1 Áádóó baa hoolzhiizh Jared bínaaí, (áádóó kʼad tsin naaʼeeł éí tseebíígo hashtʼeilyaa) dził gódeʼ níyá, éí dził Shelem yee deiyózhí, háálá ayóó áníłneezgo haaʼáhígíí biniinaa, dóó tsé yitsʼą́ą́dóó hastą́ʼáadah ádaałtsʼísígo hayiisxį́į́ʼ; dóó daalgaigo daniłtólí; tsétsǫʼ biníkáhotʼínígíí ndahalingo; áádóó dził gódeh yiníjaaʼ, dóó Diyin Bóhólníihii yichʼįʼ nínááʼooskan, kóníigo:

2 O Diyin Bóhólníihii, tónteel nihił didoolkǫǫł díníniidneʼ. Áko shooh, O Diyin Bóhólníihii, nánaalaʼí tʼáadoo bichahoshiníkéhí háálá ndááhdóó doo bidziilígíí biniinaa; háálá nihił béédahózin hadíníłtéʼ dóó yáʼąąshdi hónílǫ́, dóó ni nidááhdóó doo dadiniigin da; háálá Adam asihígíí biniinaa tʼáá áłahjįʼ doo yáʼáshóonii baa neikai; ákotʼée ndi O Diyin Bóhólníihii, bee hazʼáanii nihéínílá éí bąą nichʼįʼ sodadiilzin, áko nitsʼą́ą́dę́ę́ʼ daniizinígíí da nihaadahalyée dooleeł.

3 Áko shooh, O Diyin Bóhólníihii, bąąhági ádeitʼínígíí biniinaa atínihiinlaa, dóó nanihiníłkaad ńtʼę́ę́ʼ, dóó doo kééhojitínídi łąʼí da nihéé dááhai; ákótʼée ndi, nihaajiiníbaʼ ńtʼę́ę́ʼ. O Diyin Bóhólníihii, shaa hojoobaʼígo shiníłʼį́, dóó díí nidineʼé náháchʼįʼígíí bitsʼą́ą́dóó niʼ kónílééh, dóó díí tónteel ditánígíí bikááʼ tséʼnaa chałheełgo doo nidoohkáh da; ákondi shooh díí tsé bitsʼą́ą́dóó hahidíłʼhį́į́ʼ.

4 Áádóó shił bééhózin, O Diyin Bóhólníihii, tʼáá átʼé adziilii neehólǫ́, dóó nihokááʼ dineʼé bá yáʼátʼéhígíí tʼáá ni nohólníigo ádiilííł, éí bąą O Diyin Bóhólníihii, díí tsé bidadílchid, nilázhoozh bee, dóó chahałheeł biyiʼ daʼdiníłdííngo hashtʼedíílííł; dóó tsin naaʼeeł hashtʼedeilyáaʼígíí biyiʼ nihá daʼdiníłdíín doo, áko tónteel tseʼnaa niniikááhgo nihá adiníłdíín doo.

5 Áko shooh, O Diyin Bóhólníihii, díí ádíílííłgo átʼé. Nihił béédahózin ayóó átʼáo adziil ííshjání ádíílííłgo bííníghah, éí nihokááʼ dineʼé yikʼidaʼdidootʼįįłgo doo bił danilį́į da.

6 Áádóó baa hoolzhiizh Jared bínaaí díí saad yee haadzííʼgo, áko shooh, Diyin Bóhólníihii bilázhoozh yee dahdiilniiʼ dóó tsé tʼááłaʼí níʼánígo bilázhoozh yee yidahideeschid. Áádóó Jared bínaaí diyingo daʼdiníbaalyę́ę bá nahjįʼ kólyaa, dóó Diyin Bóhólníihii bilázhoozh yiyiiłtsą́; dóó nihokááʼ dineʼé bilázhoozhígiʼ átʼé, atsįʼ dóó dił beełtʼé; dóó Jared bínaaí Diyin Bóhólníihii yidááhdóó naaʼíígoʼ, háálá násdzidígíí biniinaa.

