1 Uye zvakaitika kuti akaraira gungano kuti rimire kunamata, uye nevadzidzi vake. Uye akavaraira kuti vasamire ^akunamata mumwoyo yavo.

2 Uye akavaraira kuti vasimuke vamire namakumbo avo. Zve vakasimuka vakamira namakumbo avo.

3 Uye zvakaitika kuti akamedura chingwa zvakare akachiropafadza, akapa kuvadzidzi kuti vadye.

4 Uye shure kwokunge vadya akavaraira kuti vamedure chingwa, vape kugungano.

5 Uye shure kwokunge vapa gungano akavapa zvakare waini kuti vanwe, akavaraira kuti vape kugungano.

6 Zvino, pakanga pasina ^achingwa, kana waini, zvakanga zvaunzwa navadzidzi, kana negungano;

7 Asi zvechokwadi ^aakapa kwavari chingwa chokudya, uye newaini yokunwa.

8 Uye akati kwavari: Uyo ^aanodya chingwa ichi anodya muviri wangu pamweya wake; zve uyo anonwa waini iyi ari kunwa ropa rangu pamusoro pomweya wake; zve mweya wake hauzoiti nzara kana nyota, asi kuti uchazadzwa.

9 Zvino, gungano rose zvarakanga radya nokunwa, tarisai, vakazadzwa nomweya; vakachema nezwi rimwechete, vakapa mbiri kuna Jesu, uyo wavakaona nokunzwa.

10 Uye zvakaitika kuti apo vose vakanga vapa mbiri kuna Jesu, akati kwavari: Tarisai ndapedza murairo wandakarairwa naBaba kuti ndiite kuvanhu, vanova vakasara vemba yaIsraeri.

11 Mucharangarira kuti ndakataura nemi, ndichiti kana ^amazwi ^baIsaya ave kuzadzikiswa—tarisai akanyorwa, munawo pamberi penyu, naizvozvo anzverei—

12 Uye zvirokwazvo, zvirokwazvo, ndinoti kwamuri, kana achinge ava kuzadzikiswa ndipo pachave nekuzadzikiswa ^akwechibvumirano icho Baba vakaita kuvanhu vavo, imba yaIsraeri.

13 Uye zvino ^avakasara avo, ^bvachapararira kwose-kwose munyika, ^cvachaunganidzwa kubva kumabvazuva nokumadokero, nokuchamhembe nokumaodzanyemba; zve vachazounzwa ^dmukuziva Ishe Mwari vavo, uyo akavanunura.

14 Uye Baba vakandiraira kuti ndinofanira kukupai ^anyika ino, kuti ive nhaka yenyu.

15 Uye ndinoti kwamuri, kana maJentairi ^avakasatendeuka shure kwamakomborero avachawana, shure kwokunge vaparadza vanhu vangu—

16 Ndipo imi, vakasara vemba yaJakobo, muchaenda mukati mavo; muchazova pakati pavo ivo vakawanda; muchazova pakati pavo seshumba iri pakati pemhuka dzesango, uye ^aseshumba diki mukati mamatanga amakwai, iyo, kana ichinge iri mukati mawo ^binoatsikirira ichiabvanzura kuita zvidimbu-zvidimbu, hapana angaanunure.

17 Ruoko rwako rwuchasimudzwa pavavengi vako, uye mhandu dzako dzose dzicharaswa.

18 Uye ^andichaunganidza vanhu vangu pamwechete somunhu anounganidza uswa pauriri.

19 Nokuti ndichaita vanhu vangu avo Baba vakaita navo chibvumirano, hongu, ndichaita ^anyanga yako ive simbi, ndigoita matsimba ako ave ndarira. Uye uchazodimbura-dimbura vanhu vazhinji; zve ndichaisa zvinhu zvavo kuna Ishe, nezvavanazvo kuna Ishe venyika yose. Zve tarisai, ndini ndinozviita.

20 Uye zvichaitika, Baba vanodaro, kuti ^amunondo wokuranga kwangu uchaturikwa pamusoro pavo zuva iroro; uye kunze kwokunge vatendeuka uchadonhedzerwa pamusoro pavo, Baba vanodaro, hongu, kunyange pamusoro pamarudzi ose emaJentairi.

21 Uye zvichaitika kuti ndichamisa ^avanhu vangu, imba yaIsraeri.

22 Uye tarisai, vanhu ava ndichavaisa munyika ino, mukuzadzikisa ^achibvumirano chandakaita nababa venyu Jakobo; richazova Jerusarema ^bIdzva. Zve masimba ekudenga achazova pakati pavanhu ava; hongu, kunyange ^cini ndinenge ndiri pakati penyu.

23 Tarisai, ndini uyo aitaurwa naMosesi, achiti: Ishe Mwari venyu achakumutsirai ^amuporofita werudzi rwenyu, akaita seni; mumuteerere muzvinhu zvose zvaachataura kwamuri. Ichasvika nguva apo mweya yose isinganzwe muporofita uyu ichabviswa pakati pavanhu.

24 Zvirokwazvo ndinoti kwamuri, hongu, vaporofita ^avose kubva panguva yaSamueri neavo vakazotevera, neavo vakawanda vakataura, vakapupura pamusana pangu.

