“Ko Hono Feau ʻo e Ngaahi Fiemaʻu ʻOku ʻIkai Maʻu ʻe he Kasitomaá,” Ko Hono Kamata mo Hono Fakatupulaki ʻo ʻEku Pisinisí ke Moʻui Fakafalala pē Kiate Aú (2017)
“Ko Hono Feau ʻo e Ngaahi Fiemaʻu ʻOku ʻIkai Maʻu ʻe he Kasitomaá: Lipooti”
Lipooti
Taimi Lōloa Tahá: Miniti ʻe 25
Fai ha fua lotu.
Ngaahi Tukupā ʻo e Uike Kuo ʻOsí
|
A. Tauhi e ngaahi tukupā ʻo e “Ko Hoku Fakavaʻé.” |
|
E. Kau ʻi he Tukupā Meʻa Puke Pepá pea lipooti ʻeku aʻusiá ʻi he uike kahaʻú. |
|
F. Kamata tohi ʻi heʻeku kiʻi tohi pisinisí ʻi he ʻaho kotoa pea ʻomi ia ki heʻemau fakataha ka hokó. |
|
H. To e fakamanatu ʻeku peesi “Fakalaulaulotó” mo tauhi e ngaahi tukupaá. |
|
I. Fetuʻutaki mo poupouʻi hoku hoa ngāué. |
Sitepu 1: Vakaiʻi mo e Hoa Ngāué (miniti ʻe 5)
Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Fakafuofuaʻi ʻo ʻEku Ngāué” ʻi he kamataʻanga ʻo e tohi ngāue ko ʻení. Hili ia peá ke vahevahe mo ho hoa ngāué hono vakaiʻí peá mo aleaʻi ʻa e fehuʻi ʻi laló. Fakatokangaʻi ange ko e “Fakatau Atú” mo e “Ngaahi Fakaikiiki ʻo e Lekooti Fakapaʻangá” ko ha ongo poto ia te tau kamata ako fakahoko ʻi he ngaahi vahe kimuí.
Aleaʻi:
Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?
Sitepu 2: Lipooti ki he Kulupú (miniti ʻe 8)
Hili hono vakaiʻi hoʻomou ngāué, toe fakataha mai e kulupú pea lipooti ai hoʻomou ngaahi olá. ʻAlu takai ʻi he kulupú ʻo tuku ke nau takitaha fakahā pe naʻe “kulokula,” “engeenga,” pe “lanumata” ʻenau tukupā takitaha ʻo e uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti he saati “Ko Hono Fakafuofuaʻi ʻo ʻEku Ngāué.”
Sitepu 3: Vahevahe Hoʻo Ngaahi Aʻusiá (miniti ʻe 10)
Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.
Aleaʻi:
-
Ko e hā ha ngaahi meʻa ne ke aʻusia ʻi hoʻo tauhi hoʻo ngaahi tukupā ʻo e “Ko Hoku Fakavaʻé”?
-
Ko e hā hoʻo aʻusia ʻi he Tukupā Meʻa Fakamaʻu Pepá? Ko e hā naʻá ke ako mei he aʻusia ko ʻení?
-
ʻOku fēfē ʻa e tokoni atu ʻo e ngāue mo e hoa ngāué?
Sitepu 4: Fili ʻo e Ngaahi Hoa Ngāué (miniti ʻe 2)
Fili ha hoa ngāue mei he kulupú ki he uike ka hokó. Ko e angamahení, ko e ngaahi hoa ngāué ko ha ongo tangata pe ongo fefine mei ha fāmili kehekehe.
Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.
Hingoa ʻo e hoa ngāué
Fakamatala ki he fetuʻutakí
Hiki ʻa e founga mo e taimi te mo fetuʻutaki ai he uike ní.