មេរៀនទី ១៨
ព្រះអង្គសង្គ្រោះ បានបម្រើនៅពិភពវិញ្ញាណ
សេចក្ដីផ្ដើម
ដោយនិយាយអំពីព្រះអង្គសង្គ្រោះ ពួកសាវកសម័យទំនើបបានថ្លែងទីបន្ទាល់ ៖ « ព្រះជន្មរបស់ទ្រង់ គឺជាអំណោយទានជំនួសមនុស្សទាំងអស់ ដែលធ្លាប់បានរស់នៅលើផែនដី »(« ព្រះគ្រីស្ទដ៏មានព្រះជន្មរស់ ៖ ទីបន្ទាល់នៃពួកសាវក » Ensignឬ លីអាហូណា ខែ មេសា ឆ្នាំ ២០០០ ទំព័រ ២ ) ។ ដោយសារតែពលិកម្មដ៏ធួនរបស់ព្រះអង្គសង្គ្រោះ និងការបម្រើរបស់ទ្រង់នៅក្នុងពិភពវិញ្ញាណ កូនចៅរបស់ព្រះគ្រប់គ្នា ដែលធ្លាប់បានរស់នៅនៅលើផែនដី នឹងមានឱកាសដើម្បីទទួល ឬបដិសេធដំណឹងល្អ ។ នៅក្នុងមេរៀននេះ សិស្សនឹងរៀនអំពីតួនាទីរបស់ព្រះអង្គសង្គ្រោះនៅក្នុងពិភពវិញ្ញាណ និងអំពិតួនាទីរបស់យើងនៅក្នុងសេចក្ដីសង្គ្រោះរបស់អ្នកស្លាប់ ។
ការអានពីសាវតា
-
ស្ពែនស៊័រ ចេ ខូនឌី « The Savior’s Visit to the Spirit World »Ensign, ខែ កក្កដា ឆ្នាំ ២០០៣ ទំព័រ ៣២–៣៦ ។
-
រីឆាត ជី ស្កត « The Joy of Redeeming the Dead » Ensign ឬ Liahona ខែ វិច្ឆិកា ឆ្នាំ ២០១២ ទំព័រ ៩៣—៩៥ ។
យោបល់សម្រាប់ការបង្រៀន
លូកា ២៣:៣៩–៤៣; គោលលទ្ធិ និងសេចក្ដីសញ្ញា ១៣៨:១១–២៤
ព្រះយេស៊ូវគ្រីស្ទ បានយាងទៅទស្សនាស្ថានឃុំព្រលឹងមនុស្សស្លាប់
សូមគិតពីការបង្ហាញរូបភាពបញ្ចុះព្រះយេស៊ូវ ( សៀវភៅរូបភាពដំណឹងល្អ[ ឆ្នាំ ២០០៩ ], ទំព័រ ៥៨ ;សូមមើលផងដែរLDS.org) ហើយនិងរូបម៉ារ៉ា និងព្រះយេស៊ូវគ្រីស្ទដែលបានមានព្រះជន្មរស់ឡើងវិញ ( សៀវភៅរូបភាពដំណឹងល្អ ទំព័រ ៥៩ ) ។
សូមអញ្ជើញឲ្យសិស្សម្នាក់អានឮៗពីសេចក្ដីថ្លែងការណ៍ខាងក្រោមនេះដោយអែលឌើរ ស្ពែនស៊ើរ ជេ ខនឌី នៃក្រុមចិតសិបនាក់ ៖
« ការពិតនៃការសុគត និងការរស់ឡើងវិញរបស់ព្រះយស៊ូវ ត្រូវបានហៅដោយអស់អ្នកដែលនៅក្នុងនិកាយគ្រីស្ទានថាជាគោលទ្ធិគ្រឹះ ។ ប៉ុន្តែ អ្វីដែលវិញ្ញាណដ៏អមតៈរបស់ព្រះយេស៊ូវបានធ្វើក្រោយពីការសុគតរបស់ទ្រង់ និងមុនពេលការរស់ឡើងវិញរបស់ទ្រង់ គឺជាការណ៍ដ៏អាថ៌កំបាំងមួយចំពោះមនុស្សទាំងអស់ លើកលែងតែពួកបរិសុទ្ធថ្ងៃចុងក្រោយ ។ ហើយសារៈសំខាន់នៃអ្វីដែលទ្រង់បានធ្វើអំឡុងម៉ោងទាំងនោះ ផ្ដល់នូវគ្រឹះនៃគោលលទ្ធិសម្រាប់ការសង់ព្រះវិហារបរិសុទ្ធទូទាំងពិភពលោកនេះ ។ បន្ថែមលើនេះ ទីបន្ទាល់មួយអំពីអ្វីដែលបានធ្វើ អាចលួងលោមចិត្តយ៉ាងខ្លាំងដល់អស់អ្នកដែលទួញយំចំពោះការស្លាប់របស់អ្នកដែលជាទីស្រឡាញ់ម្នាក់ »( « The Savior’s Visit to the Spirit World »Ensign, ខែ កក្កដា ឆ្នាំ ២០០៣ ទំព័រ ៣២ ) ។
ការបញ្ចុះសពរបស់ព្រះគ្រីស្ទ ដោយ ខា ហានរីច ប្លូច ។ ការតាំងពិពណ៌នៃសារមន្ទីរប្រវត្តិសាស្ត្រជាតិនៅវិមាន ហ្វ្រិឌើរីកស្បក នៅ ហីលលើរុត ប្រទេស ដាណឺម៉ាក់ ។ ហាមថតចម្លង
ហេតុអ្វីបានជាអ្នកយំដូច្នេះ ? © ២០១៥ ដោយ ស៊ីម៉ន ដេវៃ. ប្រើប្រាស់ដោយមានការអនុញ្ញាត្តពី AltusFineArtaltusfineart.com
សូមមើលរូបភាព និងសូមសួរសិស្ស ៖
-
តើព្រះយេស៊ូវ បានធ្វើអ្វីខ្លះ នៅចន្លោះពេលនៃការបញ្ចុះសព និងការស់ឡើងិវញរបស់ទ្រង់ ?
ដើម្បីផ្ដល់នូវសាវតាខ្លះសូមប្រាប់ឲ្យសិស្សអាន លូកា ២៣:៣៩–៤១ ។
-
តើព្រះអង្គសង្គ្រោះបានមានព្រះបន្ទូលដូចម្ដេចដល់ជនទុច្ចរិតនៅលើឈើឆ្កាង ? ( សូមបង្ហាញថា ព្យាការី យ៉ូសែប ស្ម៊ីធ បានបង្រៀនថា កាអធិប្បាយដោយកាន់តែជាក់ច្បាស់ត្រឹមត្រូវនៃព្រះបន្ទូលរបស់ព្រះអង្គសង្គ្រោះគឺ « ជំនាន់នេះ អ្នករាល់គ្នាត្រូវនៅនឹងខ្ញុំនៅក្នុងពិភពវិញ្ញាណ » [ នៅក្នុង History of the Church, ៥:៤២៤–២៥ ] ។ ព្រះបន្ទូលរបស់ព្រះអង្គសង្គ្រោះដល់ជនទុច្ចរិត ត្រូវបានយល់ច្រឡំដោយពួកគ្រីស្ទានជាច្រើនដែលទៅជាមានន័យថា មនុស្សម្នាក់អាចប្រែចិត្តបានពីអំពើបាបដ៏ធ្ងន់ធ្ងរ នៅពេលចុងក្រោយបំផុតនៃជីវិតរបស់គេ ។ ទោះជាយ៉ាងណាក៏ដោយ ព្រះគម្ពីរបង្រៀនថា យើងមិនគួរពន្យាពេលការប្រែចិត្តរបស់យើងនោះទេ ។
-
តើពាក្យទាំងនេះប្រលយជាតម្រុយដល់សកម្មភាពរបស់ព្រះអង្គសង្គ្រោះដូចម្តេច កាលដែលព្រះកាយរបស់ទ្រង់ត្រូវបានបញ្ចុះក្នុងផ្នូរ ? ( សូមមើលផងដែរ ពេត្រុសទី ១ ៤:៦ ) ។
