យសិស្សម្នាក់អានឲ្យឮនូវសេចក្ដីថ្លែងការណ៍ខាងក្រោមដោយអែលឌើរ ដាល្លិន អេក អូក នៃកូរ៉ុមនៃពួកសាវកដប់ពីរនាក់ ៖
« ខណៈដែលយើងគ្មានអំណាចដើម្បីផ្លាស់ប្ដូរការពិតនៃការយាងមកលើកទីពីរ និងមិនអាចដឹងពីពេលពិតប្រាកដរបស់វា យើងអាចពន្លឿនការរៀបចំរបស់យើងផ្ទាល់ និងព្យាយាមជួយដល់ការរៀបចំរបស់អ្នកដែលនៅជុំវិញខ្លួនយើង ។ …
« ចុះបើថ្ងៃនៃការយាងមករបស់ទ្រង់ជាថ្ងៃស្អែកវិញ ? ប្រសិនបើយើងបានដឹងថា យើងត្រូវជួបនឹងព្រះអម្ចាស់នៅថ្ងៃស្អែក — តាមរយៈការស្លាប់មុនអាយុ ឬតាមរយៈការយាងមកដែលមិនអាចរំពឹងទុកបានមុនរបស់ទ្រង់ — តើយើងនឹងធ្វើអ្វីនៅថ្ងៃនេះ ? តើយើងនឹងសារភាពអ្វីខ្លះ ? តើយើងនឹងបញ្ឈប់ការអនុវត្តន៍អ្វីខ្លះ ? តើយើងនឹងយកដំណើររឿងណាមួយមកដោះស្រាយ ? តើការអត់ទោសណាខ្លះដែលយើងនឹងអត់ទោស ? តើយើងនឹងថ្លែងទីបន្ទាល់ណាមួយ ?
« ចុះបើយើងនឹងត្រូវធ្វើការណ៍ទាំងនោះនៅពេលនោះ ហេតុអ្វីយើងមិនធ្វើឥឡូវនេះ ? ហេតុអ្វីបានជាយើងមិនស្វែងរកសេចក្ដីសុខសាន្ដ ខណៈដែលសេចក្ដីសុខសាន្ដអាចត្រូវទទួលបាននោះ ? ប្រសិនបើចង្កៀងនៃការរៀបចំរបស់យើងត្រូវបានគូសបង្ហាញហើយ សូមប្រាប់ឲ្យយើងចាប់ផ្ដើមអនុវត្តវាភ្លាមៗ » ( « Preparation for the Second Coming »Ensign ឬ លីអាហូណា ខែ ឧសភា ឆ្នាំ ២០០៤ ទំព័រ ៨, ៩ ។
-
តើបុគ្គលម្នាក់អាចធ្វើអ្វីខ្លះដើម្បីជួយពន្លឿនដល់ការរៀបចំរបស់គេសម្រាប់ការយាងមកជាលើកទីពីរ ?
-
តើមានគ្រោះថ្នាក់អ្វីខ្លះក្នុងការពន្យាពេលការរៀបចំរបស់យើងនោះ ?
