Ko hoku Fakavaʻé: Ko Hono Fakaleleiʻi ʻo e Ngaahi Palopalemá

Taimi Lōloa Tahá: Miniti ʻe 20

Fakalaulauloto:

Ko e hā ʻoku tuku ai ʻe he Tamai Hēvaní ke tau fepaki mo e ngaahi palopalemá mo e faingataʻá?

Mamataʻi:

“A Bigger Truck?” ʻoku maʻu ʻi he srs.lds.org/videos (ʻIkai ha vitiō? Lau e fakamatala ʻi he fakaʻosinga ʻo e konga ko ʻení.)

Aleaʻi:

Ko e hā ʻa e palopalema totonu ʻi he talanoa ko ʻení? Ko e hā ha toe ngaahi fili ke fai ʻe he ongo tangatá ni?

Lau:

Tokateline mo e ngaahi Fuakava 9:7–9 mo e lea ʻa ʻEletā Lōpeti D. Heilí.

Tokāteline mo e Ngaahi Fuakava 9:7–9

“Vakai, naʻe ʻikai mahino kiate koe; naʻá ke pehē te u foaki ia kiate koe, ka naʻe ʻikai te ke fai ha fakakaukau ki ai tuku kehe pē ke kole kiate au.

“Kae vakai, ʻoku ou pehē kiate koe, kuo pau ke ke fakakaukauʻi ia ʻi ho ʻatamaí; pea kuo pau ke ke toki fehuʻi mai kiate au pe ʻoku totonu ia, pea kapau ʻoku totonu ia, te u ngaohi ke māfana ʻa ho lotó ʻiate koe; ko ia, te ke ongoʻi ʻoku totonu ia.

“Ka ʻo kapau ʻoku ʻikai ke totonu ia ʻe ʻikai te ke ongoʻi pehē, ka te ke maʻu ha fakakaukau fiemohea, ʻa ia ʻe fakatupu ai ʻene ngalo ʻiate koe ʻa e meʻa ʻoku halá.”

ʻEletā Robert D. Hales

“ʻOku fie maʻu ʻe he ʻEikí ke tau tokoni ʻo fakaleleiʻi pē ʻetau ngaahi palopalemá. … Ko ha kakai mohu fakakaukau, mo mohu ʻuhinga kitautolu. ʻOku tau lava ʻo ʻiloʻi ʻetau ngaahi fiemaʻú, ke palani, fokotuʻu ha ngaahi taumuʻa, pea mo fakaleleiʻi ʻetau ngaahi palopalemá.”

“Every Good Gift,” New Era, Aug. 1983, 8,9

ʻEkitivitī (miniti ʻe 5)

Sitepu 1: Lau fakafoʻituitui e sipinga fakalelei-palopalema ʻi he puha ʻi laló.

Sīpinga fakalelei-palopalemá

Sitepu 2: Fili ha palopalema ʻokú ke fepaki mo ia pea hiki ia ʻi lalo.

Sitepu 3: Tuku ha taimi he lolotonga ʻo e uiké ke ke fakaʻaongaʻi ai e ngaahi sitepu takitaha mei he sīpinga fakalelei palopalemá ki hoʻo palopalemá. Hiki hoʻo talí ʻi he feituʻu ʻatā ʻi laló.

(1) ʻAi ke ʻIloʻi:

(2) Ngaahi founga ʻoku filí:

(3) Fakapapauʻi pea ngāue:

Lau:

1 Nīfai 17:51 mo e 1 Nīfai 18:2–3.

1 Nīfai 17:51

“Pea ko ʻeni, kapau ʻoku ʻi he ʻEikí ʻa e mālohi lahi pehē, pea kuó ne fai ha ngaahi mana lahi pehē ʻi he lotolotonga ʻo e fānau ʻa e tangatá, ko e hā nai ʻoku ʻikai ai te ne fakahinohinoʻi au ke u foʻu ha vaká?”

3 Nīfai 18:2–3

“Pea ko ʻeni ko au, Nīfai, naʻe ʻikai te u ngaohi ʻa e ngaahi ʻakaú ʻo hangē ko e founga kuo poto ai ʻa e tangatá; pea ʻikai foki te u foʻu ʻa e vaká ʻo hangē ko e founga ʻa e tangatá; ka naʻá ku ngaohi ia ʻo fakatatau ki he founga kuo fakahā kiate au ʻe he ʻEikí; ko ia, naʻe ʻikai fakatatau ia mo e founga ʻa e tangatá.

“Pea ko au Nīfai, naʻá ku ʻalu tuʻo lahi ki he moʻungá, peá u lotu tuʻo lahi ki he ʻEikí; ko ia, naʻe fakahā mai ʻe he ʻEikí kiate au ʻa e ngaahi meʻa lalahi.”

Aleaʻi:

Naʻe founga fēfē ʻa e lava ʻe Nīfai ke foʻu ha vaká?

Tukupā:

Tukupā ke fakahoko ʻa e ngaahi ngāue ko ʻení he lolotonga ʻo e uiké.

• Ngaueʻi ʻa e ngaahi sitepu ne mou aleaʻi ʻi he ʻekitivitií ke kamata hono fakaleleiʻi hoʻomou palopalemá. Manatuʻi, ʻoua ʻe foʻi. ʻOku fie maʻu ha taimi lahi ke fakaleleiʻi ai e ngaahi palopalemá mo fai e ngaahi liliú.

• Vahevahe ʻa e meʻa kuó ke ako he ʻaho ní mo ho fāmilí pe ngaahi kaungāmeʻá, fekauʻaki mo e fakaleleiʻi ʻo e ngaahi palopalemá.

A Bigger Truck?

Kapau ʻoku ʻikai ke mou lava ʻo mamata ʻi he foʻi vitioó, fili ha mēmipa ʻo e kulupú ke ne lau ʻa e fakamatala ko ʻení.

A Bigger Truck?

ʻEletā Tāleni H. ʻOakesi: Naʻe fokotuʻu ʻe ha ongo tangata haʻana kautaha. Naʻá na langa ha kiʻi palepale ʻi ha veʻehala femoʻuekina. Naʻá na fakatau ha loli ʻo lele ai ki ha ngoue ʻa ha taha faama, ʻo fakatau ha uta meleni naʻe paʻanga ʻe taha ki he foʻi meleni. Naʻá na lele mai ʻi he lolí ki hona kiʻi palepale he veʻe halá, ʻo fakatau atu ai ʻena melení ʻi he paʻanga ʻe taha ki he foʻi meleni.

Naʻá na toe foki ki he fāmá ʻo fakatau mai ha uta meleni ʻe taha ʻi he paʻanga ʻe taha ki he foʻi meleni. Naʻá na ʻomai ia ki he veʻe halá, ʻo toe fakatau atu ʻi he paʻanga ʻe taha ki he foʻi meleni. ʻI heʻena toe foki ki he fāmá ke ʻomi ha toe uta ʻe tahá, naʻe pehē ange ʻe ha taha ʻiate kinaua, “ʻOku ʻikai ke ta maʻu ha paʻanga fēfē ʻi he pisinisí, ko ia?”

Tali ange ʻe hono hoa ngāué, “ʻIkai, ʻoku ʻikai.”

“ʻOkú ke pehē ʻokú ta fie maʻu ha loli lahi ange?”

(“Focus and Priorities,” Ensign,May 2001, 82)