Ko e fē ha taimi kuo tali ai ʻe he Tamai Hēvaní ʻeku ngaahi lotú?
“Creating Lift,” ʻoku maʻu ʻi he srs.lds.org/videos (ʻIkai ha vitiō? Lau e fakamatala ʻi he fakaʻosinga ʻo e konga ko ʻení.)
Te tau lava fēfē ʻo ʻiloʻi e tali ki heʻetau ngaahi lotú? Ko e hā ʻoku hoko ai e fakafanongó ko ha konga mahuʻinga ʻo e lotú?
Tokāteline mo e Ngaahi Fuakava 8:2 mo e lea ʻa Palesiteni Lāsolo M. Nalesoní.
Ko e hā ʻoku hoko ai e fakafanongó ko ha taukei mahuʻingá? ʻE lava fēfē ke tokoniʻi kitautolu ʻe he fakafanongo fakaleleí, ʻi heʻetau ngāué?
Sitepu 1: Lau fakakulupu ʻa e ngaahi sitepu ʻi he puha ʻi laló pea aleaʻi taimi nounou e founga te nau lava ai ʻo ʻai ke ke hoko ko ha taha fanongo lelei ange.
ʻĪmisi
Ngaahi sitepu ki he fakafanongo leleí
Sitepu 2: Kole ki ha mēmipa ʻe toko taha pe toko ua ʻo e kulupú ke na fakamatala ki he toengá haʻana palopalema pe fehuʻi. ʻOku totonu ke feinga ʻa e toengá ke nau fanongo, ʻo muimui ʻi he ngaahi sitepu ʻi ʻolungá.
Sitepu 3: Ko ʻene ʻosi pē, ʻeke ki he kau mēmipa ʻo e kulupú naʻe leá, pe ko e hā ʻenau ongo ʻi he taimi naʻe feinga moʻoni ai ʻa e kulupú ke fakafanongó.
Lau e lea ʻa Palesiteni Henelī B. ʻAealingí mo ʻEletā Lōpeti D. Heilí.
Tukupā ke fakahoko ʻa e ngaahi ngāue ko ʻení he lolotonga ʻo e uiké.
Lotu fakafoʻituitui mo fakafāmili he pongipongi mo e pō kotoa pē. Tuku ha taimi ʻi he ʻosi ʻo e lotu tāumaʻu kotoa pē ke fakafanongo ai ki ha fakahinohino.
Vahevahe ʻa e meʻa kuó ke ako he ʻahó ni fekauʻaki mo e fetuʻutaki mo ho fāmilí pe kaungāmeʻá.
Kapau ʻoku ʻikai ke mou lava ʻo mamata ʻi he foʻi vitioó, fili ha mēmipa ʻo e kulupú ke ne lau ʻa e fakamatala ko ʻení.
ʻĪmisi
Ako ki ha Tuʻunga Moʻui ʻoku Lelei Angé
Palesiteni Tietā F. ʻUkitofa: Ke lava ha vakapuna ʻo mavahe mei he kelekelé, kuo pau ke ke ʻai ia ke mahiki hake. ʻI he puna vakapuná, ʻoku lava ke mahiki hake ia ʻi he taimi ʻoku puhiʻi atu ai e ʻeá ʻi ʻolunga he ongo kapakaú ʻi ha founga ʻe mālohi ange ai e ʻea ʻoku puhi atu ʻi he lalo kapakaú kae ʻikai ko ʻolunga. ʻI he taimi ʻoku mālohi ai e mahiki ʻa e vakapuná ʻo lahi ange ia ʻi he fusi ʻa e kalāvité ki laló, ʻe mavahe hake leva ʻa e vakapuná mei he kelekelé pea lava ʻo puna.
ʻI he founga tatau pē, te tau lava ʻo hikiʻi hake ʻetau moʻui fakalaumālié. ʻI he taimi ʻoku lahi ange ai e mālohi ʻokú ne teke hake kitautolu ki he langí ʻi he ngaahi ʻahiʻahi mo e faingataʻa ʻoku nau fusi hifo kitautolu ki laló, te tau lava ʻo puna fakatuputupulangi ke aʻu ki he ʻafioʻanga ʻo e Laumālié.
Neongo ʻoku lahi ʻa e ngaahi tefitoʻi moʻoni ʻo e ongoongoleleí ʻokú ne tokoniʻi kitautolu ke tau mahiki haké, ka te u nofo taha pē ʻi ha tefitoʻi moʻoni ʻe taha.
Lotu!
Ko e lotú ko e taha ia ʻo e ngaahi tefitoʻi moʻoni ʻo e ongoongoleleí ʻokú ne hikiʻi hake kitautolú. ʻOku maʻu ʻe he lotú ʻa e mālohi ke hiki kitautolu ke tau mavahe hake mei he ngaahi meʻa ʻo e māmaní ʻoku tau hohaʻa ki aí. ʻE lava e lotú ʻo hiki fakalaka hake kitautolu ʻi he ngaahi ʻao ʻo e siva ʻa e ʻamanakí mo e fakapoʻulí ki ha tafaʻaki-langi ʻoku maama mo maʻá.
Ko e taha ʻo e ngaahi tāpuaki mo e ngaahi faingamālie maʻongoʻonga taha ʻoku tau maʻu ko e fānau ʻa ʻetau Tamai Hēvaní, ko e lava ko ia ke tau fetuʻutaki mo Iá ʻi he lotu. Te tau lava ʻo talanoa kiate Ia kau ki he ngaahi meʻa ʻoku tau aʻusia ʻi he moʻuí, ngaahi faingataʻaʻiá, mo hotau ngaahi tāpuakí. ʻE lava ke tau fakafanongo pea maʻu ha tataki fakalangi mei he Laumālie Māʻoniʻoní ʻi ha taimi pe faʻahinga feituʻu pē.
(Vakai, Dieter F. Uchtdorf, “Lotú mo e Tafaʻaki-Langi Lanu Puluú,” Ensign pe Liahona , Sune 2009, 5–6)