ម៉ាថាយ ២៥:១–១៣
ការរៀបចំសម្រាប់ការយាងមកលើកទីពីររបស់ព្រះយេស៊ូវគ្រីស្ទ
សូមពន្យល់ដល់សិស្សថា គឺនៅថ្ងៃមុនពេលព្រះយេស៊ូវគ្រីស្ទសុគត នោះពួកសាវករបស់ទ្រង់បានសួរសំណួរទាក់ទងទៅនឹងទីសម្គាល់ដែលនឹងនាំមុខការយាងមកលើកទីពីររបស់ទ្រង់ ( សូមមើល ម៉ាថាយ ២៤:៣; យ៉ូសែប ស្ម៊ីធ—ម៉ាថាយ ១:៤ ) ។ ចម្លើយរបស់ព្រះអង្គសង្គ្រោះត្រូវបានរកឃើញនៅក្នុង ម៉ាថាយ ២៤–២៥ ។ សូមប្រាប់ឲ្យសិស្សមួយចំនួនប្ដូរវេនគ្នាអាន ម៉ាថាយ ២៥:១–១៣ ឮៗ ហើយសូមប្រាប់ឲ្យសិស្សផ្សេងទៀតផ្ទៀងតាម ។ បន្ទាប់មក សូមដឹកនាំសិស្សនៅក្នុងការពិភាក្សាមួយនៃរឿងប្រៀបធៀបអំពីស្រីព្រហ្មចារីដប់នាក់ ដោយប្រើសំណួរ និងសម្ដីដកស្រង់ខាងក្រោមទាំងនេះខ្លះ ឬទាំងអស់ ៖
-
តើអ្នកគិតថាផ្នែកអ្វីនៃសកម្មភាពរបស់ស្រីព្រហ្មចារីទាំងប្រាំនាក់នេះដែលល្ងង់នោះ ? ( ស្រីព្រហ្មចារីល្ងង់ទាំងនេះមិនបានធ្វើរឿងដែលចាំបាច់ដើម្បីរៀបចំសម្រាប់ការយាងមករបស់ព្រះអង្គសង្គ្រោះទេ ។ សូមព្យាយាមរៀបចំសម្រាប់ការយាងមករបស់ព្រះអង្គសង្គ្រោះដោយការធ្វើអ្វីដែលយើងដឹងថាត្រឹមត្រូវ នោះវានឹងមកនូវពរជ័យដ៏អស្ចារ្យ រួមមានទាំងការរៀបចំជាស្រេចដើម្បីចូលរួមនឹងព្រះអង្គសង្គ្រោះ នៅពេលទ្រង់យាងមក ) ។
-
តើមានសារៈសំខាន់អ្វីខ្លះនៅក្នុងឃ្លា « ចូរចេញទៅទទួលចុះ » ? ( ខ ៦ ) ។ ហេតុអ្វីបានជាមិនរង់ចាំដោយអត់ធ្មត់ដល់ទ្រង់ឲ្យមកជួបនឹងអ្នក ? ( សូមមើលផងដែរ គ និង ស ១៣៣:៥, ១០, ១៤, ១៩ ) ។
-
ហេតុអ្វីបានជាស្រីព្រហ្មចារីឆ្លាតមិនអាចចែករំលែកប្រេងរបស់នាងជាមួយនឹងស្រីព្រហ្មចារីល្ងង់បាន ?
-
តើរឿងប្រៀបប្រដូចនេះបង្រៀនអ្វីដល់អ្នក អំពីការរៀបចំទៅជួបនឹងព្រះអង្គសង្គ្រោះ ? ( ទោះបីជាសិស្សអាចប្រើពាក្យផ្សេងៗគ្នា សិស្សគួរតែចង្អុលបង្ហាញអំពីគោលការណ៍ដែលស្រដៀងគ្នាទៅនឹងអ្វីដូចខាងក្រោម ៖តាមរយៈការគោរពតាមព្រះបញ្ញត្តិរបស់ព្រះ នោះយើងអាចរៀបចំសម្រាប់ការយាងមកលើទីពីររបស់ព្រះយេស៊ូវគ្រីស្ទ ។ សូមមើលផងដែរ គ និង ស ៤៥:៥៦–៥៧ ) ។
សូមបន្ថែមលើការពិភាក្សានូវសេចក្ដីថ្លែងការណ៍ខាងក្រោមនេះដោយអែលឌើរ ដាល្លិន អេក អូក នៃកូរ៉ុមនៃពួកសាវកដប់ពីរនាក់ ៖
« ក្នុងរឿង [ ប្រៀបធៀបនៃស្រីព្រហ្មចារីដប់នាក់ ] នោះព្រះអម្ចាស់បានមានបន្ទូលថា ‹ ហើយនៅថ្ងៃនោះ ក្នុងកាលដែលយើងនឹងយាងមក ដោយនូវសិរីល្អរបស់យើង នោះពាក្យប្រៀបប្រដូចនឹងត្រូវបានសម្រេច ដែលយើងបានមានបន្ទូលពីស្រីព្រហ្មចារីដប់នាក់ › ( គ និង ស ៤៥:៥៦ ) ។
« ដោយផ្អែកលើជំពូកទី ២៥ នៃគម្ពីរម៉ាថាយ រឿងប្រៀបធៀបនេះផ្ទុយនូវកាលៈទេសៈនៃស្រីព្រហ្មចារីល្ងង់ប្រាំនាក់ និងស្រីព្រហ្មចារីឆ្លាតប្រាំនាក់ ។ ស្រីព្រហ្មចារីទាំងដប់នាក់ត្រូវបានអញ្ជើញឲ្យទៅពិធីរៀបការ ប៉ុន្ដែមានតែស្ត្រីចំនួនពាក់កណ្ដាលប៉ុណ្ណោះត្រូវបានរៀបចំ ដោយមានប្រេងនៅក្នុងចង្កៀង នៅពេលកូនកំលោះបានមក ។ ស្រីព្រហ្មចារីប្រាំនាក់ត្រូវបានរៀបចំឲ្យទៅក្នុងពិធីមង្គលការ ហើយទ្វារបានបិទ ។ ស្រីព្រហ្មចារីប្រាំនាក់នោះ ដែលបានពន្យារពេលការរៀបចំរបស់គេបានមកដល់យឺត ។ ទ្វារបានបិទ ហើយព្រះអម្ចាស់បានបដិសេធពួកគេមិនឲ្យចូលមក ដោយមានបន្ទូលថា « ខ្ញុំប្រាប់នាងរាល់គ្នាជាប្រាកដថា ខ្ញុំមិនស្គាល់នាងទេ » [ម៉ាថាយ ២៥:១២ ] ។ ព្រះអង្គសង្គ្រោះបានបញ្ចប់ថា ‹ ដូច្នេះ ចូរចាំយាមចុះ ដ្បិតអ្នករាល់គ្នាមិនដឹងជាថ្ងៃណា ឬពេលណាដែលកូនមនុស្សត្រូវមកនោះទេ › [ម៉ាថាយ ២៥:១៣ ] ។
« សារលិខិតនៃរឿងប្រៀបធៀបនេះគួរឲ្យព្រឺសម្បុរណាស់ ។ វាស្ដែងឲ្យឃើញថា ស្ត្រីព្រហ្មចារីយទាំងដប់នាក់ តំណាងឲ្យសមាជិកនៃសាសនាចក្ររបស់ព្រះគ្រីស្ទ ដ្បិតសមាជិកទាំងអស់គ្នាត្រូវបានអញ្ជើញឲ្យទទួលភោជនាអាហារ ហើយសមាជិកទាំងអស់គ្នាបានដឹងពីតម្រូវការដើម្បីត្រូវបានអនុញ្ញាតឲ្យចូលទៅ នៅពេលកូនកម្លោះបានមកដល់ ។ ប៉ុន្តែមានតែចំនួនពាក់កណ្ដាលប៉ុណ្ណោះបានត្រៀមខ្លួនជាស្រេច នៅពេលទ្រង់បានមកដល់ » ( ដាល្លិន អេក អូក « Preparation for the Second Coming » Ensign ឬ លីអាហូណា ខែ ឧសភា ឆ្នាំ ២០០៤ ទំព័រ ៨ ) ។
« តើស្រីព្រហ្មចារីឆ្លាតទាំងប្រាំនាក់ចិត្តកំណាញ់ និងមិនចង់ចែកចាយឬ ? ឬក៏ពួកគេកំពុងបង្ហាញយ៉ាងត្រឹមត្រូវថា បេ្រងនៃការប្រែចិត្តជឿមិនអាចខ្ចីបាននោះទេ ? តើកម្លាំងខាងវិញ្ញាណដែលជាលទ្ធផលនៃការគោរពតាមព្រះបញ្ញត្តិដោយខ្ជាប់ខ្ជួនអាចត្រូវបានប្រគល់ដល់មនុស្សផ្សេងទៀតបានឬទេ ? តើចំណេះដឹងដែលទទួលបានតាមរយៈការសិក្សា និងការសញ្ជឹងគិតដោយឧស្សាហ៍លើព្រះគម្ពីរនោះអាចត្រូវបានចែករំលែកដល់អ្នកដែលត្រូវការឬ ? តើសេចក្ដីសុខសាន្ដនៃដំណឹងល្អដែលនាំមកដល់ពួកបរិសុទ្ធថ្ងៃចុងក្រោយដ៏ស្មោះត្រង់ អាចត្រូវបានផ្ទេរទៅឲ្យបុគ្គលម្នាក់ដែលបានជួបនឹងឧបសគ្គ ឬការលំបាកដ៏ខ្លាំងបានឬទេ ? ចម្លើយដ៏ច្បាស់ចំពោះសំណួរទាំងនេះនីមួយៗគឺ ទេ ។
« នៅពេលស្រីព្រហ្មចារីឆ្លាតបានបញ្ជាក់យ៉ាងត្រឹមត្រូវ នោះយើងម្នាក់ៗត្រូវតែ ‹ ទិញសម្រាប់ខ្លួនយើង › ។ ស្ដ្រីដ៏បំផុសទាំងនេះ មិនបានរៀបរាប់ពីការផ្លាស់ប្ដូរពាណិជ្ជកម្មនោះទេ ប៉ុន្ដែគេបានបញ្ជាក់ពីទំនួលខុសត្រូវផ្ទាល់ខ្លួនរបស់យើងក្នុងការរក្សាចង្កៀងនៃទីបន្ទាល់របស់យើង ឲ្យឆេះ និងទទួលបានការផ្គត់ផ្គង់ដ៏ច្រើននៃប្រេងនៃការប្រែចិត្តជឿ ។ ប្រេងដ៏មានតម្លៃនេះត្រូវការមួយតំណក់ម្ដងៗ — ‹ មួយបន្ទាត់ម្ដងៗ [ ហើយ ] មួយសិក្ខាបទម្ដងៗ › ( នីហ្វៃទី ២ ២៨:៣០ ) ប្រកបដោយការអត់ធ្មត់ និងខ្ជាប់ខ្ជួន ។ គ្មានផ្លូវកាត់ទេ គ្មានខ្យល់ចុងក្រោយដើម្បីរៀបចំនោះទេ » ( ដេវីឌ អេ បែតណា « Converted unto the Lord »Ensign ឬ លីអាហូណា ខែវិច្ឆិកា ឆ្នាំ ២០១២ ទំព័រ ១០៩ ) ។
-
តើហេតុអ្វីបានជាយើងប្រញាប់ប្រញាល់ក្នុងការរៀបចំខ្លួនយើងសម្រាប់ការយាងមកជាលើកទីពីររបស់ព្រះគ្រីស្ទ ?
សូមគិតពីការសរសេរប្រយោគមិនពេញលេញខាងក្រោម នៅលើក្ដារខៀន ហើយសូមប្រាប់ឲ្យសិស្សសញ្ជឹងគិត ហើយបន្ទាប់មកសរសេរនូវរបៀបដែលពួកគេនឹងបំពេញវា ៖
ដើម្បីពន្លឿនដល់ការរៀបចំរបស់ខ្ញុំសម្រាប់ការយាងមកលើកទីពីររបស់ព្រះយេស៊ូវគ្រីស្ទ ខ្ញុំនឹង ។
សូមលើកទឹកចិត្តសិស្សឲ្យគិតអំពីរបៀបដ៏ពិសេសនានា ដែលពួកគេអាចជួយដល់គ្រួសារ មិត្តភក្តិ ឬ អ្នកដទៃឲ្យយល់ពីសារៈសំខាន់នៃការរៀបចំសម្រាប់ការត្រឡប់មកវិញរបស់ព្រះយេស៊ូវគ្រីស្ទ ។ សូមលើកទឹកចិត្តសិស្សឲ្យប្ដេជ្ញាចិត្តចំពោះព្រះអម្ចាស់ថា ពួកគេនឹងធ្វើតាមការបំផុសគំនិតនានាដែលពួកគេបានទទួល ។
ការអានរបស់សិស្ស
-
ដាល្លិន អេក អូក « PreparationfortheSecondComing » Ensignឬលីអាហូណាខែ ឧសភា ឆ្នាំ ២០០៤ ទំព័រ ៧–១០ ។