Հետևել Մարգարեներին և Առաքյալներին

Ջեննա Կոֆորդ

Աստված կանչում է մարգարեներ և առաքյալներ, որպեսզի ուսուցանեն մեզ այն, ինչ Աստված ցանկանում է, որ մենք իմանանք։ Սուրբ գրություններում մենք կարող ենք կարդալ մարգարեների մասին, ինչպես օրինակ՝ Նոյի, Նեփիի և Ջոզեֆ Սմիթի մասին, և առաքյալների մասին, ինչպես օրինակ՝ Պետրոսի և Պողոսի մասին։ Այսօր մենք ունենք մարգարեներ և առաքյալներ։

Ի՞նչ է նշանակում «մարգարե, տեսանող և հայտնող»։

Մարգարեն խոսում է Աստծո փոխարեն։

Տեսանողը կարող է տեսնել անցյալը, ներկան և ապագան։

Հայտնողը հայտնում (կամ ցույց է տալիս) մեզ Աստծո կամքը։

Առաջին Նախագահության բոլոր անդամները մարգարեներ, տեսանողներ և հայտնողներ են, ինչպես նաև բոլոր Առաքյալները։
Միայն Եկեղեցու Նախագահն է լիազորված Աստծո կողմից առաջնորդելու ողջ Եկեղեցին։
Ընդամենը քանի՞ ապրող մարգարեներ, տեսանողներ և հայտնողներ մենք ունենք։

12 15 3 1

Պատասխան․ 15

Ինչո՞ւ է կարևոր մարգարեին հետևելը:

Մարգարեն նման է մեկին, ով դիտում է աշտարակից (տես նաև էջ 38)։ Նա կարող է տեսնել մոտեցող վտանգը և ասել է մեզ, թե ինչպես ապահով լինենք։ Նա օգնում է մեզ հետևել Հիսուս Քրիստոսին:

Ի՞նչ է մեզ խնդրել անել մեր մարգարեն:

Այսօր մեր մարգարեն Նախագահ Թոմաս Ս. Մոնսոնն է։ Ահա մի քանի բաներ, որ նա խնդրել է մեզ անել։

Հետևեք Հիսուսի օրինակին և սիրեք բոլորին։
Վճարեք տասանորդ և նվիրաբերություն կատարեք միսիոներական ֆոնդին։
Հեռու մնացեք վատ ֆիլմերից, հեռուստատեսային ծրագրերից և այլ լրատվամիջոցներից։
Տաճարի նկար փակցրեք յուրաքանչյուր ննջարանում։
Ուսումնասիրեք գերագույն համաժողովի ելույթները։
Այցելեք ծերերին և եղեք լավ հարևան։

Ցանկից ընտրեք մի բան, որը կարող եք անել այս ամիս։ Ի՞նչ եք պատրաստվում անել: