“Ko Hono Feau ʻo e Ngaahi Fiemaʻu ʻOku ʻIkai Maʻu ʻe he Kasitomaá,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)
“Ko Hono Feau ʻo e Ngaahi Fiemaʻu Naʻe ʻIkai Maʻu ʻe he Kasitomaá”
Fakalaulauloto
Taimi Lōloa Tahá: Miniti ʻe 5
Fakakaukau fakafoʻituitui ki he meʻa kuó ke ako he ʻaho ní mo fakakaukauʻi ʻa e meʻa ne mei finangalo ʻa e ʻEikí ke ke faí. Lau ʻa e potu folofola ʻi laló pea hiki e tali ki he ngaahi fehuʻí.
“Falala [ki he ʻEikí] ʻaki ho lotó kotoa; pea ʻoua naʻa faʻaki ki ho poto ʻoʻoú. “Ke ke fakaongoongo kiate ia ʻi ho hala kotoa pē, pea ʻe fakatonutonu ʻe ia ʻa ho ngaahi ʻalungá” Lea Fakatātā 3:5–6).
Ngaahi Fiemaʻu ʻOku ʻIkai Maʻu ʻe he Kasitomaá
Fakatatau mo e meʻa kuó ke ako ʻi he ʻaho ní, ko e hā ha fiemaʻu pe paloplema ʻa e kasitomaá ʻoku ʻikai maʻu, ʻokú ke ongoʻi ke feau ki he faingamālie hoʻo pisinisí?
Hiki ʻa e fiemaʻu pe palopalema te ke fakaleleiʻi ʻi he “Fiemaʻu pe palopalema ʻa e kasitomaá, te u fakaleleiʻi” ʻi hoʻo Palani Pisinisi Fakatāutahá. Mahalo te ke fie fakatonutonu e konga ko ʻení ʻi hoʻomou talanoá pea mo ʻilo lahi angé.
Ngaahi Feʻauʻauhi Leleí
Ko e hā ha ngaahi feʻauʻauhi lelei kuo mou fakatokangaʻi ʻi homou faingamālie fakapisinisí?
Hiki hoʻo ngaahi lelei he feʻauhí ʻi he “Fakamoʻoni ʻoku kehe pe lelei ange ʻeku ngāué pe koloá” ʻi hoʻo Palani Pisinisi Fakatāutahá.