Lipooti

Taimi Lahi Tahá: Miniti ʻe 15

Fai ha fua lotu.

Koeʻuhí ʻoku tau fie maʻu ha taimi ke fakakaukau ai ki he uike ʻe 12 kuo hili ʻo e kalasí ni, ke aleaʻi e founga ke laka ai kimuʻá, pea mo tuku ki he kau mēmipa ʻo e kulupú ha taimi ke fai ai ʻenau ngaahi fakamatala fakapisinisí, palani ke houa ʻe 2.5 ʻa e fakataha ko ʻení.

Ngaahi Tukupā ʻo e Uike Kuo ʻOsí

A. Tauhi e ngaahi tukupā ʻo e “Ko Hoku Fakavaʻé.”

E. Fakatotoloʻi e ngaahi fiemaʻu fakalao mo e ngaahi tuʻutuʻuni ki heʻeku pisinisí.

F. Teuteu mo ako fakahoko e fakamatala (presentation) ki heʻeku pisinisí.

H. To e fakamanatu ʻeku peesi “Fakalaulaulotó” mo tauhi e ngaahi tukupaá.

I. Fetuʻutaki mo poupouʻi hoku hoa ngāué.

Sitepu 1: Vakaiʻi mo e Hoa Ngāué (miniti ʻe 5)

Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Fakafuofuaʻi ʻo ʻEku Ngāué” ʻi he kamataʻanga ʻo e tohi ngāue ko ʻení. Hili ia pea vahevahe mo ho hoa ngāué hono vakaiʻí pea aleaʻi mo ia ʻa e fehuʻi ʻi laló.

Aleaʻi:

Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?

Saati Fakafuofuaʻi ʻo ʻEku Ngāué

Sitepu 2: Lipooti ki he Kulupú (miniti ʻe 8)

Hili hono vakaiʻi hoʻomo ngāué, toe fakataha mai e kulupú pea lipooti ai hoʻomo ngaahi olá. Vilo takai ʻi he kulupú ke nau takitaha fakahā pe naʻe “kulokula,” “engeenga,” pe “lanumata” ʻenau tukupā ʻi he uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti he saati “Ko Hono Fakafuofuaʻi ʻo ʻEku Ngāué.”

Sitepu 3: Vahevahe Hoʻomou Ngaahi Aʻusiá (miniti ʻe 10)

Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.

Aleaʻi:

• Ko e hā ha ngaahi aʻusia naʻe hoko ʻi hoʻo tauhi e ngaahi tukupā ʻo e “Ko Hoku Fakavaʻé?

• Ko e hā naʻá ke ako ʻi hoʻo fekumi ki he ngaahi fiemaʻu fakalao mo fakatuʻutuʻuni ki hoʻo pisinisí?

Sitepu 4: Fili ʻo e Ngaahi Hoa Ngāué (miniti ʻe 2)

Fili ha hoa ngāue mei he kulupú ki he uike ka hokó. Ko e angamahení, ko e ngaahi hoa ngāué ko ha ongo tangata pe ongo fafine mei ha fāmili kehekehe.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.

Neongo ko e uike fakaʻosi ʻeni ʻo e kulupú, ʻoku totonu ke ʻi ai haʻo hoa ngāue ke tokoni atu ʻi hoʻo tukupā he uike 12.

Hingoa ʻo e hoa ngāué

Fakamatala ki he fetuʻutakí

Hiki ʻa e founga mo e taimi te mo fetuʻutaki ai he uike ní.

Taimi-tēpile fakauike