ሚያዝያ 1836 (እ.አ.አ)

ጆሴፍ እና ኦሊቨር የክህነት ቁልፎችን ተቀበሉ

ኢየሱስ ክርስቶስ እና መላእክት የከርትላንድ ቤተመቅደስን ጎበኙ

የከርትላንድ ቤተመቅደስ ከተመረቀ ከአንድ ሳምንት በኋላ፣ በሺህ የሚቆጠሩ ቅዱሳን አዳኙን ለማምለክ በቤተመቅደስ ተሰበሰቡ። እለቱም የፋሲካ እሁድ ነበር። ጆሴፍ ስሚዝ፣ ኦሊቨር ካውድሪ፣ እና አስራ ሁለቱ ሃዋርያት ቅዱስ ቁርባንን ለቅዱሳን ሰጡ።

ትምህርት እና ቃል ኪዳኖች 110፤ የክፍል መግቢያ፤ ቅዱሳን፣ 1፥239

ከቅዱስ ቁርባን በኋላ፣ ጆሴፍ እና ኦሊቨር በቤተመቅደሱ ውስጥ፣ ከመጋረጃው በስተጀርባ ለመጸለይ ጸጥ ያለ ስፍራን አገኙ።

ትምህርት እና ቃል ኪዳኖች 110፤ የክፍል መግቢያ፤ ቅዱሳን፣ 1፥239

ጸሎታቸውን እንደጨረሱ፣ ወደላይ ተመለከቱ። ኢየሱስ ክርስቶስ በፊታቸው ቆሞ ነበር። ቅዱሳን ቤተመቅደስን ለመስራት ጠንክረው እንደሰሩ አውቋል። ‘’ይህን ቤት ተቀብዬዋለሁ’’ በማለት ተናገረ። ኢየሱስ ለጆሴፍ እና ለኦሊቨር የቤተመቅደሱ በረከቶች ለብዙ ህዝብ ታላቅ ሃሴትን እንደሚያመጣ ተናገረ።

ትምህርት እና ቃል ኪዳኖች 110፥1–10

ኢየሱስ ከተሰወረ በኋላ፣ የብሉይ ኪዳን ነቢይ የነበረው ሙሴ ለጆሴፍ እና ለኦሊቨር ተገለጠ። እርሱም የእስራኤልን መሰባሰብ የክህነት ቁልፍ ስጣቸው። ይህም ማለት የወንጌል ማካፈልን ስራ መምራት ይችላሉ ማለት ነው። ሰዎችን ወደ አዳኙ ቤተክርስቲያን ለማምጣት ወደ ዓለም ሁሉ ሚሲዮናውያንን መላክ ይችላሉ።

ትምህርት እና ቃል ኪዳኖች 110፥11

ቀጥሎም፣ ነቢዩ ኤልያ ተገለጠ። እርሱ ለጆሴፍ እና ለኦሊቨር የአብርሐም ቃል ኪዳንን ለመመለስ ቁልፎችን ሰጣቸው። ይህ ማለት አብርሃም የተቀበለውን ያንኑ ቃል ኪዳን ቅዱሳን መቀበል ይችላሉ ማለት ነው። እነርሱም ወንጌልን እና የእግዚአብሔርን በረከቶች ለሚመጡት አያሌ ዓመታት በየስፍራው ላሉ ሰዎች ለመስጠት ሃይል ይኖራቸዋል ማለት ነው።

ትምህርት እና ቃል ኪዳኖች 110፥12

በመጨረሻም፣ ነቢዩ ኤሊያስ ተገልጧል። እርሱ ለጆሴፍ እና ለኦሊቨር ቤተሰቦችን ለማተም፣ ወይም ለማጣመር የክህነት ቁልፎችን ሰጣቸው። ቅዱሳን በቤተመቅደሶች ውስጥ የሚያከናውኗቸው ስራዎች በሰማይ ተቀባይነትን ያገኛሉ። አሁን ቤተክርስቲያኗ የአዳኙን ስራ ለመስራት እና እርሱ ዳግም ወደ ምድር ለሚመጣበት ለመዘጋጀት ሃይል አላት።

ትምህርት እና ቃል ኪዳኖች 110፥13–16