សូមប្រាប់សិស្សថា ប្រធាន យ៉ូសែប អេហ្វ ស៊្មីធ បានទទួលវិវរណៈមួយដែលរៀបរាប់អំពីការយាងទៅកាន់ពិភពវិញ្ញាណរបស់ព្រះយេស៊ូវគ្រីស្ទ ។ ដើម្បីជួយសិស្សឲ្យយល់ពីបរិបទនៃវិវរណៈនេះ សូមសង្ខេបផ្នែកនៃសេចក្ដីផ្ដើម និងខគម្ពីរ ១០ ខដំបូងនៃ គោលលទ្ធិ និង សេចក្ដីសញ្ញា ១៣៨ ។ បន្ទាប់មក សូមអញ្ជើញសិស្សបួនប្រាំនាក់ឲ្យឆ្លាស់វេនគ្នាអានឲ្យឮៗមកពីគោលលទ្ធិ និង សេចក្ដីសញ្ញា ១៣៨:១១–១២, ១៥–១៦, ១៨–១៩, ២៣–២៤ ។ សូមពិភាក្សានូវសំណួរខាងក្រោមនេះ ៖
-
យោងតាមការនិមិត្តនេះ តើព្រះអង្គសង្គ្រោះបានធ្វើអ្វីខ្លះ នៅចន្លោះពេលនៃការបញ្ចុះសព និងការរស់ឡើងវិញរបស់ទ្រង់ ? ( សិស្សគួរបរិយាយថា ខណៈពេលដែលព្រះកាយរបស់ទ្រង់នៅក្នុងផ្នូរ នោះព្រះយេស៊ូវបានយាងទៅស្ថានបរមសុខនៅក្នុងពិភពវិញ្ញាណ ) ។
-
ហេតុអ្វីបានជាពួកវិញ្ញាណសុចរិតទាំងនេះបានពោរពេញដោយសេចក្ដីអំណរ និងសេចក្ដីអររីករាយ ? ( នៅពេលសិស្សឆ្លើយតប សូមបញ្ជាក់ពីសេចក្ដីពិតខាងក្រោមនេះ ៖ ស្របតាមផែនការរបស់ព្រះ ពួកអ្នកស្លាប់ដែលបានស្មោះត្រង់នៅក្នុងជីវិតរមែងស្លាប់ អាចត្រូវបានសង្គ្រោះចេញពីសេចក្ដីស្លាប់ បន្ទាប់ពីការរស់ឡើងវិញរបស់ព្រះយេស៊ូវគ្រីស្ទ ។ អ្នកអាចចង្អុលបង្ហាញថា គ្មានអ្នកផ្សព្វផ្សាយសាសនាណាម្នាក់ត្រូវបានបញ្ជូនទៅផ្សាយដំណឹងល្អដល់អស់អ្នកនៅក្នុងពិភពវិញ្ញាណនោះ រហូតដល់ក្រោយពេលនៃការសុគត និងការរស់ឡើងវិញរបស់ព្រះអង្គសង្គ្រោះ [ សូមមើល លូកា ១៦:១៩–៣១; ម៉ូសេ ៧:៣៦–៣៩ ] ) ។
គោលលទ្ធិ និង សេចក្ដីសញ្ញា ១៣៨:២០-៣៧
កូនចៅរបស់ព្រះទាំងអស់នឹងមានឱកាសដើម្បីឮដំណឹងល្អ
សូមអញ្ជើញសិស្សឲ្យអានគោលលទ្ធិ និង សេចក្ដីសញ្ញា ១៣៨:២០–២១, ២៥–២៨ដោយស្ងៀមស្ងាត់ ហើយរកមើលសំណួរដែលប្រធាន ស្ម៊ីធ បានសញ្ជឹងគិត ។ ( កំណត់ចំណាំ ៖ ដើម្បីជួយសិស្សឲ្យឃើញពីសារៈសំខាន់នៃការសួរសំណួរល្អ និងការស្វែងរកចម្លើយ នៅពេលពួកគេសិក្សាព្រះគម្ពីរ សូមចង្អុលបង្ហាញថា វិវរណៈជាច្រើន ដែលបានកត់ត្រានៅក្នុងព្រះគម្ពីរត្រូវបានប្រទានជាលទ្ធផលនៃសំណួរដ៏ស្មោះត្រង់ចេញពីចិត្ត ) ។ ក្រោយពីសិស្សឆ្លើយហើយ សូមប្រាប់ឲ្យពួកគេអាន គោលទ្ធិ និងសេចក្ដីសញ្ញា ១៣៨:២៩–៣០ ដោយរកមើលរបៀបដែលពួកវិញ្ញាណទាំងឡាយនៅក្នុងគុកនឹងស្ដាប់ឮដំណឹងល្អ ។ សូមសួរ ៖
-
