Taimi Feʻinasiʻakí
Naʻe Toe Fakafoki Mai ʻe Sīsū Kalaisi ʻa e Kakato ʻo e Ongoongoleleí ʻia Siosefa Sāmita
Fakakaukau angé ki ha ipu sioʻata ʻoku fonu he vai maʻá. Kapau te tau tau he ipú, ʻe ʻi ai e vai ʻe mahua ki tuʻa pea ʻikai ke kei fonu e ipú.
ʻI he kamataʻangá naʻe ʻi he māmaní ʻa hono kakato ʻo e ongoongoleleí. Ne akoʻi ʻe he kau palōfitá ʻa e ongoongoleleí ʻi ha ngaahi taʻu lahi.
Naʻe fokotuʻu ʻe Sīsū Kalaisi ʻa Hono Siasí ʻi he taimi naʻe ʻi māmani aí. Naʻá Ne akoʻi ʻa hono kakato ʻo e ongoongoleleí: ʻa e tui kia Sīsū Kalaisí, fakatomalá, papitaiso ʻi he fakaukú, ʻa e meʻafoaki ʻo e Laumālie Māʻoniʻoní, pea mo e talangofua ki he ngaahi fekaú. Naʻe fakaʻaliʻali ʻe Sīsū ki he kakai kotoa pē ʻa e founga ʻoku totonu ke tau moʻui ʻakí. Naʻe fonu ʻa e ipu ʻo e ongoongoleleí.
Ka ʻi he ʻosi atu pē ʻa e ngaahi taʻú mo e mole ha ngaahi konga ʻo e ongoongoleleí koeʻuhí ko hano liliu ia ʻe ha kakai angakovi pe ko e ʻikai ke nau talangofua ki ai. Naʻe ʻikai kei ʻi he māmaní ʻa hono kakato ʻo e ongoongoleleí. Naʻe palōmesi ʻa e Tamai Hēvaní ki Heʻene fānaú te Ne toe foaki kiate kinautolu ʻa hono kakato ʻo e ongoongoleleí. Naʻá Ne uiuiʻi ʻa Siosefa Sāmita ke tokoni kiate Ia ʻi hono toe fakafoki mai ʻa hono kakato ʻo e ongoongoleleí.
ʻOku akoʻi kitautolu ʻe he Sione 3:16 naʻe foaki mai ʻe he Tamai Hēvaní ʻa Hono ʻAló mo e ongoongoleleí koeʻuhí ko ʻEne ʻofa ʻi Heʻene fānaú. ʻOkú ne uiuiʻi ha kau palōfita ke akoʻi ʻEne ongoongoleleí ki he kakai kotoa pē koeʻuhí ke tau ʻiloʻi e hala ke tau toe foki ange ai kiate Iá.
ʻOku tau monūʻia ke maʻu e kakato ʻo e ongoongoleleí ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fonu ngutungutu ʻetau ngaahi ipu ʻo e ongoongoleleí, pea kuo palōmesi mai ʻa e Tamai Hēvaní he ʻikai ʻaupito toe ʻave ʻa e ongoongoleleí mei māmani.
Tohinoa Fakafolofola ʻo ʻEpeleli 2010
Lau e tefito ʻo e tui hono onó ʻi he Mataʻitofe Mahuʻingá.
Lau maʻuloto e tefito ʻo e tui ko ʻení.
Lotu ʻo kole ki he Tamai Hēvaní ke tokoni atu ke ke ʻiloʻi naʻe toe fakafoki mai ʻe Sīsū Kalaisi ʻa hono kakato ʻo e ongoongoleleí ʻia Siosefa Sāmita.
Fili ha taha ʻo e ngaahi ʻekitivitī ko ʻení, pe faʻu pē haʻo ʻekitivitī ʻaʻau:
-
Tokoni ki ha taha kehe ke ne ako e tefito ʻo e tui ko ʻení.
-
Lau pe tuku ke lau atu ʻe ha taha kehe ʻa e Siosefa Sāmita—Hisitōliá ʻi he Mataʻitofe Mahuʻingá.
-
Ngaohi ʻa e veʻeteka talanoa ʻi he peesi 67. Kosiʻi ʻo toʻo e ongo veʻeteká pea fakamaʻu fakataha kinaua ʻaki ha meʻa fakamaʻu palasa. Fakaʻaongaʻi e veʻeteká ke akoʻi ʻaki ki ha taha ʻa e founga naʻe fakafoki mai ai ʻe Sīsū Kalaisi ʻa hono kakato ʻo e ongoongoleleí ʻia Siosefa Sāmitá.
-
ʻOku akoʻi ʻe heʻetau kau faifekaú ʻa e ngaahi moʻoni ʻo e ongoongolelei kuo fakafoki maí ʻi he funga ʻo e māmaní. Lotua kinautolu. Lotu ke ʻiloʻi ʻa e tokotaha ʻe lava ke ke fakaafeʻi ke fanongo ki he pōpoaki ʻa e kau faifekaú.
ʻOku tokoniʻi fēfē koe ʻe he meʻa naʻá ke faí ke mahino ʻa e tefito ʻo e tui hono onó?
Hiki ʻi hoʻo tohinoá pe tā ha fakatātā fekauʻaki mo e meʻa naʻá ke faí.
Naʻe Toe Fakafoki Mai ʻe Sīsū Kalaisi ʻa e Kakato ʻo e Ongoongoleleí ʻia Siosefa Sāmita
Toʻohema: Ko e ʻUluaki Mata Meʻa-Hā-Maítā ʻe Gary L. Kapp, ʻoua naʻa ʻai hano tatau; taupotu taha ki ʻolunga ʻi toʻomataʻú: tā valivalí © Vivid Details; taupotu taha ki lalo ʻi toʻomataʻú: Ko Hono Liliu ʻe Siosefa Sāmita ʻo e Tohi ʻa Molomona, tā ʻe Del Parson, © IRI; ngaahi tā fakatātā kehé naʻe fai ʻe Robert T. Barrett