Lesona 6 Anomea a le Faiaoga

O Le Faaipoipoga i le va o se Alii ma se Tamaitai ua Faauuina e le Atua

Ua folafola mai ma le paia e perofeta, aposetolo, ma isi taitai o le Ekalesia e faapea “o le faaipoipoga i le va o se alii ma se tamaitai ua faauuina e le Atua” (“O Le Aiga: O Se Folafolaga i le Lalolagi,” ChurchofJesusChrist.org) I le lesona lenei, o le a valaaulia ai tamaiti aoga e faamatala mai le mafuaaga ua avea ai le faaipoipoga o se vaega e tatau ai o le fuafuaga a le Atua. O le a faamautinoa foi e tamaiti aoga mea e mafai ona latou faia e faaaoga le faatuatua i le Tama Faalelagi ma Iesu Keriso i lo latoou aga atu i le faaipoipoga.

Fautuaga mo le Aoao Atu

O le faaipoipoga i le va o se alii ma se tamaitai o se laasaga e tatau ai agai i le avea e faapei o le Atua.

Ina ia amata le vasega, e mafai ona e fesili i tamaiti pe o a talitonuga o tagata i nuu e uiga i le faaipoipoga. Pe e mafai foi ona e faaaogaina le ata faataitai lea:

Ua fai atu se uo lelei ia te oe, “Ou te le malamalama pe aisea e soona popole ai nisi tagata i faaipoipoga. Ua na o se agaifanua faaleagafesootai lava ma se fasipepa. Ua le mafai i se a e ni tagata se toalua ua alofa le tasi i le isi ona tau ina fai sa la’ua lava fuafuaga?”

• O a ni auala e mafai ona e tali atu ai i nei manatu?

Aotele faapuupuu le matalalaga mo le Mataupu Faavae ma Feagaiga 49. Fai i se tagata e faitau leotele le Mataupu Faavae ma Feagaiga 49:15–16 . Valaauli le vasega e mulimuli i le faitauga, ma vaavaai pe o faapefea ona silasila le Alii i le faaipoipoga.

Tusi le aoaoga faavae autu lea mai le folafolaga i le aiga i luga o le laupapa: “O le faaipoipoga i le va o se alii ma se tamaitai ua faauuina e le Atua … [ma] ua taua i Lana fuafuaga e faavavau (“O Le Aiga: O Se Folafolaga i le Lalolagi”).

• O le a faapefea ona e faamatalaina le mafuaaga ua faauuina ai le faaipoipoga i le va o se alii ma se tamaitai ma taua i Lana fuafuaga e faavavau? (Afai e manaomia, tagai i faamalamalamaga o le aoaoga faavae autu lenei i le vaega 1 o anomea mo sauniuniga.)

Faailoa atu o nisi tagata e mananao e faaipoipo atonu e le maua le avanoa e faaipoipo ai i lenei olaga. O isi atonu e oo i se faaipoipoga e le umi.

• O le a se mea o le a e faasoa atu ia i latou ua manatu faapea ua latou le maua avanoa mo le fiafia ma le ola e faavavau ona latou te lei faaipoipo? (Afai e manaomia, valaaulia tagata aoga e toe faamanatu le vaega 2 o anomea mo sauniuniga.)

Tuu atu i tamaiti aoga se taimi e tusifaamaumau o latou lagona e uiga i le fesili lenei:

• O a manatu ma lagona ua e maua ao e mafaufau loloto i le mea moni faapea o le faaipoipoga o se vaega e tatau ai o le fuafuaga a le Atua mo oe lava ia?

I le utuvai mai lou lava aafiaga, e mafai ona e molimau atu i lou aafiaga i le aoaoga faavae autu a le Alii e uiga i le faaipoipoga.

E mafai e le Tama Faalelagi ma Iesu Keriso ona fesoasoani ia i tatou e faatoilalo le fefe ma maua le fiafia ia tatou faaipoipoga.

Faaali le faamatalaga lea: Ou te talitonu o la’u faaipoipoga o se faaipoipoga e alofagia ma tumau. Valaaulia tamaiti aoga e faatulaga filemu e i latou lava i se fuafaatatau mai le 1 i le 4 (1=e le ioeina, 4=ioeina) e faaalia ai le maualuga o lo latou lava talitonuga patino i le faamatalaga lenei. Valaaulia tamaiti aoga e manatunatu pe aisea ua latou lagona ai faapea.

• O a ni popolega po o ni atuatuvalega o e iloa pe o iloa e isi, e uiga i le faaipoipoga, ma pe aisea?

• O a mafuaaga masani a talavou matutua e tolo ai le faaipoipoga?

Faaleleia o Lo Tatou Aoao Atu ma le Aoaoina

Faamautu popolega o tamaiti aoga E mafai e faiaoga ona amatalia se siosiomaga o le faaaloalo ma le loto tatala a o latou faamautuina atugaluga o tamaiti o le vasega nai lo le lu’iina loa lava pe faapasi. Saili ia malamalama pe aisea ua faapena ai lagona o tamaiti e ala i le fai atu i ai o fesili tulitatao nei ma faalogologo ma le toto’a. Faafetai atu i ai i lo latou lotonaunau e faasoa mai o latou lagona. A oo ina lagona e tamaiti aoga ua faalogo mai ma malamalama i o latou atugaluga, i se tulaga aoao o le a foliga latou te talia fautuaga ua saunia e le Alii e fesoasoani ai ia te i latou i o latou atugaluga.