តើព្រះអង្គសង្គ្រោះបានមានព្រះបន្ទូលដូចម្ដេចដល់ជនទុច្ចរិតនៅលើឈើឆ្កាង ? ( សូមប្រាកដថា សិស្សរកឃើញនូវគោលការណ៍ដូចខាងក្រោមនេះ ៖ ខណៈដែលនៅក្នុងពិភពវិញ្ញាណ នោះព្រះយេស៊ូវបានរៀបចំកិច្ចការនៃសេចក្ដីសង្គ្រោះសម្រាប់អ្នកស្លាប់ទៅហើយ ) ។
សូមរៀបចំសិស្សជាគូ ។ សូមប្រាប់ឲ្យសិស្សសិក្សាគោលលទ្ធិ និង សេចក្ដីសញ្ញា ១៣៨:៣០–៣៧ ហើយពិភាក្សាពីសារៈសំខាន់នៃពាក្យ ទាំងអស់ អស់ទាំង ដូចដែលបានប្រើនៅក្នុង ខគម្ពីរទី ៣០, ៣១ និង ៣៧ ។ ក្រោយពីទុកពេលគ្រប់គ្រាន់ហើយ សូមសួរ ៖
-
តើព្រះបំណងនៃការបម្រើរបស់ព្រះអង្គសង្គ្រោះនៅក្នុងពិភពវិញ្ញាណ គឺជាអ្វី ? ( សិស្សគួរអាចបញ្ជាក់នូវសេចក្ដីពិតខាងក្រោមនេះ ៖ ព្រះអង្គសង្គ្រោះបានប្រទាននូវរបៀបមួយសម្រាប់កូនចៅរបស់ព្រះទាំងអស់ដើម្បីស្ដាប់ឮដំណឹងល្អ និងទទួលបាននូវភាពពេញលេញនៃសេចក្ដីអំណរ ) ។
-
តើហេតុអ្វីបានជាដំណឹងល្អត្រូវតែបានផ្សាយទៅដល់កូនចៅព្រះទាំងអស់ ? ( សូមមើល គ. និង ស. ១៣៨:៣៣–៣៤ ពេត្រុសទី ១ ៣:១៨–២០ ។ )
-
តើការណ៍នេះ បង្រៀនយើងអ្វីខ្លះអំពីឥទ្ធិពលនៃការធ្វើធ្វើឲ្យធួនរបស់ព្រះយេស៊ូវគ្រីស្ទ ? ( ឥទ្ធិពលនៃដង្វាយធួនឈានទៅដល់ក្នុងពិភពវិញ្ញាណ ) ។
សូមគិតពីការចែកចាយសេចក្ដីថ្លែងការណ៍ខាងក្រោមដោយប្រធាន យ៉ូសែប ហ៉្វីលឌីង ស៊្មីធ ( ១៨៧៦–១៩៧២ ) ៖
« ចុះតើចំពោះមនុស្សជាច្រើនឥតគណនា ដែលបានស្លាប់ទៅ ហើយមិនដែលបានឮអំពីព្រះគ្រីស្ទ មិនដែលបានមានឱកាសប្រែចិត្ត និងផ្ដាច់អំពើបាបរបស់ពួកគេ មិនបានជួបអែលឌើរម្នាក់ពីសាសនាចក្រ ដែលកាន់សិទ្ធិអំណាចវិញនោះ ? អ្នកជិតខាងគ្រីស្ទានល្អរបស់យើងខ្លះនឹងប្រាប់អ្នកថា ពួកគេនឹងបាត់បង់ជារៀងរហូតទៅ ។ …
« តើវាយុត្តិធម៌ទេ ? តើវាសមទេ ? ទេ ! ព្រះអម្ចាស់នឹងប្រទានដល់មនុស្សគ្រប់រូបនូវឱកាស ដើម្បីឮ និងទទួលបានជីវិតដ៏នៅអស់កល្បជានិច្ច ឬកន្លែងមួយនៅក្នុងនគររបស់ទ្រង់ » ( Doctrines of Salvation, ការបោះពុម្ព ប្រ៊ូស អ័រ ម៉ាក់ខន់ឃី វ៉ុល ៣ [ ឆ្នាំ ១៩៥៤–៥៦ ] ២:១៣២ ) ។
-
ហេតុអ្វីបានជាសេចក្ដីពិតអំពីពិភពវិញ្ញាណទាំងនេះសំខាន់ចំពោះយើង ? តើមានភាពខុសប្លែកគ្នាយ៉ាងណា ចំពោះមនុស្សម្នាក់ ប្រសិនបើគេដឹងពីសេចក្ដីពិតទាំងនេះទាក់ទងនឹងពិភពវិញ្ញាណឬអត់នោះ ?
