Lesona 16 Anomea mo le Sauniuniga o le Vasega: Mauaina o le Fiafia i le Olaga Faaleaiga e ala ia Iesu Keriso
“Lesona 16 Anomea mo le Sauniuniga o le Vasega: Mauaina o le Fiafia i le Olaga Faaleaiga e ala ia Iesu Keriso,” Anomea a le Faiaoga O Le Aiga e Faavavau (2022)
“Lesona 16 Anomea mo le Sauniuniga o le Vasega,” Anomea a le Faiaoga O Le Aiga e Faavavau
Ata
Ua faafeiloai e Iesu se tamaitiiti
Lesona 16 Anomea mo Sauniuniga o le Vasega
Mauaina o le Fiafia i le Olaga Faaleaiga e ala ia Iesu Keriso
Mafaufau mo se minute i taimi na e lagonaina ai le fiafia ma le filemu i lou olaga. A o avea o se tasi o le Au Peresitene o Fitugafulu, na aoao mai e Elder Richard J. Maynes, “O le olioli tatou te maua i lenei olaga o le a ogatusa lelei lava ma le lelei o le faatotonugalemu o o tatou olaga i aoaoga, faataitaiga, ma le taulaga togiola a Iesu Keriso” (“O Le Olioli o le Ola i se Olaga e Faatotonugalemu ia Keriso,” Liahona, Nov. 2015, 28). A o e suesue e sauniuni ai mo le vasega, mafaufau pe mafai faapefea e le faavaeina o lou lava olaga patino ma faaleaiga ia Iesu Keriso ma Ana aoaoga ona aumaia ia te oe le fiafiaga sili, filemu, ma le mautu, tusa lava po o a ou tulaga.
Vaega 1
E mafai faapefea e lo’u aiga ma a’u ona fausia se faavae faaleagaga ia Iesu Keriso?
Pe a fausia se fale, e tuuina atu le gauai ma le faaeteete i lona faavae ma le ituaiga o eleele o le a tu ai. O se faavae mautu o le a faamausali ai le fale ma puipuia ai mai ’au o le natura ma le popolevale o le faaaogaina i aso taitasi. E mafai faapefea e lenei manatu faavae ona fesootai ia te oe a o e atinaeina lou lava olaga patino ma faaleaiga?
Na aoao atu e le perofeta o Helamana ona atalii e uiga i le manaomia ona fau o lo latou faavae faaleagaga i luga o Iesu Keriso.
Ata
aikona, suesue
Suesue e Sauniuni ai mo le Vasega
Faitau le Helamana 5:12, ma vaavaai mo le ala e mafai ai ona faamalolosia i tatou e le fauina i luga “o le papa o lo tatou Olataga” mai tosinaga e faamata’uina ai o tatou olaga patino ma faaleaiga.
A o e faitauina le saunoaga lea a Elder David A. Bednar o le Korama a Aposetolo e Toasefululua, vaavaai mo auala e mafai ona tatou fausia ai le faavae o o tatou olaga patino ma faaleaiga i luga o Iesu Keriso:
Ata
Elder David A. Bednar
O sauniga ma feagaiga o mea faavae ia tatou te faaaogaina e fau ai o tatou olaga i luga o le faavae o Keriso ma Lana Togiola. E mausali lelei tatou fesootaiga i le Faaola pe a tatou mauaina ma le agavaa sauniga ma ulu atu i feagaiga, manatua ma le faamaoni ma faamamalu na tautinoga paia, ma faia le mea sili tatou te mafaia e ola ai e tusa ma matafaioi ua tatou taliaina. Ma o lena sootaga o le puna lea o le malosi ma le tumau faaleagaga i vaitau uma o o tatou olaga. (“O Lea Na Latou Faafilemu Ai Lo Latou Matata’u,” Liahona, Me 2015, 48)
A o galue ai i le Au Peresitene o Fitugafulu, sa aoao mai e Elder Donald L. Hallstrom le mea lenei e uiga i le atinae i luga o le faavae o Iesu Keriso:
Ata
Elder Donald L. Hallstrom
O meafaigaluega uma e te manaomia e fau ai, lipea, pe faamalosia lou faavae o loo avanoa mo oe. E aofia ai le tatalo faifai pea, ma le loto; o le suesue i le talalelei i aso taitasi e ala i tusitusiga paia; o le auai atoatoa i sauniga a le Ekalesia, aemaise e ala i le aai ma feinu i le faamanatuga ma le faamoemoega tonu; auauna atu faifaipea ma le le manatu faapito; ma le tausia ma le maelega o feagaiga.
