“Ko Hono Fakapapauʻi ʻOku ʻi ai Haʻaku Pisinisi ʻOku Tupú: Lipooti,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)
“Ko Hono Fakapapauʻi ʻOku ʻi ai Haʻaku Pisinisi ʻOku Tupú: Lipooti”
Lipooti
Taimi Lōloa Tahá: Miniti ʻe 25
Fai ha fua lotu.
Ngaahi Tukupā ʻo e Uike Kuo ʻOsí
|
A. Tauhi e ngaahi tukupā ʻo e “Ko Hoku Fakavaʻé.” |
|
E. Faʻu ha lisi ʻo ha ngaahi fiemaʻu ʻe nima ʻa ha kasitomā ʻi heʻeku kiʻi tohi pisinisí. |
|
F. Faʻu ha lisi ʻo ha ngaahi lelei feʻauʻauhi ki ha pisinisi kehekehe ʻe nima ʻi heʻeku kiʻi tohi pisinisí. |
|
H. Vakaiʻi ʻeku peesi “Fakalaulaulotó” pea tauhi e ngaahi tukupaá. |
|
I. Fetuʻutaki mo poupouʻi hoku hoa ngāué. |
Sitepu 1: Vakaiʻi mo e Hoa Ngāué (miniti ʻe 5)
Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Ngāueʻaki e saati “Ko Hono Fakafuofuaʻi ʻo ʻEku Ngāue” ʻi laló. Hili ia peá ke vahevahe mo ho hoa ngāué hono vakaiʻí peá mo aleaʻi ʻa e fehuʻi ʻi laló. Fakatokangaʻi ange ko e “Fakatau Atú” mo e “Ngaahi Fakaikiiki ʻo e Lekooti Fakapaʻangá” ko ha ongo poto ia te tau kamata ako fakahoko ʻi he ngaahi vahe kimuí.
Aleaʻi:
Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?
Sitepu 2: Lipooti ki he Kulupú (miniti ʻe 8)
Hili hono vakaiʻi hoʻomo ngāué, toe fakataha mai e kulupú pea lipooti ai hoʻomo ngaahi olá. ʻAlu takai ʻi he kulupú ʻo tuku ke nau takitaha fakahā pe naʻe “kulokula,” “engeenga,” pe “lanumata” ʻenau tukupā takitaha ʻo e uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti he saati “Ko Hono Fakafuofuaʻi ʻo ʻEku Ngāué.”
Sitepu 3: Vahevahe Hoʻo Ngaahi Aʻusiá (miniti ʻe 10)
Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.
Aleaʻi:
-
Ko e hā ha ngaahi meʻa ne ke aʻusia ʻi hoʻo tauhi hoʻo ngaahi tukupā ʻo e “Ko Hoku Fakavaʻé”?
-
Ko e hā naʻá ke ako fekauʻaki mo e ngaahi fiemaʻu mo e ngaahi lelei fakapisinisi ʻa e kasitomaá ʻi hoʻo talanoa mo e kakaí he uike ní?
-
ʻOku tokoni fēfē kiate koe ʻa e ngāue mo ha hoa ngāué?
Sitepu 4: Fili ʻo e Ngaahi Hoa Ngāué (miniti ʻe 2)
Fili ha hoa ngāue mei he kulupú ki he uike ka hokó. Ko e angamahení, ko e ngaahi hoa ngāué ko ha ongo tangata pe ongo fefine mei ha fāmili kehekehe.
Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.
Hingoa ʻo e hoa ngāué
Fakamatala ki he fetuʻutakí
Hiki ʻa e founga mo e taimi te mo fetuʻutaki ai he uike ní.