-
តើចំណេះដឹងអំពីការបម្រើរបស់ព្រះអង្គសង្គ្រោះនៅក្នុងពិភពវិញ្ញាណអាចក្លាយជាការលួងលោមមួយដល់អ្នកដោយរបៀបណា ?
យើងអាចជួយផ្ដល់នូវសេចក្ដីសង្គ្រោះសម្រាប់មរណជន
សូមផ្ដល់ដល់សិស្សម្នាក់ៗនូវសេចក្តីចំឡងនៃក្រដាសដែលអមមកជាមួយមួយច្បាប់ « កិច្ចការនៅក្នុងថ្ងៃចុងក្រោយសម្រាប់មរណជន » ។ សូមបែងចែកសិស្សទាំងឡាយជាក្រុមតូចៗ ឬជាដៃគូ ។ សូមអញ្ជើញពួកគេឲ្យអានសេចក្ដីថ្លែងការណ៍ដែលនៅលើក្រដាសសម្រាប់ចែកចាយ ដោយរកមើល និងពិភាក្សាពីពរជ័យដែលបានសន្យាទុកដល់អស់អ្នកដែលនឹងចូលរូមនៅក្នុងកិច្ចការនៃការប្រោសលោះដល់មរណជន ។
ក្រោយពីទុកពេលគ្រប់គ្រាន់ហើយ សូមសួរសំណួរដូចខាងក្រោម ៖
-
តើការចូលរួមរបស់យើងនៅក្នុងព្រះវិហារបរិសុទ្ធ និងកិច្ចការពង្សប្រវត្តិជួយដល់អស់អ្នកដែលបានស្លាប់ទៅ ឲ្យបានមានសិទ្ធិទទួលបានពរជ័យដែលមកតាមរយៈពលិកម្មធ្វើឲ្យធួនរបស់ព្រះយេស៊ូវគ្រីស្ទដោយរបៀបណា ?
-
តើការចូលរួមនៅក្នុងពិធីបរិសុទ្ធជំនួសនានាសម្រាប់មរណជន ជួយយើងឲ្យក្លាយកាន់តែដូចព្រះអង្គសង្គ្រោះដោយរបៀបណា ? ( នៅពេលសិស្សឆ្លើយ សូមបញ្ជាក់ពីគោលការណ៍ដូចខាងក្រោមនេះ ៖ នៅពេលយើងចូលរួមនៅក្នុងពិធីបរិសុទ្ធនៃព្រះវិហារបរិសុទ្ធសម្រាប់មរណជនដែលជាញាតិសន្តានរបស់យើង នោះយើងនឹងជួយផ្ដល់នូវសេចក្ដីសង្គ្រោះដល់ពួកគាត់ ហើយយើងត្រូវបានពង្រឹងកាន់តែខ្លាំងប្រឆាំងនឹងឧបសគ្គ ) ។
សូមគិតពីការចែកចាយនូវការពន្យល់ខាងក្រោមនេះដោយប្រធាន ហ្គរដុន ប៊ី ហ៊ិងគ្លី ( ១៩១០–២០០៨ ) អំពីរបៀបដែលកិច្ចការជំនួសសម្រាប់មរណជននេះ ស្របនឹងកិច្ចការប្រោសលោះរបស់ព្រះអង្គសង្គ្រោះ ៖
« អ្វីដែលនឹងចូលទៅក្នុងព្រះដំណាក់នៃព្រះអម្ចាស់ … មកកាន់តែជិតទៅវិញ្ញាណនៃពលិកម្មរបស់ព្រះអម្ចាស់ ជាងសកម្មភាពផ្សេងទៀតនានាដែលខ្ញុំស្គាល់ ។ ហេតុអ្វី ? ដោយសារវាត្រូវបានធ្វើឡើងដោយអស់អ្នកដែលផ្ដល់ពេលវេលា និងធាតុផ្សំដោយឥតគិតថ្លៃ ដោយគ្មានរំពឹងគិតចង់បានការអរគុណ ឬរង្វាន់តបវិញ ដើម្បីធ្វើការណ៍នេះសម្រាប់អ្នកដទៃ ដែលពួកគេមិនអាចធ្វើសម្រាប់ខ្លួនគេបាន » ( « A Century of Family History Service »Ensign, ខែ មីនា ឆ្នាំ ១៩៩៥ ទំព័រ ៦២–៦៣ ; សូមមើលផងដែរ អូបាឌា ១:២១ ) ។