Faamalamalama faapea o gaoioiga nei e aoao mai ai ua faamoemoe e fesoasoani e talanoaina ai nisi o o latou atuatuvalega, popolega, ma fesili. Faatulaga le vasega i ni vaega toalaiti. Tofi se taitai mo vaega taitasi, ma tuu atu ia te ia le tufaaga lea (pe fatufatu foi sau lava e sili ona faatatau i au tamaiti aoga patino). Tuu atu se taimi ia lava mo tamaiti aoga e fai ai ni talanoaga anoa.

Faatoilaloina o le Fefe ma Faateleina le Faalagolago i le Atua

Anomea a le Faiaoga O Le Aiga e Faavavau,---Lesona 6

Faamanatu i le taitai vaega: Faamolemole faaaoga faatonuga nei e faafoe ai se talanoaga ma tagata o lau vaega. Faamalosiau i tagata uma o lau vaega ina ia auai. Peitai, e le tatau ona i ai se tasi e lagona le faamalosia e faasoa mai.

Valaaulia tagata o le vaega e filifili se tasi o fuaitau o mau po o upusii i le vaega 3 o anomea mo sauniuniga e faapitoa ona anoa ia i latou. Valaaulia nisi o i latou e faasoa mai la latou upusii po o le fuaitau. A uma ona faasoa mai tagata taitasi, e mafai ona e fesili:

• E mafai faapefea ona tatou faaaogaina lenei aoaoga e faatoilalo ai le fefe i le faaipoipo po o le fefe o i ai i se tasi i le taimi o le faaipoipoga?

Ona talanoaina lea e le vaega o fesili nei:

• Pe ua e faatoilaloina ou atuatuvalega i le taimi ua tuanai ma faateleina lou faalagolago i le Atua?

• O le a se mea ua e talitonu pe ua e iloa e uiga i le Tama Faalelagi ma Iesu Keriso e mafai ai ona e faatoilaloina le fefe ma talitonuina faatonuga ua La tuuina mai?

© 2022 Puletaofia e le Intellectual Reserve, Inc. Ua taofia aia tatau uma.

Anomea a le Faiaoga O Le Aiga e Faavavau,---Lesona 6

pepa a le faiaoga

A maea se taimi ua lava, valaaulia ni nai taitai o vaega e faasoa mai se upumoni po o se malamalamaaga sa latou maua mai le talanoaga a le latou vaega. E mafai ona e tusia i luga o le laupapa ia mea moni latou te faailoa mai, ia e mafai ona aofia ai se mea moni faapea: A tatou vaavaai atu i le Tama Faalelagi ma Iesu Keriso i le faatuatua, e mafai ona tatou faatoilaloina le fefe ma o le a La ta’ita’ia i tatou i lo tatou ala.

E avea o se molimau faaopoopo o lenei upumoni, mafaufau e faasoa atu le aafiaga o Elder ma Sister Holland i le filifili e faaipoipo o loo maua i le vaega “Manao i Nisi Mea?” o le anomea mo sauniuniga. Pe e mafai foi ona e faasoa atu le aafiaga lenei o Elder Carl B. Cook o le Fitugafulu.

Elder Carl B. Cook

Sa faamatala mai e se alii talavou ia i ma’ua e faapea sa faalotovaivaia o ia i le mauaina o se faaipoipoga fiafia. E le gata ua tete’a ona matua, ae faapena foi uso ma tuagane a ona matua i itu uma e lua o lona aiga. Sa ia fai mai na te lei vaai patino lava i se ulugalii fiafia. Peitai, faatasi ma le fesoasoaniga a le Alii, sa ia tulai ai i luga a’e o ona popolega ma faaipoipo i le malumalu. Ua la maua ma lona toalua le olioli i le la faaipoipoga ma maua ni fanau aulelei se toalima. (Carl B. Cook, “Continually Progressing toward Eternal Marriage” [worldwide devotional for young adults, May 5, 2019], ChurchofJesusChrist.org)

Tuu atu i tamaiti o le vasega ni nai minute e tusifaamaumau ai soo se mea ua latou lagona e fai ina ia faaaoga atili ai le faatuatua i le Tama Faalelagi ma Iesu Keriso e fesootai i le faaipoipoga.

Faamalamalama atu faapea, i le gasologa atoa o lenei kosi, o le a aoao atili ai e tamaiti aoga le ala e mafai ai e le Tama Faalelagi ma Iesu Keriso ona fesoasoani ia i latou ia manuia ma fausia ni faaipoipoga malolosi, e faavavau. Faamautinoa i tamaiti e alolofa le Tama Faalelagi ma Iesu Keriso ia i latou ma ua naunau i la’ua ma tuuto mai e fesoasoani ia i latou.

Mo Le Isi Taimi

Fautuaina tamaiti aoga ia latou suesuega o le anomea mo sauniuniga mo le lesona 7 e mafaufau loloto ma le agaga tatalo i le “itupa o se uiga e tatau ai o [lo tatou] faasinomaga ma le faamoemoega i le muai olaga, olaga faitino, ma le faavavau” (“O Le Aiga: O Se Folafolaga i le Lalolagi”). Valaaulia foi i latou e mafaufau pe mafai faapefea ona latou tali atu ma se alofa faapei o Keriso ia i latou e i ai fesili e fesootai ma le itupa.