Tukupā

Taimi Lōloa Tahá: Miniti ʻe 5

Lau mo ho hoa ngāué ʻa e ngaahi tukupā takitaha ʻi laló. ʻE fakautuutu ʻaupito ho ivi ke ikuna ʻi he kamataʻi pe fakatupulaki hoʻo pisinisí, kapau te ke tauhi fakamātoato hoʻo ngaahi tukupā fakauiké. Palōmesi ke tauhi hoʻo ngaahi tukupaá pea toki fakamoʻoni hingoa ʻi lalo.

Ko ʻEku Ngaahi Tukupaá
A. Te u tauhi e ngaahi tukupā ʻo e “Ko Hoku Fakavaʻé” ki he uike ní: Fakakakato ʻa e ʻekitivitī “ko hono fokotuʻu e ngaahi taumuʻá” mo e “ko hono kumi ha taha faifakahinohinó.” Fakaʻosi hono tohi hoʻo palani “misiona ʻo e moʻuí” pea aleaʻi ia mo e fāmilí pe kaungāmeʻá. Kole ha taha ke hoko ko hoku taha faifakahinohino mo fokotuʻu ha taimi ke talanoa ai.
E. Te u hiki ha palani ʻi heʻeku kiʻi tohi pisinisí ʻo fakaʻāuliliki ai e ngaahi founga ʻoku ou palani ke fakatupulaki ai ʻeku pisinisí ʻi he taimi totonú.
F. Te u hiki ha palani ʻi heʻeku kiʻi tohi pisinisí ʻo fakaʻāuliliki ai ʻa e ngaahi founga te u holoki ai e ngaahi fakamole ʻo ʻeku pisinisí.
H. Te u to e vakaiʻi ʻeku peesi “Fakalaulaulotó” mo tauhi ʻa e ngaahi tukupaá.
I. Te u fetuʻutaki mo poupou ki hoku hoa ngāué.

Manatuʻi ʻe kole atu ʻi he uike kahaʻú ke ke lipooti e lahi ʻo e ngaahi ʻaho ne ke talanoa ai mo ha kau kasitomā, tohi ʻi hoʻo kiʻi tohi pisinisí, fakatau, mo lekooti e fakaikiiki ʻo e meʻa fakapaʻangá (vakai ki he saati “Fakafuofuaʻi ʻo ʻEku Ngāué” ʻi he kamataʻanga ʻo e tohí).

Ko ʻeku fakamoʻoni hingoá

Fakamoʻoni hingoa ʻa e hoa ngāué

Fai ha lotu tuku.