សូមអញ្ជើញឲ្យសិស្សមើលទៅសេចក្ដីថ្លែងការណ៍នៅលើក្រដាស ហើយសូមសួរ ៖
-
តើនៅពេលណាដែលអ្នកបានឃើញ ឬមានអារម្មណ៍ពីពរជ័យមួយដែលបានសន្យាដល់អស់អ្នកដែលចូលរួមនៅក្នុងកិច្ចការនៃការប្រោសលោះពួកអ្នកស្លាប់ ?
សូមអញ្ជើញឲ្យសិស្សពិចារណាពីសំណួរខាងក្រោមដោយស្ងៀមស្ងាត់ ៖
-
តើការសន្យាទាំងនេះមួយណាដែលអ្នកចង់បាននៅក្នុងជីវិតរបស់អ្នកនាពេលនេះ ហើយតើអ្វីដែលអ្នកមានឆន្ទៈចង់ធ្វើដើម្បីទទួលពរជ័យនោះ ?
សូមតាំងចិត្តសិស្សឲ្យទៅជួបនឹងទីប្រឹក្សាពង្សប្រវត្តិប្រចាំវួដរបស់ពួកគេ ហើយរៀនបន្ថែមទៀតអំពីរបៀបដើម្បីធ្វើកិច្ចការសម្រាប់បុព្វជនដែលបានស្លាប់ទៅរបស់ពួកគេ ។ សូមអានឮ គោលលទ្ធិ និងសេចក្ដីសញ្ញា ១២៨:២២ ហើយសូមថ្លែងទីបន្ទាល់អំពីការបម្រើដ៏អស់កល្បរបស់ព្រះយេស៊ូវគ្រីស្ទ និងកិច្ចការដ៏ពិសិដ្ឋសម្រាប់មរណជនដែលលត្រូវបានតែងតាំងពីមុនការបង្កបង្កើតផែនដីមក ។
ការអានរបស់សិស្ស
-
លូកា ២៣:៣៩–៤៣; ពេត្រុសទី ១ ៣:១៨–២០; ៤:៦; គោលលទ្ធិ និង សេចក្ដីសញ្ញា ១២៨:១៥, ២២; ១៣៨:១–៣៧ ។
-
ស្ពែនស៊័រ ចេ ខូនឌី « The Savior’s Visit to the Spirit World »Ensign, ខែ កក្កដា ឆ្នាំ ២០០៣ ទំព័រ ៣២–៣៦ ។
កិច្ចការនៅក្នុងថ្ងៃចុងក្រោយសម្រាប់មរណជន
អែលឌើរ ចន អេ វីឌសូ ( ១៨៧២–១៩៥២ ) ក្នុងកូរ៉ុមនៃពួកសាវកដប់ពីរនាក់ បានបង្រៀននូវទំនាក់ទំនងខាងក្រោមនេះអំពីបេសកកម្មដែលត្រូវបានតែងតាំងពីមុនកំណើតលោកិយមកដើម្បីជួយសង្រ្គោះដល់បុត្រា និងបុត្រីរបស់ព្រះ ៖
