1 Uye zvakaitika kuti pane ^aizwi rakanzwikwa muvanhu vose vaigara munyika, pamusoro penyika ino yose, richichema:

2 Nhamo, nhamo, nedambudziko kuvanhu ava; ^anhamo kuvagari vose vari panyika kunze kwekunge vatendeuka; nokuti dhiabhorosi ari ^bkuseka, uye ngirozi dzake dziri kupembera, pamusana pekuuraiwa kwevanakomana nevanasikana vakanaka vevanhu vangu; uye zviri pamusana pekuipa nokutadza kwavo zvaita kuti vapunzike!

3 Tarisai, guta guru riya reZarahemura ndakaripisa nemoto, nevagari varo vaivemo.

4 Uye tarisai, guta riye guru raMoronai ndakaita kuti rinyure muudzamu hwegungwa, nevagari vemo kuti vanyudzwe.

5 Uye tarisai, guta guru riya reMoronaiha ndakarifushira nevhu, nevagari vacho, kuti ndivige kuipa kwavo neruvengo rwavo pameso pangu, kuti ropa remaporofita nerevatendi risazouya kwandiri zvakare richivarwisa.

6 Uye tarisai, guta reGirgari ndakaita kuti rinyudzwe, uye vagari vacho kuti vavigwe muudzamu hwevhu;

7 Hongu, neguta reOnaiha nevagari varo, neguta raMokamu nevagari varo, neguta reJerusarema nevagari varo; uye ndikaita kuti muve ^anemvura, kuviga kuipa kwavo nokutadza kwavo pamberi pemeso angu, kuti ropa remaporofita nerevatendi risazouya kwandiri zvakare richivarwisa.

8 Uye tarisai, guta reGadhiandi, neguta reGadhiomuna, neguta raJakobho, neguta reGimugimuno, ose ndakaita kuti anyudzwe, ndikaita ^azvikomo nenhika munzvimbo dzawo; uye vagari vacho ndikavafushira muudzamu hwepasi, kuviga kuipa nokutadza kwavo kubva kumeso kwangu, kuti ropa remaporofita nerevatendi risauye zvakare kwandiri kuzovarwisa.

9 Uye tarisai, guta riya guru Jakobhugati, rakanga rigerwe nevanhu vamambo Jakobho, ndakariita kuti ritsve nemoto pamusana pezvitema zvavo neuipi hwavo, hwakanga hwakapfuura uipi hwepasi pose, pamusana pekuponda nezvikwata zvavo ^azvemuruvande; nokuti ndivo vakaparadza runyararo rwevanhu vangu nehurumende yenyika; naizvozvo ndakaita kuti vapiswe, kuti ^bndivaparadze pameso pangu, kuti ropa remaporofita nerevatendi risauye kwandiri zvakare kuzovarwisa.

10 Uye tarisai, guta raRamani, neguta raJoshi, neguta raGadi, neguta raKishikumeni, ndakaaita kuti apiswe nemoto, nevaigara maari, pamusana pekuipa kwavo mukutandanisa maporofita, nekutema nematombo avo vandakatuma kuzotaura kwavari pamusoro peuipi hwavo neruvengo rwavo.

11 Uye pamusana pekuti vakavakanda kunze, zvekuti mukati mavo makanga musisina akarurama, ndakatumira ^amoto kuti uvaparadze, kuti uipi hwavo nokutadza kwavo kuvigwe pauso hwangu, kuti ropa remaporofita nerevatendi vandakatumira pakati pavo risacheme kwandiri ^brichibva pasi kuti rivarwise.

12 Uye ndakakonzera kuparara ^akwakawanda kukuru kuti kuuye munyika muno, nekuvanhu ava, pamusana peuipi hwavo noruvengo rwavo.

13 Imi mose ^amakaponeswa nokuti makanga makarurama kupfuura ivo, hamungachidzoka kwandiri zvino here, motendeuka pazvitadzo zvenyu, uye mopinduka, kuti ^bndikurapei?

14 Hongu, zvirokwazvo ndinoti kwamuri, kana ^amukauya kwandiri muchawana upenyu ^bhwokusingaperi. Tarisai, ruoko rwangu ^crwetsitsi dzakatambanudzirwa kwamuri, uye wose uyo achauya, iyeye ndichamugashira; uye vakaropafadzwa avo vanouya kwandiri.

15 Tarisai, ndini Jesu Kristu Mwanakomana waMwari. ^aNdakasika matenga nepasi, nezvinhu zvose zviri mazviri. Ndaive naBaba kubvira pakutanga. ^bNdiri muna Baba, uye Baba vari mandiri; uye mandiri Baba vakarumbidza zita ravo.

16 Ndakauya kune vangu, uye vangu ^avakasandigashira. Uye magwaro anotaura nezvekuuya kwangu akazadzikiswa.

17 Uye vose avo vakandigashira, kwavari ^andakapa kuti vave vanakomana vaMwari; uye ndichadaro kana kune avo vachatenda muzita rangu, nokuti tarisai, mandiri ndimo munouya ^bnerununuro, uye mandiri ndimo munozadzikiswa ^cmutemo waMosesi.

18 Ini ndini ^achiedza neupenyu hwenyika. Ndini ^bArfa naOmega, kutanga nokupedzisira.

19 Uye ^ahamuchazoita zvekudeura ropa kuti mupire kwandiri; hongu, mupiro yenyu nekupira kwenyu zvakapiswa zvicharegerwa, nokuti handichabvuma mipiro yenyu nemipiro yenyu yezvakapiswa.

20 Uye ^amuchapira kwandiri mwoyo wakatyoka nemweya wakapfava. Uye ani nani anouya kwandiri nemwoyo wakatyoka nemweya wakapfava, iyeye ^bndichamubhabhatidza nemoto neMweya Mutsvene, kana semaRamani, pamusana perutendo rwavo mandiri munguva dzavo dzekupinduka, vakabhabhatidzwa nemoto neMweya Mutsvene, uye ivo havana kuzviziva.

21 Tarisai, ndakauya munyika kuti ndiunze rununuro kunyika, kuti ndiponese nyika muzvitema.

22 Naizvozvo, wose ^aanotendeuka uye achiuya kwandiri ^bsemwana mudiki, iyeye ndichamugashira, nokuti vakadaro ndivo veumambo hwaMwari. Tarisai, nokuti ivavo ndivo ^cvandakasiira upenyu hwangu pasi, uye ndikahutora zvakare; naizvozvo tendeukai, uye muuye kwandiri imi mativi mana enyika, uye muzoponeswa.