Moʻui Fakafalala a Pē Kiate Kitá
5: Tukupā


“Ko Hono Pukepuke ʻo e Kau Kasitomaá: Tukupā,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)

“Ko Hono Pukepuke ʻo e Kau Kasitomaá: Tukupā”

Tukupā

Taimi Lōloa Tahá: Miniti ʻe 5

Ko Hono Fakakau mo Fakafanongo ki Hoʻo Kau Kasitomaá

Lau:

ʻOku tau maʻu ha ngaahi meʻangāue mo ha ngaahi tekinolosia lahi ke fakakau mo fakafanongo ai ki heʻetau kau kasitomaá. ʻOku faʻa ʻahiʻahiʻi ʻe he kau maʻu pisinisí ha ngaahi founga kehekehe ke ʻilo ai e founga lelei taha ke fetuʻutaki ai mo ʻenau kau kasitomaá. Uike ní:

  • ʻAhiʻahiʻi ʻa e ngaahi founga ke fakakau mo fakafanongo ai ki hoʻo kau kasitomaá.

  • Hiki ʻa e meʻa naʻá ke akó ʻi hoʻo kiʻi tohi pisinisí.

  • Mateuteu ke vahevahe hoʻo ngaahi olá mo e kulupú, ʻi he uike kahaʻú.

Ko Hono Pukepuke Hoʻo Kau Kasitomaá

Lau:

Ko e kau maʻu pisinisi leleí ʻoku nau talanoa mo ʻenau kau kasitomaá ke maʻu ha ngaahi fakakaukau fekauʻaki mo e founga ke ʻai ai ʻenau pisinisí ke feʻauʻauhi lelei ange. Uike ní:

  • Talanoa mo e kau kasitomā lolotongá pe niʻihi te nau ala hoko ko ha kau kasitomaá ki he founga te ke lava ai ʻo pukepuke pe maʻu ʻenau pisinisí.

  • Hiki ʻa e ngaahi fakakaukaú ʻi hoʻo kiʻi tohi pisinisí.

  • ʻĪmisi
    Fakaʻilonga ʻo e Palani Pisinisi Fakatāutahá

    Fakafonu ʻa e konga ko e “Pukepuké” ʻi he konga ʻo e “Te u Maʻu mo Pukepuke Fēfē ʻEku Kau Kasitomaá?” ʻi hoʻo Palani Pisinisi Fakatāutahá.

  • ʻAhiʻahiʻi he taimí ni ʻa e ngaahi fakakaukau ko ʻení mo hoʻo kau kasitomaá.

ʻĪmisi
Hangē ko ʻení: Te u pukepuke fēfē ʻeku kau kasitomaá?

Lau mo ho hoa ngāué ʻa e ngaahi tukupā takitaha ʻi laló. ʻE fakautuutu ʻaupito ho ivi ke ikuna ʻi he kamataʻi pe fakatupulaki hoʻo pisinisí, kapau te ke tauhi fakamātoato hoʻo ngaahi tukupā fakauiké. Palōmesi ke tauhi hoʻo ngaahi tukupaá pea toki fakamoʻoni hingoa ʻi lalo.

Ko ʻEku Ngaahi Tukupaá

A. Te u tauhi e ngaahi tukupā ʻo e “Ko Hoku Fakavaʻé” ki he uike ní:

  • Akoako fakahoko e ngaahi sitepu ‘i he “Ko Hoku Fakavaʻé” ke fakaʻaongaʻi fakapotopoto ange hoku taimí mo lipooti ʻi he pō kotoa ki he Tamai Hēvaní ʻi heʻeku lotú.

  • Vahevahe mo hoku familí pe ngaahi kaungāmeʻá ʻa e meʻa kuó u ako he ʻahó ni fekauʻaki mo hono fakaʻaongaʻi fakapotopoto e taimí.

E. Te u ʻahiʻahiʻi ha ngaahi founga foʻou ke fakakau mo fakafanongo ki heʻeku kau kasitomaá pea lipooti ʻeku aʻusiá ʻi he uike kahaʻú.

F. Te u fakafonu e konga ʻo e “Pukepuké” ʻi he “Te u Maʻu Fēfē mo Pukepuke ʻeku kau kasitomaá?” ʻi heʻeku Palani Pisinisi Fakatāutahá.

H. Te u to e vakaiʻi ʻeku peesi “Fakalaulaulotó” mo tauhi ʻa e ngaahi tukupaá.

I.Te u fetuʻutaki mo poupou ki hoku hoa ngāué.

Manatuʻi ʻe kole atu ʻi he uike kahaʻú ke ke lipooti e lahi ʻo e ngaahi ʻaho ne ke talanoa ai mo ha kau kasitomā, tohi ʻi hoʻo kiʻi tohi pisinisí, mo fakatau atu (vakai, saati “Ko Hono Fakafuofuaʻi ʻEku Ngāué” ʻi he kamataʻanga ʻo e tohí)

Ko ʻeku fakamoʻoni hingoá

Fakamoʻoni hingoa ʻa e hoa ngāué

Fai ha lotu tuku.