Misaada ya Kujifunza

Picha zilizomo katika Biblia

Picha zilizomo katika Biblia

Picha zilizomo katika Biblia

Utangulizi
Picha hizi za maeneo muhimu zinaonyesha nchi ambazo Yesu alitembea, amahi ambako manabii wa kibiblia waliishi na kufundisha, na mahali ambako matukio mengi ya kimaandiko yametokea.
Maelezo ya Jumla
Ramani ya hapo chini inaonyesha mahali ambapo picha ilipigwa katika sehemu hii. Katika kurasa zinazofuata, kila picha iliyopewa namba inaambatana na maelezo mafupi juu ya mandhari yake. Matukio muhimu ya maandiko matakatifu kutoka eneo hili yameorodheshwa, sambamba na marejeo ya maandiko ili uweze kujua wapi usome zaidi juu ya matukio hayo.
1. Mto Nile na Misri
Uoto wa asili unaoota kando ya kingo za Mto Nile. Katika mahali kama hapa, mama yake Musa alimficha mtoto wake mchanga wa kiume. Ngʼambo yake ni jangwa ambalo limeenea sehemu kubwa ya Misri.
2. Mlima Sinai (Horebu) na Nyika za Sinai
Kuna maeneo kadhaa yanayowezekana kuwa ndiyo mahali pa Mlima Sinai. Moja ya maeneo ya kimapokeo ni Yebeli Musa (Mlima wa Musa), uliopigwa picha hapa.
3. Nyika za Uyahudi
Nyika za Uyahudi ziko mashariki mwa Yerusalemu na hushuka hadi Bahari ya Chumvi.
4. Kadeshi-barnea
Huu ni uelekeo wa kaskazini mashariki ya bonde kuu la jangwa (pia huitwa korongoni) hapa ndipo Kadeshi-barnea ilipo. Kijito kinachotiririka hapa wakati wa majira ya mvua hupafanya hapa kuwa mahali panapomwagiliwa vyema na mahali panapozalisha katika nyika ya Zini.
5. Makaburi ya Mapatriaki
Jengo hili, ni moja ya majengo maarufu zaidi katika Nchi Takatifu, lilijengwa Hebroni na Mfalme Herode juu ya eneo la asili la kimapokeo la Makpela, lililonunuliwa na Ibrahimu kama sehemu ya makaburi ya familia (Mwa. 23).
6. Nchi ya Milima ya Uyahudi
Nchi ya milima ya Uyahudi ni karibu kilomita 56 urefu na kilomita 27 upana. Sehemu kubwa ya nchi ni mawe mawe na ni vigumu kuilima. Milima inagagwanywa kwa mabonde ambayo ndiyo ardhi nzuri yenye kuzalisha. Waisraeli wa awali waliishi katika milima hii, na waliitumia kwa ulinzi dhidi ya wavamizi.
7. Bethlehemu
Picha hii huonyesha milima ya mawe na mbuga za malisho ya wachungaji katika sehemu ya mandhari ya mbele, pamoja na mji wa kisasa wa Bethlehemu sehemu ya nyuma.
8. Yerusalemu
Ukiangalia upande wa kaskazini juu ya Yerusalemu. Katikati ya picha ni madhabahu ya Kiislamu yenye kuba iliyofunikwa kwa dhahabu, inayoitwa Kuba ya Mwamba. Wayahudi hapo kale walifanya ibada katika hekalu lililokuwa hapa. Kuta karibu na Kuba ya Mwamba huuzunguka mji wa zamani wa Yerusalemu. Kulia kwa ukuta ni Bonde la Kidroni. Mbali kulia ni Mlima wa Mizeituni. Kwa kaskazini kuvuka Kuba ya Mwamba, yawezekana kuwa ni eneo la Golgotha, au Kalivari.
9. Hekalu la Herode
Picha hii huonyesha mfano wa vipimo vya hekalu la Herode (skeli ya uwiano 1:50) kama ilivyofikiriwa kuwa katika mwaka 67 B.K. Ukuta unaozunguka majengo ya hekalu huzizunguka sehemu takatifu zenye kujumuisha patakatifu pa patakatifu, mahali patakatifu, na mabehewa makuu matatu.
10. Ngazi za Kwenda Hekaluni
Eneo la hekalu liligawanywa katika mabaraza, na mabaraza ya nje yalisimama kwenye kiwanja kilichokuwa chini zaidi. Wafanya ibada waliingia kupitia milango mbalimbali, ikiwa ni pamoja na ile iliyoelekea upande wa juu kutoka ngazi hizi kuingia katika mabaraza ya nje na halafu ndani ya mabaraza yaliyo ndani zaidi. Maelfu ya watu wamepanda ngazi hizi kwa muda mwingi, ikiwa pamoja na Mwana wa Mungu. Wakati majeshi ya Tito yalipoliangamiza hekalu katika mwaka 70 B.K. ngazi hizi zilifunikwa kwa kifusi. Zilifukuliwa na wanaakiolojia katika miaka ya 1970 wakati wa uchimbaji wa sehemu ya mji wa zamani wa Yerusalemu.
