Fanga Kiʻi Meʻa Iiki mo Faingofua

2010

ʻEpeleli 2010

Fanga Kiʻi Meʻa Iiki & Faingofua

“ ʻOku fakahoko ʻe he fanga kiʻi meʻa iiki mo faingofuá ʻa e ngaahi fuʻu meʻa lalahi” (ʻAlamā 37:6).

Ko Hono Fakakau ʻa e Tokotaha Kotoa Pē ʻi he Efiafi Fakafāmili ʻi ʻApí

Fakaafeʻi ʻa e mēmipa takitaha ʻo e fāmilí ke nau fakahoko ha foʻi fatongia.
Palani ʻi he faʻa lotu ha ngaahi lēsoni mo ha ngaahi ʻekitivitī ʻe kau kotoa ai e fāmilí.
Tuku ke vahevahe ʻe he fānaú ʻa e ngaahi meʻa ʻoku nau ako ʻi he Palaimelí. ʻE lava pē ke hoko ko ha foʻi hiva, potufolofola, pe vaʻinga ʻokú ne akoʻi ha foʻi tefitoʻi moʻoni.
Kole ki he kau mēmipa ʻo e fāmilí ke nau fokotuʻu mai ha ngaahi kaveinga ki he ngaahi lēsoni fakafāmili ka hoko maí. Hiki ʻi ha lisi; pea fakahoko e ngaahi kaveingá ʻi hono taimi.
ʻOua ʻe fakamālohiʻi e kau mēmipa ʻo e fāmilí ke nau kau [ʻi he polokalamá]. Feinga ke ngaohi ha faʻahinga ʻātakai ʻoku talitali fiefia e fāmilí ʻa ia ʻe lava ke vahevahe ai ha ngaahi fakakaukau mo ha ngaahi fokotuʻu.

ʻI he ngaahi Liahona ka hoko maí, fakasio ai ha ngaahi fakakaukau efiafi fakafāmili ʻi ʻapi maʻá e kau mēmipa kei taautahá mo e ngaahi fāmili ʻoku ʻikai ke ʻi ai haʻanau fānaú.

Fakamatala Fakamataʻifika ʻo e Ngaahi Temipalé

130: ngaahi temipale ʻoku ngāué.
: ngaahi temipale kuo fanongonongo pe ʻoku lolotonga langa.
1: kolo ʻi he māmaní ʻoku ʻi ai ha temipale ʻe ua ʻi hono ʻēliá, Soatani Saute, ʻIutā. Naʻe pehē ʻa Palesiteni Kōtoni B. Hingikelī ʻi heʻene fanongonongo ʻa e Temipale Moʻunga ʻOkuila ʻIutā ʻi ʻOkatopa ʻo e 2005, ko e temipale ia hono fā ʻi he Teleʻa Sōleki Sití, “Mahalo kuo mou fehuʻi pe ko e hā e ʻuhinga ʻoku lahi ai e ngaahi temipale ʻoku langa ʻi ʻIutaá. Ko hono ʻuhingá ke feau ʻa e lahi ʻo e ngaahi ngāue fakatemipale ʻoku fakahokó.”¹
34: ngaahi temipale ne fakatapui ʻi he taʻu 2000, ko e fika lahi taha kuo fakatapui ʻi ha taʻu pē ʻe taha.
85: ko e lahi ʻo e ngaahi temipale ne fakatapui ʻe Palesiteni Hingikelī lolotonga ʻene moʻuí, ko e lahi taha ʻi ha toe ʻAposetolo ʻi he kuonga fakakosipeli ko ʻení. Ne toe fakahoko pē foki ʻe Palesiteni Hingikelī ‘a hono toe fakatapui ‘o ha temipale ‘e 10 naʻe fakalelei’i.
685,000: tokolahi ʻo e kakai naʻa nau kau atu ki he ʻoupeni hausi ʻa e Temipale Tuleipa ʻIutaá. Naʻe fakatapui ʻa e temipalé ʻi Māʻasi 2009.
6,800: sikuea fute (sikuea mita ʻe 682) ʻi he Temipale Kolonia Hualesi Siuāuā Mekisikoú, ko e temipale siʻisiʻi taha ʻi he Siasí.
331,032: sikuea fute (sikuea mita ʻe 30,754) ʻi he Temipale Solekí, ko e temipale lahi taha ia ʻi he Siasí.
169: ngaahi siteiki mo e ngaahi vahefonua kuo vahe ki he Vāhenga Fakatemipale ʻo e Temipale Manila Filipainí, ʻo ngāue ʻaki ʻe ha ngaahi uooti mo e ngaahi kolo ʻo lahi ange ʻi ha toe vāhenga fakatemipale ʻo e Siasí.

ʻOlunga ʻi toʻohemá: tā fakatātaaʻi ʻo e Temipale Manila Filipainí naʻe fai ʻe Robert T. Barrett; ʻi lalo ʻi toʻohemá: faitā ʻa Matthew Reier; toʻomataʻú: laʻitā © Corbis