O se isi meafaigaluega e tatau ai o fautuaga a perofeta soifua. (“Jesus Christ: Our Firm Foundation,” Ensign, Apr. 2016, 61).
Mafaufau e uiga i nisi o ala e sili ona aoga ia te oe po o lou aiga ua fausia ai i luga o le faavae o Iesu Keriso. Tusi i se api po o se polokalama feaveai ni nai mausa po o faiga e mafai ona e faasoa i le vasega.
Vaega 2
O a faamanuiaga o loo avanoa mo a’u ma lo’u aiga pe afai matou te filifili e fausia lo matou faavae i luga o Iesu Keriso ma Ana aoaoga?
Ua tautino mai e perofeta o Aso e Gata Ai, “O le fiafia i le olaga faaleaiga, e tele lava ina ausia, pe a faavae i luga o aoaoga a le Alii o Iesu Keriso” (“O Le Aiga: O Se Folafolaga i le Lalolagi,” ChurchofJesusChrist.org).
Ata
aikona, suesue
Suesue e Sauniuni ai mo le Vasega
Mafaufau i se aoaoga a Iesu Keriso na aumaia ia te oe le fiafia i lou olaga patino pe faaleaiga ina ua e faaaogaina. Sue se fuaitau o se mau o loo i ai lenei aoaoga. Sau sauni i le vasega e faasoa atu mea ua e maua.
Pe a tonu i se vaega o tagata, e pei o se aiga, e fausia o latou olaga i luga o le Faaola ma Ana aoaoga, e mafai ona latou maua faamanuiaga e tele. O se tasi lenei o mafuaaga ua matuai manaia ai ma mamana le manatu faavae o Siona, o se nuu ua “tasi le loto ma tasi le mafaufau, ma [ua nonofo] i le amiotonu” (Mose 7:18). O se tasi faataitaiga o lenei ituaiga o tagata e mafai ona maua i le Tusi a Mamona. I le mavae ai o le asiasiga a le Faaola i tagatanuu o Amerika, sa tuuto faatasi atu tagata e ola i Ana aoaoga.
Ata
aikona, suesue
Suesue e Sauniuni ai mo le Vasega
Suesue le 4 Nifae 1:1, 11–13, 15–18, ma vaavaai mo aoaoga na filifili ia tagata e ola ai ma pe na faapefea ona aafia ai i latou i le ola ai i nei aoaoga.
Ata
aikona, mafaufau loloto
Mafaufau Loloto i Tapenaga mo le Vasega
O fea na e vaai ai i faataitaiga o ituaiga o faamanuiaga o loo faamatala mai i lenei fuaitau o mau? Mata o a ni foliga pe afai e galulue faatasi se aiga e fausia o latou olaga i luga o Iesu Keriso ma Ana aoaoga? E mafai faapefea ona amata nei ona e saili, pe mafai foi faapefea ona faaauau ona e sailia, lenei tulaga taua?
O a ni faalavefau e mafai ona taofia ai a’u ma lo’u aiga mai le fausiaina o se faavae i luga o Iesu Keriso?
Na aoao mai Elder Richard G. Scott o le Korama a Aposetolo e Toasefululua ia auala e taumafai ai le fili e taofiofia i tatou mai le fauina o o tatou olaga i luga o le Faaola ma Ana aoaoga.