11. Mlima wa Mizeituni
Mandhari hii huangalia mashariki kwenye Mlima wa Mizeituni. Jengo lililoko mbele linaonyesha uwezekano wa kuwa eneo la kiwanja cha Bustani ya Gethsemani. Tarehe 24 Oktoba 1841, Mzee Orson Hyde wa Akidi ya Mitume Kumi na Wawili alipanda Mlima wa Mizeituni na kutoa sala ya kinabii ya kuwekwa wakfu kwa ajili ya kurudi kwa watoto wa Ibrahimu na ujenzi wa hekalu.
12. Bustani ya Gethsemani
Picha hii ya mzeituni mkongwe ilipigwa katika eneo la asili kimapokeo la Bustani ya Gethsemani. Mwokozi alisali karibu na hapa baada ya kuondoka orofani usiku wa kusalitiwa Kwake.
13. Golgotha
Mwamba huu, ambao hufanana na fuvu la kichwa na uko nje kidogo tu ya Lango la Dameski ya Yerusalemu (Yn. 19:17, 20), yawezekana kuwa ni Golgotha, mahali ambapo Kusulubishwa kulifanyika.
14. Kaburi la Kwenye Bustani
Ni eneo ambalo yawezekana kuwa ndiyobustani ya kaburi la Yusufu wa Arimathayo. Baadhi ya nanabii wa sasa wanahisi kwamba mwili wa Mwokozi uliwekwa katika kaburi lililopigwa picha hapa.
15. Yeriko
Picha hii inaonyesha uoto katika Yeriko ya siku ya leo. Hapo Kale ulikuwa mji uliozungukwa na ukuta katika bonde la Mto Yordani, mita 252 chini ya usawa wa bahari. Ni eneo lenye rutuba kwa kilimo ambapo visitu vya mitende na miti jamii ya michungwa hustawi. Nyuma yake ni Mlima wa kimapokeo wa Majaribu (Mt. 4:1–11).
16. Shilo
Katika mandhari hii ya magharibi, magofu ya jiji la kale la Shilo kushoto kidogo kutoka katikati ya picha.
17. Shekemu
Ni eneo la zamani la Shekemu Katika sehemu ya mbele ya picha ni Mlima Gerizimu, na ngʼambo yake, ni Mlima Ebali. Shekemu iko katikati ya milima hii miwili.
18. Dothani katika Samaria
Dothani ina sifa ya miinuko na mabonde. Ni nchi nzuri kwa malisho. Waisraeli walipohamia katika nchi hii, eneo hili lilitolewa kwa Manase.
19. Kaisaria na Uwanda wa Sharoni hadi Karmeli
Ukiangalia kuelekea Kaskazini ngʼambo ya bandari ya kale ya Kaisaria na Uwanda wa Sharoni. Pia katika mandhari juu ya picha ni safu ya milima ya Karmeli.
20. Yafa
Ukiangalia upande wa Kaskazini magharibi juu ya mji wa bandari wa Yafa.
21. Bonde la Yezereeli
Ukiangalia kuelekea kusinimagharibi kutoka kilele cha Mlima Tabori kuelekea katika sehemu ya Bonde la Yezereeli ambalo pia hujulikana kama Uwanda wa Esdraloni. Ingawa Bonde la Yezereli mara nyingine watu hudhani kuwa ni bonde kuu, kwa kweli ni mlolongo wa mabonde ambayo huungana na Nyanda za Ako pamoja na Bonde la Yordani na eneo la Bahari ya Galilaya. Bonde la Megido, kwa mfano, ni sehemu ya magharibi ya bonde hili. Bonde la Yezereeli lilikuwa ni njia kuu katika Nchi Takatifu kati ya Bahari ya Mediterania kwenda magharibi na Bonde la Yordani upande wa mashariki.
22. Mlima Tabori
Ukiangalia Kaskazinimagharibi kuelekea Mlima Tabori. Nyanda za chini zinazouzunguka Mlima Tabori ni sehemu ya Bonde la Yezereeli. Nazareti inalala katika vilima vilivyo jirani na Mlima Tabori.
23. Bahari ya Galilaya na Mlima wa Mahubiri ya Heri
Ukiangalia Kusini Magharibi kuelekea kona ya Kaskazini magharibi ya Bahari ya Galilaya, ziwa la maji baridi. Kilima cha katikati ya picha ni eneo la kimapokeo la Mlima wa Mahubiri ya Heri. Kapernaumu iko kushoto, nje ya picha. Tiberia iko kushoto zaidi kando kando ya pwani ya magharibi.