7 Áádóó Diyin Bóhólníihii éí Jared bínaaí nahasdzáán bikáaʼjįʼ naaʼíígoʼígíí yiyiiłtsą́; dóó Diyin Bóhólníihii ábíłní: Yiizįįh, haʼátʼíísh bininyé naaʼíínígoʼ?

8 Áádóó Diyin Bóhólníihii ííłní: Diyin Bóhólníihii bilázhoozh yiiłtsą́, dóó atíshidoolííł nisingo béésésdzííd; háálá Diyin Bóhólníihii bitsįʼ dóó bidił hólǫ́ǫgo doo shił bééhózin da ńtʼę́ę́ʼ.

9 Áádóó Diyin Bóhólníihii ábíłní: Háálá shiinídlánígíí biniinaa atsįʼ dóó dił ákʼidideeshtʼááłgo yiníłtsą́; dóó tʼáhdoo łaʼ diné kótʼáo beʼoodląʼ bidziilgo shidááh yiizįįh da ńtʼę́ę́ʼ; háálá doo ákótʼéego éí tʼáadoo shilázhoozh yiniłtsʼą́ą da doo ńtʼę́ę́ʼ. Daʼ díí bilááhgooísh yiniłtsą́?

10 Áádóó ábíłní: Ndagaʼ; Diyin Bóhólníihii, shichʼįʼ ííshjání ádílnééh.

11 Áádóó Diyin Bóhólníihii abiłní: Díí saad bee hadeesdzihígíísh yidíídląął?

12 Áádóó ádííniid: Aooʼ, Diyin Bóhólníihii, shił bééhózin tʼáá aaníinii bee yáníłtiʼígíí, háálá tʼáá aaníinii biDiyin God nilį́, dóó doo niyoochʼííd da.

13 Áádóó díí saad ałtso yee haadzííʼgo, áko shooh, Diyin Bóhólníihii bichʼįʼ ííshjání áʼdiilyaa, dóó áhodííniid: Díí níł bééhózinígíí biniinaa bąąhági átʼéii bitsʼą́ą́dóó yisdéíníyá; éí bąą shíł honiłǫ́ǫgo aniʼdiilyaa; éí bąą nichʼįʼ ííshjání aʼdiishyaa.

14 Áko shooh, shí éí nahasdzáán hashtʼeilnéhę́ędą́ą́ʼ shidineʼé yisdádeeshʼishgo shikʼihodiiniiʼ. Áko shooh, shí éí Jesus Christ nishłį́. Diyingo aZhéʼé dóó aYeʼ nishłį́. Shí shinahjįʼ éí nihokááʼ dineʼé iiná bee dahólǫ́ǫ doo, éí hoolʼáágóó, shízhiʼ deiyoodlánígíí ndi; éí shiyeʼké dóó shitsiʼké dadooleeł.

15 Áádóó nihokááʼ dineʼé ííshłaaígíí tsʼídá tʼahdoo łaʼ bichʼįʼ ííshjání aʼdishnééh da, háálá diné nigiʼ átʼáo doo łaʼ shoodlą́ą da ńtʼę́ę́ʼ. Baa áko nínízinísh tʼáá sheníłtʼéego ándiilyaa? Aooʼ, hodeeyáádą́ą́ʼ nihokááʼ dineʼé tʼáá ałtso tʼáá shí shedáółtʼéego ádabiʼdiilyaa.

16 Áko shooh, díí atsʼíís, kʼad níníłʼínígíí, éí shiiʼ sizíinii bitsʼíís átʼé, dóó nihokááʼ dineʼé éí shiiʼ sizíinii bitsʼíísígíí bikʼehgo ííshłaa; dóó iiʼ sizíiniikʼehgo nichʼįʼ ííshją́ą́ áʼdiishyaaʼígiʼ átʼáo nihokááʼ dineʼé éí atsʼíískʼehgo bichʼįʼ ííshjání ádiʼdeeshnííł.

17 Áádóó áko, shí, Moroni, ádíshní ádahóótʼįįdgo nidaasdzohígíí doo tʼáá átʼé náhideeszoh da, éí bąą Jesus díí hastiin iiʼ sizíiniikʼehgo yichʼįʼ ííshjáá áʼdiilyaaígíí tʼéiyá bíighahgo baa hodeeshnih, tʼáá éí atsʼíís átʼéhígíí átʼáo Nephi dineʼé yichʼįʼ ííshjání áʼdiilyaa.

