Chitsauko 24
Mutumwa waIshe achagadzirira nzira yoKuuya Kwechipiri—Kristu achagara pakutonga—Israeri inorairwa kubvisa chegumi nemupiro—Bhuku rokurangarira rinochengetwa—Enzanisa naMaraki 3. Zvingangove makore 34 shure kwekunge Kristu azvarwa.
1 Uye zvakaitika kuti akavaraira kuti vanyore mazwi ayo Baba vakanga vapa kuna Maraki, ayo aaizotaura kwavari. Uye zvakaitika kuti shure kwokunge anyorwa pasi akaatsanangura. Zve aya ndiwo mazwi aakataura kwavari, achiti: Ndizvo zvinotaura Baba kuna Maraki—Tarisai, ndichatuma anhumwa yangu, iye achagadzira nzira pamberi pangu; uye Ishe vamunotsvaka vachaerekana asvika patemberi yake, kana mutumwa wechibvumirano, wamunoda; tarisai, achauya, vanodaro Ishe veHondo.
2 Asi ndiani aangamirire pazuva rokuuya kwake, uye ndiani angamira kana aonekwa? Nokuti wakafanana nomoto bwemunatsi, nesipo yemusuki.
3 Uye achagara somusuki nomuchenesi wesirivha; uchachenesa avanakomana vaRevi, nokuvachenesa sesirivha negoridhe; kuti bvagopira kuna Ishe nokururama.
4 Zvino mupiro waJuda neJerusarema uchafadza Ishe, somumazuva akare, somumakore okutanga-tanga.
5 Uye ndichaswedera kwamuri kuti nditonge; ndichava mupupuri anokurumidza pamusoro n’anga, napamusoro pemhombwe, napamusoro pavanopika nhema, napamusoro pavanodzvinyirira mushandi pamubairo wake, chirikadzi anevasina baba, navanodzinga vatorwa, vasingandityi, vanodaro Ishe veHondo.
6 Nokuti ndini Ishe, zve handishanduki; naizvozvo imi vanakomana vaJakobo hamuna kuparadzwa.
7 Kana kubva pamazuva emadzibaba enyu amakatsauka pazvisungo, uye hamuna kuzvichengeta. bDzokerai kwandiri neni ndichadzokera kwamuri, vanodaro Ishe veHondo. Asi munoti: Tichadzokera kupi?
8 Ko munhu angapambe Mwari here? Asi imi makandipamba. Asi munoti: Takakupambai pazvinhu zvipi? Pane achegumi bnemipiro.
9 Makatukwa nokutuka, nokuti munondipamba, rudzi rwenyu rwose.
10 Uyai anechegumi chose kudura, kuti mumba mangu muve nezvekudya, mundiedze naizvozvo, ndizvo zvinotaura Ishe weHondo, muone kana ndisingakuzarurirei mafafitera okudenga, ndikudururirei bmakomborero amuchashaya pokuaisa.
11 Uye ndichatukawo mudyi nokuda kwenyu, arege kuparadza michero yeminda yenyu; nemidzamviringa yenyu haingazozunzi zvibereko zvayo muminda nguva isati yasvika, vanodaro Ishe veHondo.
12 Uye marudzi ose achati muri vanhu vakaropafadzwa, nokuti muchava nyika inofadza, vanodaro Ishe veHondo.
13 Mashoko enyu anga ari makobvu kwandiri, vanodaro Ishe. Asi munoti: Takataura zvipi kwamuri?
14 Imi makati: Hazvina maturo kushandira Mwari, takawaneiko zvatakachengeta mirairo yake nezvatakafamba tichichema pamberi paIshe veHondo?
15 Uye zvino tinoti anozvikudza ndivo vakafara, hongu, avo vanoita zvakaipa ndivo vagere; hongu, avo vanoedza Mwari ndivo vanosunungurwa.
16 Zvino avo vaitya Ishe avaitaurirana nguva zhinji, uye Ishe vakateerera, vakanzwa; bbhuku rokurangarira rikanyorwa pamberi pake, richinyorerwa vanotya Ishe, nevanofunga zita ravo.
17 Uye vachava vangu, vanodaro Ishe veHondo, muzuvairo arandichaunganidza zvishongo zvinokosha zvangu; ndichavanzwira tsitsi, somunhu anonzwira tsitsi mwanakomana wake anomubatsira.
18 Zvino ndipo pamuchadzokera anokunozivisa pakati kwowakarurama nowakaipa, kwounoshumira Mwari nousingamushumiri.