Ko ʻEtau Pēsí
Taimi ʻe niʻihi ʻoku ou ongoʻi hangē ʻoku ʻi ai e meʻa ia ʻoku ʻikai mahino kiate au fekauʻaki mo e Siasí pe ko ʻeku ongoʻi ʻoku ʻikai feʻunga ʻeku tui ki ha faʻahinga meʻa. Ko e taimi pē ʻoku ou maʻu ai ʻa e ongo ko ʻení, ʻoku ou lotu ʻo kole tokoni ki he Tamai Hēvaní. ʻOku meimei ke u maʻu maʻu pē ha tali. ʻOku ou ongoʻi ʻa e māfana mo malu, peá u ongoʻi moʻoni ʻoku fanongo mai ʻa e ʻOtuá ki heʻeku ngaahi lotú mo ʻofa lahi ʻaupito ʻiate au. ʻOku tokoni e ngaahi meʻa ko ʻeni ʻoku hokó ki heʻeku fakamoʻoní mo tupulaki ai ʻeku ʻofa ki he ʻOtuá.
ʻOku ou ʻilo ko e ʻOtuá ko ʻetau Tamaí pea ʻokú Ne ʻofa lahi ʻiate kitautolu takitaha. ʻOkú ne fanongo mai ki heʻetau ngaahi palopalemá pea fekauʻi mai ʻa e Laumālie Māʻoniʻoní ke fakafiemālieʻi kitautolu. ʻOku ou ʻilo ʻokú Ne fanongo mai ki heʻetau ngaahi lotú pea fiefia ʻi he taimi ʻoku tau angamāʻoniʻoni aí. ʻOku ou fonu ʻi he fiefia heʻeku ʻiloʻi ʻoku ʻofa ʻa e ʻOtuá ʻiate aú mo ʻeku hoko ko e mēmipa ʻo e Siasí. ʻOku ou ʻilo ko Hono ʻAló ʻa Sīsū Kalaisi pea mo hotau Fakamoʻui.
Tevenī R., taʻu 11, Suisalani
Kālosi D., taʻu 8, Palāsila
Vieti Mini Tulai P., taʻu 10, Kemipōtia
Ko ha tamasiʻi fiefia mo loto-toʻa ʻa Taniela K., taʻu 7, mei Tenimaʻaké. ʻOkú ne manako ke tokoni ʻi he ngoueʻangá. ʻOkú ne saiʻia foki ke tokoni he feimeʻakaí—fakatautefito ki hono lolaʻi e tou ke ngaohi ʻaki e pisá. ʻOkú ne ngāue mālohi ʻi ʻapiako mo manako he soká, kaukau tahí, mo e kaka he ʻulu ʻakaú. ʻOkú ne saiʻia ke tokoni ʻi he tafu afí ʻi he ngaahi ʻekitivitī ʻa e Sikautí. ʻOkú ne saiʻia he ngaahi talanoa kau kia Siosefa Sāmita mo Sīsuú he lotú, pea ʻoku manako hono hivaʻi ʻo e “Fili ʻa e Totonú.”