18 Áádóó Nephi dineʼé yikáʼeelwodę́ę́giʼ átʼáo éí ałdóʼ yikáʼeelwod; dóó díí tʼáá átʼé áyiilaa, áko díí hastiin éí Diyin God nilį́įgo bił bééhodoozįįł, háálá Diyin Bóhólníihii binaanish ayóó ádaatʼéhígíí yił ííshjáá áyiilaa.

19 Áádóó díí hastiin bił bééhoozinígíí biniinaa diyingo daʼdiníbaal doo bichʼą́ą́ siláágóó ííłʼtsą́; dóó Jesus bilázhoozh yiyiiłtsą́, éí, yiyiiłtsʼą́ągo, násdzíídgo naaʼíígoʼ; háálá Diyin Bóhólníihii bilázhoozh átʼéego bił bééhoozin; áádóó éí yoodlánée doo bił hólǫ́ǫ da silį́į́ʼ, háálá bił bééhózin, doo bił naaki nilį́įgóó.

20 Ákohgo, díí Diyin God tʼáá aaníí átʼéego bił bééhoozin, éí diyingo daaʼdiníbaal doo bichʼą́ą́h siláa da silį́į́ʼ; éí bąą Jesus yiyiiłtsą́; dóó bikáʼeelwod.

21 Áádóó baa hoolzhiizh Diyin Bóhólníihii éí Jared bínaaí ííłní: Áko shooh, díí yiiniłtsʼánígíí dóó sidinítsʼą́ʼígíí éí nihokááʼ dineʼé doo bił hodíílnih da, atsʼíískʼehgo níyáago índa shízhiʼ hózhǫ́ dílzingo ádeeshłííł; ákohgo, yiniłtsánígíí dóó sidínítsʼą́ą́ʼígíí tʼóó ayóó átʼáo nił nilį́į doo, dóó doo nááná łaʼ diné bił hodiilnih da.

22 Áádóó áko shooh, sheiníyáago, náhidíízoh dóó bidáʼdiʼdííłjah, áko doo łaʼ yaa nááhodoolnih da; háálá nááná łaʼ saadígíí bee náhidíízoh áko doo yídóołtahí da.

23 Áádóó áko shooh, díí tsé naakigo naadeeshnił, dóó nahidíízohígíí ałdóʼ bił dáʼdíʼdííłjah.

24 Háála áko shooh, saad náhidiizohígíí éí łah átʼéego ííshłaa; ákohgo shí kʼad dííniidgo díí tsé náhiinízohígíí diné nizhónígo yikʼidadiʼdootʼįįłjįʼ bił ííshjání ádadoolnííł.

25 Áádóó Diyin Bóhólníihii díí yee haadzííʼgo, Jared bínaaí tʼáá átʼé nahasdzáán bikááʼ dahiinánígíí yił ííshjání áyiilaa, dóó dahodooleełígíí ałdóʼ; dóó doo yitsʼą́ą́ʼ neiniłʼíní da, azhą́ adahwiisʼáajįʼ.

26 Háálá tʼáá níléídę́ę́ʼ bił náhálnih, áko boodlą́ągo tʼáá ałtsóní bił ííshjání íídoolííł—éí da bił ííshjání ádoolnííł; éí bąą Diyin Bóhólníihii doo haʼátʼíí da bitsʼąą neiniłʼin da, háálá bił bééhózin Diyin Bóhólníihii da tʼáá ałtsóní bił ííshjání íídoolííł.

27 Áádóó Bóhólníihii ábíłní: Díí náhízóóh dóó bidáʼdiʼdííłjah; dóó nihokááʼ dineʼé kʼad dííniidgo bił ííshjání ádeeshłííł.

28 Áádóó baa hoolzhiizh Diyin Bóhólníihii díí tsé naakigo baa nínilʼyę́ę bił dáʼdiʼdííłjah bidííniid, dóó tʼáadoo baa hálneʼí, Diyin Bóhólníihii éí nihokááʼ dineʼé yił ííshjání áyiilaago índa.