Ata
Elder Richard G. Scott
O le a taumafai Satani ma ana ’au e faia mea uma i lo latou mana e taofiofia ai i tatou mai le mauaina o sauniga e manaomia mo se aiga lelei. O le a taumafai o ia e tata’i ese oe mai le faatotonugalemuina o lou mafaufau ma le loto i le tausiaina o se aiga malosi e ala i le faafaileleina o lau fanau e pei ona finagalo ai le Alii.
… Ua ia Satani se meafaigaluega mamana e faaaoga faasaga i tagata lelei. O le faatosinaga. Na te faatosinaina tagata lelei e faatumu o latou olaga i “mea lelei” ina ia aua nei iai se avanoa mo mea e tatau ai. (“Muamua Mea e Muamua,” Ensign, Me 2001, 7)
Mafaufau e uiga i ni nai “mea lelei” ua e vaai i ai o tata’iesea tagata mai le taulai atu i mea e tatau ai i o latou olaga patino pe faaleaiga.
O nisi o i tatou atonu e i ai ni tu masani faaleaganuu pe faaleaiga po o ni faiga e taofiofia ai i tatou mai le fausiaina o o tatou faavae mautu i luga o Iesu Keriso ma Lana talalelei (tagai i le Mataupu Faavae ma Feagaiga 93:39). Sa aoao mai Peresitene Dallin H. Oaks o le Au Peresitene Sili:
Ata
Peresitene Dallin H. Oaks
Ina ia fesoasoani i ona tagata i le lalolagi uma, ua aoaoina i tatou e le Ekalesia e lafoai soo se tu masani po o faiga faaletagata lava ia po o le aiga, e feteenai ma aoaoga a le Ekalesia a Iesu Keriso ma i lenei aganuu faaletalalelei. (“The Gospel Culture,” Ensign, Mar. 2012, 42)
Mafaufau pe o a isi faalavefau e ono taofia ai oe po o lou aiga mai le fausiaina atoa o lou faavae i luga o le Faaola.
Ina ua maea ona talanoaina le galuega sa faia e le aufaigaluega o le fauga ia puipuia ma faafou ai le faavae ma le fausaga o le Malumalu o Sate Leki, sa fautuaina e Elder Gary E. Stevenson o le Korama a Aposetolo e Toasefululua mea nei:
Ata
Elder Gary E. Stevenson
O se iloiloga o’oo’o e ono faaali mai ai e faapea, e mafai foi e i tatou ma o tatou aiga ona manuia mai lo tatou faia o ni nai teuteuga moomia ma galuega toe faufau, e oo lava i le faafouga!. E mafai ona tatou amataina se na faagasologa i le fesili:
“E faape’i ni foliga o lo’u faavae?
“O a ni mea o fau ai maatulimanu puipui-mafiafia, mautu, malolosi o se vaega o lo’u faavae patino, lea o loo taoto ai la’u molimau?”
“O a elemene faalefaavae o lo’u tagata faaleagaga ma faalelagona o le a ou mafai ai ma mafai e lo’u aiga ona tumau mausali ma le lē maluelue, e tatalia ai le galulu o le lalolagi ma gaoioiga ogaoga mo le puipuiga o le a oo mai i o matou olaga?” (O Se Faavae Lelei mo Aso Atalī, Liahona, Me 2020, 50)
Ata
aikona, faatino
Faatino
Toe manatu i fesili na fai mai e Elder Stevenson: E mafai faapefea ona e faatuina atoatoa atili lou faavae---au faamuamua, tulaga faatauaina, faiga o faaiuga, faaaogaina o le taimi, ma isi mea---i luga o Iesu Keriso ma Lana talalelei? Tusifaamaumau se sini po o se fuafuaga e mafai ona e galue ai i lenei vaiaso.