25 Uye tarisai, muri vana vevaporofita; uye muri vemba yaIsraeri; muri ^avechibvumirano chakaitwa naBaba namadzibaba enyu, vachiti kuna Abrahama: Uye ^bmumbeu yako ndudzi dzose dzenyika dzichakomborerwa.

26 Baba vandimutsira kwamuri kutanga, vakandituma kuti ndikuropafadzei ^amukubvisa mumwe nomumwe wenyu mukuipa kwake; izvi nokuda kwokuti muri vana vechibvumirano—

27 Uye mushure mekunge maropafadzwa ndipo Baba vanozadzikisa chibvumirano icho vakaita naAbrahama, vachiti: ^aMumbeu yako marudzi ose enyika acharopafadzwa—mukudurura Mweya Mutsvene nemandiri kumaJentairi, kuropafadzwa ^bkwamaJentairi uku kuchavaita kuti vave vanhu vane mukurumbira pamusoro pevamwe vose, vachiparadza vanhu vangu, imba yaIsraeri.

28 Uye vachazove ^aseshamhu kune vanhu venyika ino. Zvisinei, kana vachinge vagamuchira kuzara kwevhangeri rangu, kana zvino vakazoomesa mwoyo yavo kwandiri ndichadzorera kuipa kwavo pamusoro pavo, Baba vanodaro.

29 Uye ^andicharangarira chibvumirano icho ndakaita nevanhu vangu; ndakabvumirana navo kuti ^bndichavaunganidza pamwechete munguva yangu, kuti ndichavapa zve ^cnyika yemadzibaba senhaka yavo, inova nyika ^dyeJerusarema, inova nyika yechipikirwa kwavari nokusingaperi, Baba vanodaro.

30 Uye zvichaitika kuti nguva ichasvika, apo kuzara kwevhangeri rangu kuchaparidzwa kwavari;

31 Uye ^avachatenda mandiri, kuti ndini Jesu Kristu, Mwanakomana waMwari, uye vachanamata kuna Baba muzita rangu.

32 Ndipo ^avachengeti vavo vachazosimudza mazwi avo, nezwi pamwechete vachaimba; nokuti vachawirirana.

33 Zvino Baba vachavaunganidza zvakare pamwechete, vovapa Jerusarema senyika yenhaka yavo.

34 Ndipo pavachapinda murufaro—^aVoimba pamwechete, imi nzvimbo dzisina maturo dzeJerusarema; nokuti Baba akanyaradza vanhu vake, akanunura Jerusarema.

35 Baba vaisa ruoko rwavo rwutsvene pachena mumaziso emarudzi ose; nemativi enyika dzose achaona ruponeso rwaBaba; uye Baba neni tiri vamwechete.

36 Uye zvino zvakanyorwa zvichaitwa; ^aMukai, mukai zvakare, mupfeke simba renyu, Zioni; pfekai nguwo dzenyu dzakanaka, Jerusarema, guta dzvene, nokuti kubvira zvino hakuna kunyange mumwe zvake achauya kwauri asina kudzingiswa aine tsvina.

37 Zvizunze kubva muguruva; simuka, gara pasi, Jerusarema; zvisunungure patambo dziri muhuro mako, murandakadzi akasungwa weZioni.

38 Nokuti Ishe vanoti: Makazvitengesa pasina, zve muchazonunurwa pasina mari.

39 Zvirokwazvo, zvirokwazvo, ndinoti kwamuri, vanhu vangu vachaziva zita rangu; hongu, nezuva iroro vachaziva kuti ndini iye ari kutaura.

40 Uye ndipo ivo pavachati: Makumbo ake akanaka ^asei pamakomo evyo anounza zvinhu zvakanaka kwavari, ^banoshambadza runyararo; anounza nhau dzakanaka kune vakanaka, idzo dzinoshambadza ruponeso; anoti kuZioni: Mwari venyu vanotonga!

41 Zve ndipo pachabuda kuchema; ^aEndai imi, endai imi, budai kubva umo, musabate ^bchisina kuchena; ibvai maari; ivai ^cmakachena imi makatakura midziyo yaIshe.

42 Nokuti ^ahamuende muchikurumidza kana kuenda muchitiza; nokuti Ishe achaenda pamberi penyu, uye Mwari vaIsraeri achatsigira shure kwenyu.

43 Tarisai, muranda wangu achaita zvakangwara; achakwidziridzwa nokuva anoiswa pamusoro-soro.

44 Vazhinji vakashamiswa nemi—chiso chake chakakanganisika kupfuura chaani zvake munhu, chimiro chake chakanga chakapfuura vanakomana vevanhu—

45 Saka ^aachamwaya marudzi akawanda; madzimambo achavhara miromo yavo kwaari, nokuti izvo zvisina kunge zvakataurwa kwavari vachazviona; zve izvo zvavasina kunge vakanzwa vachazvifunga.

46 Zvirokwazvo, zvirokwazvo, ndinoti kwamuri, zvechokwadi zvinhu zvose izvi zvichauya, sokurairwa kwazvakaitwa kwandiri naBaba. Ndipo chibvumirano icho Baba vakabvumirana nevanhu vavo chichazadzikiswa; ndipo ^aJerusarema ichagarwa nevanhu vangu, zvakare ichazova nyika yenhaka yavo.