« នៅក្នុងស្ថានភាពពីមុនកំណើតលោកិយរបស់យើង នៅក្នុងជំនាន់នៃការប្រឹក្សាដ៏អស្ចារ្យ យើងបានធ្វើកិច្ចព្រមព្រៀងមួយជាមួយនឹងព្រះដ៏មានព្រះចេស្ដា ។ ព្រះអម្ចាស់បានដាក់ស្នើនូវផែនការមួយ ដែលត្រូវបានផ្ដើមឡើងដោយទ្រង់ ។ យើងបានយល់ព្រម ។ ដោយសារផែនការនេះមានបំណងជួយដល់មនុស្សទាំងអស់ នោះយើងក្លាយទៅជាភាគីចំពោះសេចក្ដីសង្គ្រោះដល់បុគ្គលគ្រប់រូបនៅក្នុងផែនការនោះ ។ យើងបានយល់ព្រម គឺនៅពេលនោះ និងនៅទីនោះ ដែលវាមិនគ្រាន់តែជាព្រះសង្គ្រោះសម្រាប់ខ្លួនយើងនោះទេ ប៉ុន្ដែ…ជាព្រះសង្គ្រោះសម្រាប់គ្រួសារមនុស្សទាំងមូលផងដែរ ។ យើងបានចូលរួមជាដៃគូមួយរបស់ព្រះអម្ចាស់ ។ ពេលនោះ ដំណោះស្រាយចំពោះផែនការនេះមិនមែនគ្រាន់តែជាកិច្ចការរបស់ព្រះវរបិតាតែម្នាក់ និងជាកិច្ចការរបស់ព្រះអង្គសង្គ្រោះប៉ុណ្ណោះទេ ប៉ុន្ដែវាក៏ជាកិច្ចការរបស់យើងផងដែរ ។ យើងរាល់គ្នាដ៏តូចជាងគេបំផុត បន្ទាបខ្លួនជាងគេបំផុត ស្ថិតនៅក្នុងការចូលរួមជាដៃគូជាមួយនឹងព្រះដ៏មានព្រះចេស្ដា ដើម្បីសម្រេចឲ្យបាននូវព្រះបំណងនៃផែនការដ៏អស់កល្បជានិច្ចនៃសេចក្ដីសង្គ្រោះ ( « The Worth of Souls » Utah Genealogical and Historical Magazine, ខែ តុលា ឆ្នាំ ១៩៣៤ ទំព័រ ១៨៩ ) » ( នៅក្នុង Doctrine and Covenants and Church History: Gospel Doctrine Teacher’s Manual [ ឆ្នាំ ១៩៩៩ ], ទំព័រ ១៧៣ ) ។
អែលឌើរ រីឆាដ ជី ស្កត នៃកូរ៉ុមនៃពួកសាវកដប់ពីរនាក់ បានលើកទឹកចិត្តដល់យុវជននៃសាសនាចក្រឲ្យធ្វើកិច្ចការព្រះវិហារបរិសុទ្ធសម្រាប់ដូនតារបស់ពួកគេផ្ទាល់ ៖
« កិច្ចការអ្វីដែលអ្នកធ្វើនៅក្នុងព្រះវិហារបរិសុទ្ធ គឺជាពេលដែលចំណាយបានល្អ ប៉ុន្ដែការទទួលពិធីបរិសុទ្ធ ជំនួសជីដូនជីតាផ្ទាល់ខ្លួនរបស់អ្នក នឹងធ្វើឲ្យពេលវេលាក្នុងព្រះវិហារបរិសុទ្ធកាន់តែពិសិដ្ឋ ហើយថែមទាំងទទួលបាន ពរជ័យកាន់តែអស្ចារ្យទៀតផង ។ …
« តើមនុស្សវ័យក្មេងដូចជាអ្នក ចង់បានវិធីដ៏ប្រាកដមួយ ដើម្បីលុបបំបាត់ឥទ្ធិពលរបស់មារសត្រូវមានក្នុងជីវិតរបស់អ្នកឬទេ? សូមអ្នកចុះប្រឡូកក្នុងការស្រាវជ្រាវរកជីដូនជីតាអ្នក រៀបចំឈ្មោះរបស់ពួកគាត់សម្រាប់ពិធីបរិសុទ្ធជំនួសដ៏ពិសិដ្ឋដែលមាននៅក្នុងព្រះវិហារបរិសុទ្ធ រួចហើយទៅព្រះវិហារបរិសុទ្ធ ដើម្បីឈរជាអ្នកទទួលពិធីបរិសុទ្ធនៃពិធីបុណ្យជ្រមុជទឹក និងអំណោយទាននៃព្រះវិញ្ញាណបរិសុទ្ធជំនួសពួកគាត់ ។ … ខ្ញុំគិតមិនឃើញនូវកិច្ចការពារដ៏កាន់តែធំសម្បើមពីឥទ្ធិពលរបស់មារសត្រូវក្នុងជីវិតរបស់អ្នកនោះឡើយ » ( « The Joy of Redeeming the Dead » Ensign ឬ លីអាហូណា ខែ វិច្ឆិកា ឆ្នាំ ២០១២ ទំព័រ ៩៣–៩៤ ) ។
អែលឌើរ ដាវីឌ អេ បែដណា នៃកូរ៉ុមនៃពួកសាវកដប់ពីរនាក់ បានធ្វើការអញ្ជើញដូចខាងក្រោមនេះ និងបានសន្យា ៖
« ខ្ញុំសូមអញ្ជើញយុវវ័យនៃសាសនាចក្រឲ្យរៀន និងទទួលបានបទពិសោធន៍នៃវិញ្ញាណនៃអេលីយ៉ា ។ ខ្ញុំសូមលើកទឹកចិត្តអ្នកឲ្យសិក្សា ស្វែងរកជីដូនជីតារបស់អ្នក ហើយត្រៀមខ្លួនរបស់អ្នកដើម្បី ធ្វើបុណ្យជ្រមុជទឹកជំនួសនៅក្នុងព្រះដំណាក់នៃព្រះអម្ចាស់ សម្រាប់ញាតិសន្តានដែលស្លាប់របស់អ្នក ( សូមមើល គ និង ស ១២៤:២៨–៣៦ ) ។ ហើយខ្ញុំសូមជម្រុញឲ្យអ្នកជួយអ្នកដទៃឲ្យរកមើលពង្សប្រវិត្តរបស់ពួកគេ ។
« នៅពេលអ្នកឆ្លើយតបដោយសេចក្ដីជំនឿតាមការអញ្ជើញនេះ ដួងចិត្តរបស់អ្នកនឹងបែរទៅរកឪពុក ។ សេចក្ដីសន្យាទាំងឡាយដែលបានធ្វើឡើងជាមួយនឹងអ័ប្រាហាំ អ៊ីសាក និងយ៉ាកុប នឹងត្រូវបានបណ្ដុះនៅក្នុងដួងចិត្តរបស់អ្នក ។ ពរជ័យអយ្យកោរបស់អ្នក ជាមួយនឹងសេចក្ដីប្រកាសរបស់វាអំពីខ្សែស្រឡាយ នឹងភ្ជាប់អ្នកទៅនឹងអយ្យកោទាំងនេះ និងមានន័យកាន់តែខ្លាំងដល់អ្នក ។ សេចក្ដីស្រឡាញ់របស់អ្នក និងការដឹងគុណចំពោះដូនតារបស់អ្នកនឹងកើនឡើង ។ ទីបន្ទាល់របស់អ្នក និងការប្រែចិត្តទៅរកព្រះអង្គសង្គ្រោះនឹងមានកាន់តែជ្រាលជ្រៅ និងមាំមួន ។ ហើយខ្ញុំសូមសន្យាដល់អ្នកថា អ្នកនឹងត្រូវបានការពារប្រឆាំងនឹងឥទ្ធិពលដ៏ខ្លាំងនៃឧបសគ្គនានា ។ នៅពេលអ្នកប្រឡូក ហើយស្រឡាញ់កិច្ចការដ៏បរិសុទ្ធនេះ នោះអ្នកនឹងមានសុវត្ថិភាពនៅក្នុងយុវវ័យ និងពេញមួយជីវិតរបស់អ្នក » ( « The Hearts of the Children Shall Turn »Ensign ឬ លីអាហូណា ខែ វិច្ឆិកា ឆ្នាំ ២០១១ ទំព័រ ២៦–២៧ ) ។