24. Kapernaumu
Kapernaumu, iliyo katika pwani ya Bahari ya Galilaya, kilikuwa ndiyo kituo cha huduma ya Yesu katika Galilaya (Mt. 9:1–2; Mk. 2:1–5). Kituo muhimu na chenye mafanikio kiuvuvi na kibiashara, ilikuwa ni makao kwa Wayunani na vile vile kwa Wayahudi. Idadi ya watu katika karne ya kwanza huenda haikuzidi watu 1,000. Kapernaumu ilikuwa katika njia panda ya njia muhimu za kibiashara, pamoja na ardhi yenye rutuba iliyoizunguka. Askari wa Kirumi walijenga majumba ya kuogea na maghala ya hifadhi hapa, Licha ya miujiza mingi iliyofanyika hapa, watu hawa kwa ujumla walikataa hudumu ya Mwokozi. Yesu kwa hivyo aliulaani mji huu (Mt. 11:20, 23–24). Baada ya muda, Kapernaumu ikaangukia katika magofu na kubaki bila wakazi.
25. Mto Yordani
Mto Yordani huanzia kaskazini mwa Bahari ya Galilaya, hutiririka ndani yake, na halafu huendelea kusini mwa Bahari ya Chumvi. Picha hii ilipigwa karibu na mdomo wa mto kutoka Bahari ya Galilaya.
26. Kaisaria Filipi
Kaisaria Filipi iko mguuni mwa Mlima Hermoni. Chemchemi hii ni moja ya vyanzo vya Mto Yordani. Herode Filipo, ambaye alitawala eneo hili, alijenga mji hapa kwa heshima ya Kaisari (mfalme wake) na yeye mwenyewe; awali mji huu uliitwa Pania na leo unaitwa Baniasi vile vile Kaisaria Filipi.
27. Nazarethi
Mandhari hii ya mji wa kisasa wa Nazarethi inaangalia kuelekea kusini. Nazarethi kilikuwa kijiji kidogo katika nyakati za Biblia.
28. Dani
Jiji hili la kale la Dani lilikuwa likiitwa Leshemu (Yos. 19:47) au Laishi (Amu. 18:7, 14) kabla ya Waisraeli kuiteka nchi. Chemchemi zilizoko katika eneo hili, pamoja na chemchemi ya Kaisaria Filipi, ndivyo vyanzo vikuu vya Mto Yordani. Kiwanja cha hekalu la Yeroboamu kimepigwa picha hapa.
29. Athene
Picha hii, iliyopigwa kutoka Arepago (Kilima cha Marsi) inaonyesha Akropolo ya Athene, eneo la madhabahu kwa miungu kadha wa kadha wa kipagani Athene ulikuwa ndiyo mji mkuu wa kale wa Uyunani ya Atika na katika nyakati za Agano Jipya ulikuwa katika jimbo la Kirumi la Akaya. Uliitwa kwa heshima ya jina la mungu mwanamke wa kipagani wa Wayunani Athena. Kwa nyakati za Agano Jipya, Athene ilikuwa imepoteza sehemu kubwa ya ukuu na utukufu wake wa awali, lakini bado ulikuwa na sanamu na minara ya kumbukumbu za miungu wengi wa kiume na wa kike, ikiwa ni pamoja na “Mungu Asiyejulikana” (Mdo. 17:23).
30. Korintho
Korintho ulikuwa mji mkuu wa jimbo la Kirumi la Akaya. Ulikuwa uko juu ya shingo ya nchi iunganishayo Peloponeo pamoja na nchi ya bara la Uyunani, ukimiliki bandari pande zote mashariki na magharibi. Ulikuwa mji wa bandari ya utajiri na umashuhuri.
31. Efeso
Magofu ya jumba la maonyesho ya tamthilia la Uyunani huko Efeso ni mahali ambapo Mtume Paulo alihubiri. Katika nyakati za Agano Jipya, Efeso ulikuwa maarufu katika ulimwengu wote uliojulikana kwa ukubwa wa hekalu lake lililojengwa kwa heshima ya mungu mwanamke wa kipagani wa Kirumi Diana. Sasa ukiwa magofu, Efeso wakati mmoja ulikuwa mji mkuu wa jimbo la Kirumi la Asia na Kituo Kikuu cha biashara. Wafua fedha wa mji waliendeleza biashara ya kuuza sura za Diana.
32. Kisiwa cha Patmo
Patmo ni kisiwa katika bahari ya Aegani ambako Yohana alifukuziwa (Ufu. 1:9). Kulingana na mapokeo, yeye alikuwa akifanya kazi huko katika machimbo ya mawe ya marumaru.